سَهيتْ بنظِرة عيونك واثّاري هالعيونُ بلاد

Part 10

دخل هياف بهدوء وهو يتلفت ويمشي ورا خطواتها ، وصلت لباب غرفتها وهي تفتحها وتدخل وتتناسىٰ دموعها واللي صار و ببتسامه له : شفيك توترت الحين؟
دخل يقفل الباب وراه : انا متوتر!
وريف : لا انا
هياف : اي لسى ماشفتي شي
وسعت عيونها بصدمه من جرائته : هياف اعقل
ابتسم لها وهو يتقدم لناحية السرير ويشوفه صغير ، ويكفي فرد واحد ! رفع حاجبه بأستنكار : ليه سريرك صغير؟
ألتفتت له : سريري صغير لي يكفيني انا مايكفيك انت ماتشوف عرض أكتافك مالك مكان فيه
ضحك وقادته خطواته لناحيتها وهي ترجع لورا وتنطق بتوتر : هياف اعقل اعقل !
مسك إيديها ورفعها تحاوط رقبته ومسك خصرها بهدوء وعيونه بعيونها : السرير مايكفيني ؟
هزت رأسها بـ أي بتوتر من قُربه ، أبتسم لها : اجل وين انام؟
وسعت عيونها بصدمه : وشووو! بتنام عندي ؟؟؟؟
هياف : لا بنام عند الجيران
وريف : تستهبل؟
هياف : لا
وريف : اجل مالك مكااااان نام بالأرض دبر نفسك
سحبت يدها منه وهي تتوجه وتفك ربطة شعرها اللي تناثر وحس هياف مو شعرها الا ورود وأشياء مُزهره جالسه تتورد وتتناثر بصدره ، توجهت للدولاب تأخذ بيجامتها وتتوجه للحمام تحت أنظاره ، تحرك يستكشف غرفتها واللي فيها ، بعد دقايق قصيره طلعت وهي تتوجه للسرير تتمدد وتغطت وهي تناظره بابتسامه : طف اللمبه لاهنت
واقف يتأمل حركاتها وعاجبه جوها ، تقدم يطفي اللمبه ورجع بحركه سريعه منه انسدح يتمدد خلفها وهو يحاوطها بيديه ويدخل رأسه بشعرها يشم ريحته ، فزت بتقوم بس ماتقدر من إيديه ، رجف كل جسدها وهي تحس بأنفاسه الحاره تلثح على رقبتها نطقت بتوتر : هياف
شدها له أكثر ونطق بخفوت وهو ذايب وحاس بنعاس فضيع داهمه ماصار بوعيه وهو يتمتم ويقول : قلتي مالي مكان فيه! شفتي انا اخليه يصير لي مكان
وريف بتوتر : هياف !
هياف : خليني انام ونامي
وريف : بس ما ...
قلبها هياف بغفله وصار فوقها ويناظر عيونها ووجهها الي انصبغ لونه باللون الأحمر من الخجل والتوتر الباين عليها : شكلك بتتعبيني ومارح تخليني انام ! تبيني اتعامل معك بأسلوب ثاني
ناظرته بسكوت وهي تتمتع بالنظر له نطقت بهدوء خوف من ان نومه يطير ويستقعد لها : خلص ارجع ونام
أبتسم لها وهو يتمدد بكامل جسده عليها وبحضنها ، يحط رأسه على صدرها ويغمض عينه بكل روقان وهمس : نامي
فزت روحها وتوترت ، بس ماتنكر جزء من داخلها مبسوط وكثييير من وجوده وبحضنها ، تمنته كذا دايم ، مدت إيدها بتررد لشعره تلعب فيه ، أبتسم وداخ فعلاً من أناملها الي يحس فيها ، حس كل همومه راحت ، غمض عيونه وبعد دقايق نام بكل راحه ، كملت تلعب بشعره وهي تناظر عرض أكتافه وشعره الكثيف ، جلست تتأمل منظره لدقايق بدون حركه منها خوف انها تزعجه ، غلبّها النوم ونامت بدون إدراك
-
بعد مارجعوا البنات من دانكن وتمشيتهم الخفيفه اللي حب يغير سِراج فيها جو بس بدون فايده ومافي اي شي جديد ، وصلو البيت توجهت تفتح الباب ببرود وبسرحان تتوجه للطاوله ، فزت من تقفل الباب وراها ، ألتفت وحسّت بجمود تام من شافته ، تقدم ناحيتها وهي ترجع ونظرها للأرض ماتبي تطالعه تقرب منها أكثر واكثر الين ضرب ظهرها بالجدار ، مسك طرف فكها يرفعه نظرها لنظره ونطق بهدوء : جوري!
