قتـام الـود

البـارت الثلاثون(الأخيـر)

ٕاچر مظفر
يمرّ بيه بتوابيت القصايد
لو سمع حنّ وانه أحنّ
باچر من أعزف رجعتك
تختنگ فيروز؛
وتبطل غناها وتستچن
باچر تردني لغنّاي لواهسي
البيك أستراح
وبيك أخضر سالفة وگاعين
وچفوف و وطن

ٕ
قتــام الـود
بقلمي
ريــــــبــال

لاتنسون التصويت والتعليقات بين الفقرات

قراءة ممتعه♥.

____________________________

ٕ
- بنتي آدم بنتي بنتي

بقيت بـس اشهك أحس الهوى مايمر عليه وهيج مخنوكه، استنجد بي بعد ماتخليت عنه عمـر، اريد اسمع صوته واطمن اريد يرجعلي ويرجعلي بنتي الحضني ماعندي شي مهم كدها

بقيت ساكته اريد اسمعله طول يله اجاني صوته

- شمـس

غمضت عيوني والشهكة تطلع مـن نص كلبي وانا اكول

- بنتنا

سندت نفسي ؏ الحايط واحس بجبال فوك ظهري شراح ابرر وشحجي ومنو يصدكني، اجاني صوته ملهوف كأنـه توه استوعب

- ويييينج انتِ وييين رحتيييي شسويتي بـ كلبييي شمـس شسويتي وينج وينج بس انطيني مكانج احجييييي

- موجوده وبحاجتك حيل دارت عليه الدنيا واخذت الشي الوحيد العندي مثل طفل ماعتده بس لعبه تعالي آدم تعالي لمني بين أديك واخذني بعييد

- بس كليلي وين ماجاي اكدر اكعد

صار يمه صوت وخبصه شويه وصاح

- لاتحجييين ولاتنطيني مااريد

انسد الجهاز بوجهي بقيت فاتحه حلكي بصدمه، ماجاي استوعب هذا آدم؟ ليش هيج صاح عليه ليش تخله عني معقولة!!! يتخله عني بدون مايشوفني حته

كعدت لامه رجليه الصدري، خسرت كلشي انا هسه خسرت بيدي وموبيدي خسرت بس ماتوقعت هيـج انباع بهل رخص، عله صوت شهكاتي بليه مااحس مااكدر حته اسند نفسي شبعوني كسرات

- ليش ماعندي أخ وليش ابوي مات وليش أمـي عافتني وراحت وعمامي شيردون مني ليش محد يريدلي الراحه ليش كلهم محاربيني وصلت مرحله حاربت حته نفسي من وراهم يالله دخيلك باوع الحالي ياااااارب تعبونيييييي

سمعت الاصوات الي صارت بره كمزت مفرفحه روحي، وكفت وره الباب ادك بي كل قوتي واحس اديه اتشلعت

- افتحوووو بنتيييي وين وديتوهااا الله ياخذكممم طلعونييييي

انفتح الباب وفاتت دفعتني ووكفت تدور بالغرفه اخذت جنطتها ورادت تطلع جلبت بيها

- بنتي وين بنتييي

دفعتني من ايدي وفتحت علاكه طلعت منها فلوس وشمرتهن عليه