قتـام الـود

البارت السـادس والعشرون

هلي الغربـه بجفاکم مرمروني
هلي مکابل وراکم کابلوني
هلي بلون الدلال الصفره لونـي..

هلي وماعندي واحـد واشتکيلة
هلي وهسه عشت وضـع العليلة
هلي ولابيدي حيلة ولا وسيلـة.

ٕ

ٕ
قتــام الـود
بقلمي
ريــــــبــال

لاتنسون التصويت والتعليقات بين الفقرات

قراءة ممتعه ♥.

_____________________________

ٕ

ٕ
شهد:: راسي يوجعني حيل عيوني كوه فتحتهن بالمستشفى والكانونه مشكله بـ أيدي ماكو احد يمي بس الممرضه تعدل بالمغذي

- اريد ابويه

ماحاجتني غمضت عيوني تعبانه حيل، حسيت عله شي ببطني ووجع مو طبيعي

- بطنيي

- الله يعوضج

التفتت عليهة مافاهمة شي

- اكلج بطني توجعني!

- الطفل ميت ببطنج

كعدت كعده مفزوعه نشاليت من الوجع

- ياا طفل

فات يباوع عليه وصاح ؏ الممرضه

حسين:- من رخصتج بعد انا يمهة

عافتنه وطلعت وانا عله نفس الصدمه

- دكلي طفل!!

تقرب كعد يمي مجتف أديه

- انا جنت حامل كتلته انت

- لو ماميت بدون ماندري الله وكيلج اموته بـ ايدي

- انت شنو انت كوم اطلع بره عووفنييييي

سد حلكي حيل يهمس

- تره اكسر سنونج بحلكج مو بالبيت احنه

فاتت الممرضه ابتعد عني بسرعه وطلع من الغرفه، بچيت مابيدي شي اسوي، ايدي ملفوفه، ابني خسرته عايشه بضيم ويا شسوي تعبت طاقتي خلصت وبدون وعي صحت عليهة

- اريد تليفون اتصل عله اهلي الله يخليج

- ليش مو زوجج اتصل

- اريد احجي وياهم معليج

باوعتلي مستغربه وانطيتني جهاز، دموعي تجري واحاول اعصر مخي واكتب الرقم، خليته عله اذني اشهك، اجاني صوته الاخذ روحـي

الأســـد:- الوو

شهكت حيل وطلع صوتي استنجد بي

شهد:- بابا

اجاني صوته الملهوف يصيح

- هاا بابا ها مشمش شنو هاي منين تتصلين شبي صوتج ابويه