تقدمت بتمشي بس مسك ذِراعها وهو يرجعها قدامه بألم منها ، شاف عقدة حاجبها ، ولمح آثار دموعها وعيونها الحمرا : ليش بكيتي؟
جوري بأستغراب : ماتبيني ابكي؟ مبسوط انت؟
سِراج : ما اقصد كذا !
جوري : وش تقصد؟
سِراج : احنا ندري وواثقين اننا لبعض ليه البُكي ؟
جوري : بس ابوي وافق!
سِراج : بس جدي مارح يخليه
جوري : انا مادري مادري مو قادره افكر بشي تعبت تعبت خلص
سِراج : ماتتعبين! وبينتهي الموضوع ذا لاتزعلين روحك
هزت رأسها بتعب تتوجه للسرير بعد ماخرج سِراج ونامت على طول..
-
بعد مرور من الوقت والأنتظار الطويل لدُرر وهي تنتظر جاسر يدق عليها ويقولها باللي عنده بعد اخر مكالمه! كانت تنام وتقوم وتعيش يومها توتر بـ توتر ، تمللت وكثير ، توجهت لجوالها بتردد تدق عليه ، بعد ثواني من الأنظار رد بـ : هلا
دُرر : اسفه على الإزعاج بس قلت بتدق وتقول لي اشياء بس ماقد دقيت !
جاسر : انا اللي اسف انشغلت واعمال وكذا ولهيت
دُرر : طيب قول الحين!
جاسر : امي وابوك بيخطبونك لي
وسعت عيونها بصدمه من كلامه المفاجىٰ : نعمم ! وش تقول انت؟
جاسر : كنت داري مارح توافقين ، المهم حبيت اعطيك خبر لان مو بيدي شي
دُرر بتوتر : لا جاسر صبر انت مافيك شي ومو سالفة مو موافقه! بس انا مالي نيه بالزواج ولا لي نيه بأحد وكيف ابوي وامك يفكرون كذا ويأخذون قرار عني؟
جاسر : انا حبيت احطك بالصوره بس انا الأن مشغول اعذريني وترا محد يدري بشي
دُرر : معذور ، تمام
قفلت المكالمه وحطت كفوفها على رأسها تدور بالغرفه بتفكير وتكلم نفسها : لا ياربي لا ، ابوي مالقى شي لاهو ولا مرته بيزوجني جاسر الحين اف منك يايبه من يوم تزوجت هالزفت واحنا مو بخير
-
عند سسلطان ~
نزل للصاله يجلس يتقهوى مع فهده بهدوء وبمناقشه في أمورهم ، نزلت ارجوان تبوس روؤسهم بُحب : الله لايخليني من وجودكم
ابتسم سلطان : ولا من وجودك يانظر عيني
فهده : هالله هالله نظر عينك وانا وش ولي ؟
ارجوان بضحك : غارت غاارت
سلطان : انتي الغاليه ونظر العين الثانيه
ارجوان : حركااات يالغزل تستتحييييننن يربي
فهده : خلاص يبنت
ارجوان : اقول يبه
سلطان : سمي
ارجوان : متى بنرجع للديره
سلطان : قريب ان شاءالله قريب
نزلت دُرر تحب رأس جدها وتجلس بهدوء
سلطان : وش فيها حبيبة جدها وجهها زعلان؟
دُرر : مافيني شي ياجدي
فهده : يابنيتي وجهك تعبان هالكه روحك ليش؟
ارجوان : تتغلى تتغلى
دُرر بضحكه خفيفه : لا ماتغلى وين بس من النوم الملخبط وكذا
سلطان : ابوك قد تواصل معاك عن قريب ؟
هز رأسها بنفي : لا
سلطان : زين تربخين من الهموم شوي
ابتسمت لجدها وماتدري تقول بالخبر اللي قاله جاسر ولا ، شافت ضحكهم وسوالفهم واكتفت بالسكوت . .
