فِيـصل

24

صباح يوم جديد صحى فيصل من نومه وشاف رائد نايم بس وليد مو موجود

فتح دولابه بس ماحصل له ثوب جاهز اخذ ملابسه ودخل تروش وطلع من الحمام ورائد صاحي وجالس واضح انه كان ينتظره يطلع

نطق فيصل وهو متوجهه لمرايا : رائد
رائد عدل جلسته وارتبك : ه هلا
لف فيصل له : اذا عادي ابيك تروح عند نواف ابي من عنده ثوب من ثيابه
ورد رائد بدون تفكير : خذ من ثيابي

فيصل ناظر برائد ثواني وبراسه انه رائد قاعد يصرفه لن مستحيل ثياب رائد تجي عليه رائد اقصر منه بكثير
وتوجهه للباب : طيب غرفة نواف وين انا بروح له

وقف رائد بسرعه ورمى منشفته : خلاص انا بروح م
ونطق فيصل وبابتسامه تسليكيه ماحاول ابد انه يجامل : مشكور انا بروح له
رائد عض شفته : معليش نسيت ان مقاسي مو عليك
وفيصل مارد عليه وطلع من الغرفه وشاف نايف قدامه

وقف نايف بتفاجى : اووهه فيصل متى جيت
فيصل : امس ، غرفة نواف وين
نايف بستغراب  : هذي ، بس معليش بتلقاها حوسه اشوي
هز فيصل راسه ومشى بخطواته لغرفة نواف ودق الباب

دق الباب وهو يسمع صوت نواف العالي واضح انه قاعد يلعب ومايسمع صوت الباب ، فتح الباب وقف عنده

ونواف كاه لابس ثوبه وجاهز بس جالس ع البي سي ويلعب ومو منتبه له

قرب منه وقف وراه يواقب لعبه ويعقد حواجبه كل مازاد صياح نواف وحماسه لين ماشافه خسر وعصب وكان بيكسر الي قدامه بس يد فيصل دقت ع الطاوله قدامه خلته يوقف

ويرفع راسه وعلى ملامحه الصدمه رجع ظهر لورا وبعد الكرسي شوي بعيد عن فيصل ويناظره كانه مو مستوعب
: اعوذبالله انت متى جيت

فيصل تكتف ورفع حاجبه : اعوذبالله من وجهك
ضحك نواف : لا انا كذا تأكدت انك فيصل مو جني
وقف نواف بسرعه وحضن فيصل بقوه
: اي والله اشتقتلك ياحيوان
فيصل رفع يده حضن نواف شوي وبعدها حاول يبعد عنه