عَذابْ

8

بعد يومين ، انتقل غيم لبيت فرات واحتار وين يحط اغراضه ، منذ ان كنتور فرات متروس و جراراته كذالك

شهاب : يأبه كافي تمطمطون ، حطوهن ب كنتوري و خلص

باوعله عذاب باستغراب وفرات وسع عيونه بصدمه

فرات بصراخ : راكبك جنني؟؟؟ كلا كلا! مستحيل انت تشارك كنتورك أو شي يخصك وي اي شخص!

خزره شهاب و كمل يلعب بوبجي بعدم اكتراث.
تنهد غيم وأخذ جنطته متوجه بعدها لغرفه شهاب ماخذ احده الخانات الفارغه الموجوده بالكنتور بادي يرتب ملابسه بيهن

ورا ربع ساعه من التسفيط والترتيب بغرفه الاكبر سمع الباب ينفتح وشهاب يدخل وبأيده گلاص گهوة مثلجه

مد ايده لغيم الي اخذ الگلاص بارتباك

شهاب:ضوگه ، اول مره اسوي شي حرفيا ، لهذا السبب إذا تسممت ما علي، گول لي رأيك
نطق شهاب بهدوء وهو يباوع لغيم منتضر الرد منه

تنهد غيم وشرب منه شوي و سرعان ما تكشرت ملامح وجهه بقرف
غيم : حاط ملح بدل الشكر ؟؟

ابتلع شهاب ريگه باحراج و نتر بي : شدراني! كلهم بيض و زغار

غيم : تعال اراويك شلون تسويه

اومئله شهاب وراح وراه متجهين للمطبخ
غيم بدة يشرح بينما يسوي الاشياء : اول شي تطلع الخلاص ، تجيب اي نوعيه كوفي تريدها و اذا ماعندك جاهزه تسوي بالبيت ، شلون نسوي بالبيت؟ اول شي خاشوگه گهوة ساده ، خاشوگتين حليب مجفف، ثلاث خواشيگ شكر ، خاشوگه مبيض ، و اذا تريد تضيفلها ككو ضيفلها خاشوگتين بس اني هسه رح اسويها كلاسيكيه و ما اضيف ، حط فوگهن ثلاث گلاصات ماي بارد و شغل الخلاط

شغله غيم وهو يتحرك ببطئ يمين و يسار ينتضره يصير ، و فور أن صار طفاه خلى گلاص كلش چبير و حط بداخل هذا الگلاص اربع مكعبات ثلج و حط فوگهن الايس كوفي و عصر كريم شانتيه و زين الگلاص من فوگ ب رشه ككو مطحون ، و حط بي عوده

مد الگلاص لشهاب الي اخذه منه بهدوء و ضاگه
ابتسمله بخفه قائلا : عاشت ايدك غيمتي

ضل غيم صافن بوجهه بينما انرسمت على شفته ابتسامه صغيره بلهاء

شهاب وهو يعقد حواجبه و يباوع لحلگ الاخر باستغراب:
شبيهن شفايفك معووجات؟

رفعله غيم تك حاجب و نتر بي : خلقه ربي ، وبعدين احله من شفايفك الميبسات

ابتسم شهاب بصدمه وتسائل بصوت عالي بينما يتقرب منه : هاا ولك طالعلك لسان