-
في الأسطبل ~
مهند : الحين انت غبي والا غبي ؟
آسر : غبي بس ليه
مهند : ياخي انت سامج طالع من المستشفى امس وحالتك حاله وجاي للأسطبل وش ناسي ؟
آسر : بشوف حبيبة قلبي بتطمن عليها
مهند : وش سميتها ؟
آسر : لسىٰ ادورلها عاد تدري
مهند : وش ؟
آسر : خاطري نتسابق
مهند : اقول اهجد
آسر : خايف؟
مهند : اي خايف على جرحك
آسر : ماعليك
مهند : اقول يلا رح شفها خلنا نرجع
آسر : اصبر
-
في المركز غرفة الاجتماع تحديدًا ~
العميد خالد : تفضل ياأيّهم اجلس ، وينه هارون ؟
أيهم : جاي طال عمرك
دق الباب مُعلن دخول هارون يسمح له العميد بالجلوس : ليه تأخرت ؟
هارون : طال عمرك سلمت ملفات وجيت
العميد خالد : تمام نبدأ انا اخترتكم انتو الاثنين تحديداً لاني عارفكم زين بتنجحون وانتو قد كل شي هذا اولاً ، واتمنى مايخيب ظني بكم بسبب هواش تافهه بينكم ، وتكونون قد كلامكم يد وحده وتنجحون بالمُهمه ذي
أيهم : أمرك طال عمرك
بدأ يشرح العميد خالد المُهمه لهم بالتفصيل ، متى تبدأ المُهمه ومتى تنتهي ومين يكون معاهم ومين لا وووو .. بعد شرح ساعة كاملة وقف العميد خالد : في شي مو مفهوم
وقفو الكل ونطقو : لا طال عمرك
العميد خالد : تمام تقدرون تتفضلون الحين ولاتنسون حرف من اللي قلته
أيهم : ابشر طال عمرك بس حاب اسال عن المده كم بنجلس؟
العميد خالد : على حسب شغلكم ياأيهم اذا فلحتو بنخلص المُهمه بوقت قصير واذا طولتو بتأخذ ثلاث شهور وأكثر!
أيهم : على خير طال عمرك
-
اخر الليل في بيت وريف ~
صحت على مُنبه جوالها ازعجها لأول مره ، قطع نومه مُريحه لها فتحت عيونها بعدم راحه ، تحس بشي ثقيل على بطنها ، نزلت نظرها وبدت رؤيتها توضح له وكثير حطت ايدها بشعره تبتسم بهدوء ، ترفع إيدها للساعه وتشهّق بخرشه من شافت الساعه 2:35 صباحاً  ، حاولت تقوم بس ماقدرت من هياف اللي نايم ولا درا عن احد ، ولا درا عن جواله بعد اللي احرقوه بالرسايل والمكالمات ، تقربت من اذنه بهدوء تهمس : هياف! هياف يلا قوم الوقت تأخر مره
تحرك بازعاج يفتح عينه بهدوء يشوف وجهها قدامه وابتسامتها الي مزينه ثغرّها ونطق بروقان : صبحتِ بالخِير يا صَباح قلبي وعَافيته
ابتسمت بحياء تبوس خشمه ونطق بروقان : يييييووووه أطلق نومه ليه صحيتيني؟
وريف : قم قم شف الساعه 2 ونص بالليييل !
