قتـام الـود

البـارت الثامـن عشر

ٕچا مِن عَمت عَيني تريد هسَ تَعود
چا وَينك گبل مِن غورگن بالدم ؟!

قتــام الـود
بقلمي
ريـــبـال

لاتنسون التصويت والتعليقات بين الفقرات

قراءة ممتعه ♥.

____________________________

ٕ

ٕ

ٕ

ٕطبكت الباب ونزعت الشال من وجهي
صار كبالي يباوع عليه مايرمـش كلبي صار بين رجليه

تقرب عليه وهو عله نفس الملامح
لزمني من شعري وره الحجاب جلبـت بـ أيده

- شهـم بس اسمعني خل اكلك

- شدكليلي بت السكط شدكليلي

حجاهة وضربني راشدي بقوته انركعت بالحايط
رجع عليه سحبني ردت احجي وضربني الثاني وكعت عله وجهي

- وين جنتي حيوانه بنص الليل من انعل أبوج لابو

سحلني سحل أريد افتح حلكي مايخليني
شالني شيول من شعري وصعدني الدرج شمرنـي بغرفه نور ومشه عليه دفره فز مخروع

نور:- شكو

شهـم:- هاي الخابصني بيهة كوم شوفهة وين جانت بهل ليل مااريد أتهـور

وكف كبالي كلشي مافاهـم

نور:- شتحجي شبيك

شهـم:- الساعه بالأربعه الفجر حظره جنابهة تفتحلي باب الشارع وتفوت منه والبيت متروس كـ***

نور:- شبي هذا

تقرب عليه يريدني احجي مسحت وجهي ونطقت

- جنت يم قُصـي

فتح عيونه عله وسعهن يتلفت بيني وبين شهـم الي يريد ياكلني، تقرب عتاني من أيدي مامصدك

- بهـل ليل طلعتي ولوحدج

- اي

ضغط عله أيدي بقوه

- شتحجـيييين

ضربني عله راسي بزعت وتسودنت دفعته حيل

- مامسووويه شي محدد إلـة حق يحاسبنيي

حجيت هيج لو خبلتهم ندارو عليه ثنينهم ماادري الضربه منين تجيني ماهتميت الـ أي شي وكمت اعيط بعلو صوتي والألوحة منهم اضربه وهمة يتخبلون بزايـد

بدقايق نلم البيت علينه سحلوهم مني سحل ختلت بظهر أبوي اصيح

- لو بيكممم خير تاخذووني انتم

شهـم:- دعوووفوني خل اربيهـةة

أسيــد:- شترربي تره حظك اطيحه بنتي هاي