فِيـصل

2

هاي قيرلز

_________
الصباح السـاعه 06:00

فز من نومه لمن استوعب انه بيتاخر ع الدوام سحب ملابسه من الدولاب ودخل الحمام شور سريع طلع ولبس وهو مستعجل لسى يبي يطلع يفطر مع خويه مؤيد قبل المدرسه لبس ثوبه الاسود وحط الغتره البيضاء ع كتفه
مشط شعره البني الناعم الكثيف الي دايم يتهزاء عليهه بالمدرسه بسبب انه يطول بسرعه مايمر اسبوعين الا وهو رجع يوصل لعيونه ويغطي ملامحه الحاده ويبينها هاديه اخذ كتبه نزل تحت لقى جده وعمانه وعياله متجمعين يفطرون قلب عيونه وكان بيطلع بس وقفه صوت جده وهو ينادي عليه رجع بخطواته له وسلم ع راسه
فيصل بترقيعه: مستعجل م انتبهت عليك
الجد: وليه مستعجل اقعد افطر معنا خالد بيوصلك المدرسه.
ناظر فيصل بخالد اخوه الكبير الي موحولهم اساس جالس عجواله ومبتسم
وناظر بااهله الي كلهم مشغولين الاتركي الي يناظره وهذا الي غبنه ولف لجده معصب
فيصل: جددي انا مو بزر عندك عشان خالد الي يودين ويجيبني مؤيد برا ينظرني.
والتفت ماشي صوب الباب والجد رفع صوته بنبره حاده تحذيرية
الجد : اذا عديت من الباب هذا بدون شوري اكسر رجولك.
الكل انظارهم توجهة لفيصل الي طلع من الباب مومهتم بتهديد جده متعودين ع هواشت فيصل وجده كليوم صارت روتين عندهم ومحد يدخل بينهم الا عمه عبدالعزيز الي التفت لاابوه
عبدالعزيز: خلاص يبه هدي اعصابك المدرسه قريبه مو بعيده عشان تخاف عليه.
الجد بعصبيه: موخايف ع السربوت ذا
انا اعرف انه يهيت مع الصياعه ذول صار يعصي كلامي ويتمرد هذي الحركات كلها من وين جايبها! منهم من عيال الشوارع الي يمشي معهم.
خالد انتبه لسالفه وم عجبه كلام جده على اخوه وناظر بااخوانه عيال ابوه الي مومهتمين بسالفه وقف وقال بهدوء
خالد: انا بتكلم مع فيصل انت لاتقرب منه بيجيك اليوم ويعتذر منك.
عمه ابو سلطان الي نطق اخيرا
:هذا الي طلع منك؟
خالد ناظره بعين حاده وقبل مايرد عليه تكلم جده
الجد: ماكبر راسه علي الا انت.
خالد : اخوي ونا بكلمه لاتضغط عليه اكثر من كذا.
وقف الجد وعيونه بعيون خالد وقف معاه عبدالعزيز يحاول يهديه لنه يعرف خالد م يمسك اعصابه وممكن يفجرها الحين
عبدالعزيز : خالد روح ورا فيصل
خالد وعيونه لسى ع جده الي يناظره بحده
:ابشر ياعم
اعطى عمه ابو سلطان نظره اخيره قبل م يطلع من البيت
الجد: هين يافيصل ان مارجعت وربيته
عبدالعزيز : يبه بجيب لك دواك وينه
الجد بعصبيه: مدري وين حطه السربوت.