هياف : واذا ؟
ووريف : وش واذا ؟ نمنا وماحسينا بالوقت
هياف : مابي احس بالوقت معاك انا ارتحت ارتحت اهخ
وريف : هياف يلا قمم اصلاً جوالك حرق من الرسايل والمكالمات!
هياف : خليه يحرق برجع انام
وريف : مافي ترجع تنام يلا قم
هياف : لو ماتخليني ارجع انام بجيك كل يوم وانام بحضنك!
توسعت عيونها : تستهبل!
هياف : لا
حاوطت رقبته بهدوء : تدري ؟
هياف ببتسامه : لا مادري وش ؟
وريف : خاطري واحنا مروقين كذا نطلع نتقهوى قبل لاتروح
هياف بكسل : اهخخ مقدرت
وريف : هياااف!
هياف : كسلان كسلان
وريف : تكفى تكفى الحين انت ترجع بيتكم وانا هنا اجلس وحدي وماعندي احد اخاف وحدي
هياف : مابخليّك!
وريف : قول والله
هياف : والله
قربت تبوس خده بوناسه : اجل قم يلا نصحصح ونروح نتقهوى
ابتسم من بوستها ونطق : صديقتك انا ؟
ناظرته بفهاوه : ليه؟
هياف بخُبث : وش بوسة الخد ذي! عطيني بوسة الحبايب يلا
أستحت وهي تضرب كتفه : تخسييي يلا
حاولت تقوم بس رجعها بقوه ونطق : مين يخسي ؟
توترت بقربه اللي زياده : محد
هياف : اجل عطيني بوسة الحبايب والا مابقوم
وريف بحياء : هياف عيب!
ابتسم وهو يقرب لها يحب خجلهّا كثير ، بس قامت هالمره صدق وهي تتوجه للحمام وتنطق بصوت عالً : صحصح بسررعه
ضحك لها وهو يجلس بكسل وخمول يناظر الساعه وفعلاً استغرب كيف مر الوقت بدون مايحس بشي ، فتح جواله يرد على الرسايل وو...
-
في قروب البنات ~
ليال : مرحبا بنات
ارجوان : من طول الغيبات جاب الغنايم
ليال : مافي غنايم ولا غيرها
ارجوان : اجل شتبين يالمختفيه ياللي ماصرنا نعرفك
ليال : طفشانه
ارجوان : كلنا كلنا
جنىٰ : اي والله كلنا طفشانين مابو شي جديد
ارجوان : شرايكم نحجز شاليه ؟
وداد : انتي ماعزيتي من اخر شاليه ؟
ارجوان : لا ماعزيت كتمه يبنات صدق نبي فعاليات الاجواء بالعايله ذي اليومين صدق ببيض حرفياً !
دُرر : وش تبين نسوي مثلاً ؟
ارجوان : دُرر انتي صاحيه يازق؟
دُرر : وش تشوفين؟
ارجوان : سبعاه يالزق تعالي عندي دامك صاحيه نغير مود حسبتك راقده
دُرر : مالي خلق غرفتك بعيده تعالي انتي
ارجوان : تم بجيك
وداد : وانا ؟
ارجوان : انتو خلوكم ببيوتكم جوري وريم مالهم حسب اكيد نايمين وجنىٰ انتي عندك شهد غيري جو معاها اما وداد وليال انتو مساكين روحو نامو
جنىٰ : شهد نايمه وحتى لو صاحيه ماتسولف نفسيه
وداد : تتخطين
ارجوان : خلاص حبايبي بكره وخير اخلي هياف يجيبكم كلكم عندي نغير مود
-
في غرفة دُرر ~
دخلت ارجوان : انا جييت
دُرر : خشي خشي
دخلت ارجوان تجلس بجنب دُرر يشغلون اللابتوب يشوفون فيلم وبعد مرور نص ساعه طفت دُرر الفيلم : خلاص طفشت
ارجوان : ياخي انتي!
