قتـام الـود

البارت السابـع

يا اعز چتال يتمايل غنج لو بيه ثگل نوحي .

قتــام الـود
بقلمي ريـــبـال ♥.

لاتنسون التصويت والتعليقات بين الفقـرات.

قراءة ممتعـة

______________________________________♡•

فزيـت والتفتت وراي
منتجي عله الباب واديـه بجيوبـة

- شوكت اجيت

تقرب عليـه يمشي برهاوة

- تونـي

- وحدك؟

- چؤؤ خالج وياي

سكتت ماجاوبتـة تقرب عليه

- شبيج

- مابيـه شي

- زين تفضلـي اكعدي يمنه

- مرتاحه هنا

- براحتـج

خلاني وراح رجعت عله صفنتني
مشتاقه الاهلي بس مااحب العيشـه هناك

لو مامرضي ابوي يعوفنـي اجي هنا؟
ودائماً الجواب يكون
اكيـد لا!!!

رمشت عيوني بسرعه وانا اسمعهم يصيحون عليه من جوه

استغفرت ربي وغلسـت
رجعو صاحـو

- لـج ألر

- هـاا

- تعالي شو

لفيت نفسـي بالشال العله جتافي وفتت جوه

- وينج خالي ساعه اصيح عليج

- مو مااريد افوت

- موزين عليج يا بابا

مشيت كعدت يمـة مابية حيل اجادل
وهـو يباوعلي ويدير وجهة حسيت بي شـي بس ماسألت ابد مو طبعي الفظـول

شويه وصار يتحمحم

- ألر

ألر:- نعم

- موعـد دكتورج باجر

باوعت عليه مصدومه

ألر:- شنـو باجر واهلي؟؟

- مايسويلج شي بابا هية بس فحوصات

حجيـت بخوف وعيونـي تفتر عليه

ألر:- يعني يعني مو العملية

- لا والله بس فحوصات

ألر:- تمام

بلعت ريکي ميتة من الخـوف
مااتخيل نفسـي اسوي عمليه واهلي مو يمي
شلون؟؟
بله متت!

كمت من يمـهم وفتت للغرفه سارحه بـ افكاري
ماادري وين امشي وشسوي
احس بتعب مـن كلشي واولهن نفسي
هواي جاي اتعب وهواي اتحمل