عَذابْ

11

و بعد مرور أسبوعين. چان التواصل بين عذاب وفرات بيهن شبه معدومة منذ انهم ماچانو يلتقون إلى على المائده بوقت الفريوگ والغده و نادرا العشى

و اليوم تحديدا، چانو عازمين وئام و سامي على العشى منذ أن شهاب وعذاب يعرفون سامي ك صديق طفوله غيم و يعرفون وئام هم لأن ابوه چان يعرف ابو عذاب و اصدقاء عمر و أقرباء من بعيد

بينما سامي چان مركز بحركات و نضرات شهاب على غيم و عذاب على فرات، چان الكل ياكل بهدوء غير مهتمين له ولا منتبهين اصلا

لكن تبدد الصمت من عدل عذاب جلسته و افصحلهم عن خطه عطله نهاية الأسبوع الخاصه ب غيم و فرات يلي رح تبدي بأچر " حجزتلنا شاليه قريب منا، عود باچر نروحله من الصبح و نبات بي لعگبه المغرب عود نرجع احنا الستّة "

عدل سامي گذلته وبينما يكصلهم صور من جوة الطاوله حتى ما ينتبهون أردف بأمتنان " ماله داعي تكلف نفسك وتحجز بحدك، چان گلتلنا ن-"
و بدون ما يكمل جملته قاطعه عذاب
" ما بيها تكلفه على واحد راتبه بالشهر 40,000 دولار "

ابتسم سامي بوسع وبادر
" راتبك زين بالنسبه الي، أو بالأحرى بالنسبه لواحد الفلوس الي تتحول على حسابه شهريا هنة 43,000 دولار "

قاطعهم شهاب بينما يعلس خيار
" 45,000، قفلت ملفكم "

قهقه وئام بخفه وتمتم بينما يشرب شوربة
" ابوي يخلي بحسابي 100,000 كل شهرين، يعني بالشهر 50,000 فى سكتم"

عبس فرات و ضل يصيح عليهم
" كلكم طاگين بس أنة فگر و الف ماكو بجيبي "

رفعله عذاب تك حاجب وتمتم بانزعاج
" ترى راتبي 50,000 المفترض لوما ال 10,000 الي احطهن بحسابك كل شهر "

حط الاصغر رجل على رجل واعترض
" قليل "

تأفأف غيم و عبر عن معاناته
" راتبي بالشهر خمس راجديات من فرات و تفلتين من شهاب و نتره من عذاب و رفعه ضغط من سامي و وئام "

عگد سامي حواجبه وتسائل
" اني و وئام شعلينا "

بررله
" انت لأن ما تسمع الحچي ، والثاني رافع ضغطي ب بروده وفهاوته وطيبته الزايدات "

رفع وئام راسه واستهزأ بي
" دي گول رافع ضغطك لأن طولت بسرعه وصرت اطول منك و شوي و اوصل لشهاب "

باوعله شهاب ب نص عين و أملى عليه
" دي يلا، راوينا عرض چتافك وتعال اوگف يمي خنشوف ياهو ألي رح يوصلي "

امتثل المعني لطلبه، و وگفو هم الاثنين واحد بصف الثاني، و المفاجئ هو أن طولهم نفس الشي حرفيا