دُرر : بسولف
ارجوان : سولفي
دُرر : بقولك بسوالف بس ياويلك تطلع لاحد!
ارجوان : بسم الله لاتخرشيني وش ؟
جلست دُرر تبدأ تفتح سوالف مع ارجوان وحبه حبه بالسوالف شرحت لها الموقف اللي صار مع أيّهم وحبه وحبه برضو وصلت بسوالفها لمكالمة جاسر وكلامه
انصدمت ارجوان : ول ول وللل صايره معك علوم وسوالف وماتقولين لي!
دُرر : والحين قلت لك
ارجوان : ووش صار طيب ؟
دُرر : اي موضوع؟
ارجوان : أيّهم شافك؟
دُرر : مادري بس تناسيت موضوعه
ارجوان : وجاسر صادق ولا؟
دُرر : برضو مادري
ارجوان : طيب قولي لابوي
دُرر : لا مابي اشغل احد الحين لو شفت صار شي جديد بقوله
أخذتهم السوالف ساعة ثانية وتفرقو الساعة 3 كل وحدة تروح تنام فيهم ..
-
اليـوم الثانـي
الساعه 10:00 صباحاً في بيت سسلطان ~
نزل سلطان للصاله يتلفت بهدوء مايشوف احد فيها جلس وبعد دقايق نزلت فهده مقبّله عليه : صباح الخير
سلطان : صباح النور وينهم ؟
فهده : نايمين يمكن مافي حس لاحد
سلطان : صحيهم ودقي على العيال والكل يجوني بعد صلاة الظهر
فهده : عسى ماشر ؟
سلطان : مافي شي بس ابيكم بشغله
هزت رأسه بـ تمام وكل واحد يتوجه لشغله ..
-
بعد صلاة الظهر فالصاله ~
كانو منقسمين الرجال تحت والحريم بالصاله اللي فوق يسمعون فيها صوت سلطان ، نطق سلطان لأيّهم اللي رجع من المركز : كيف شغلك يا أيهم ؟
أيهم : بخير الحمدلله
سلطان : الحمدلله
رفع أيهم نظره لسِراج يشوف وجهه متغير عن اخر مره وسرحان وحالته حاله تغاضى عنه الين جده يقول الي عنده
سلطان : جمعتكم اليوم الكل عشان اقول لكم بعد يومين ان شاءالله بنرجع للديره وبنرجع نجتمع ببيت واحد الكل وبنسكن فيها ومابنجي المدينه الا للضروره فاتجهزو ورتبو من الحين
فهده : جد ؟
سلطان : اي جد
عزام : افضل خبر ومنها نفتك من الي مايتسمى وتهجد روؤسنا شوي
خالد : على خير ان شاءالله
سلطان : الكل يكون جاهز بعد يومين انتو وزوجاتكم واولادكم
ارجوان : اطلق خبر سمعته بذي الفترررره
هياف بضيق على وريف : انا يمكن الحقكم بعد اسبوع او شي
سلطان : وليه ؟
هياف : عندي اشغال هنا اخلصها والحقكم
سلطان : تمام اهمشي الكل بنرجع
هياف : ان شاءالله
بعد ساعه من سوالفهم ولمتهم نزلت جوري بهدوء تتوجه لأبوها تطلبه يعطيها مفتاح السياره لأجل تأخذ شاحنها طلعت تتوجه للسياره تحت أنظار سِراج اللي ماشال عينه ابدأً ، لحقها زيد بعذر مُكالمه ، حط ايده على رأسه بغضب منه صار بخاطره وكثير يذبحه وقريب..