سَهيتْ بنظِرة عيونك واثّاري هالعيونُ بلاد

Part 14

عند يزيد ~
وصل وهو يسمع صراخه من برا ،أبتسم وهو مستمتع من اللي يصير : توك ياسِراج توك انت وأهلك ماشفتو شي
مشى وهو يدخل عليه وقف أمامه بكل ثبات : كيف الحال ياسِراج عسى ماشر؟
سِراج بغضب : هذا انتتت يياكلب ! والله اني كنت داري لو انك رجال فكني
يزيد بأستفزاز : انا رجال بس انت حيوان لازم اربطك
سِراج : انا اورييك مين الحيوان ياحيوان اصبر علي والله لاندمك
بعد ثواني من أستفزاز يزيد وصراخ سِراج صحت أرجوان وهي تشوف تغبيش بعيونها مو واضحين كثير ، رفعت نظرها وشافت ظهر بطول وعرض قدامها وتسمع صراخ سِراج ، وسعت عيونها بصدمه من تذكرت الأحداث ونطقت : سِرراج
ألتفت لها سِراج : ا أرجوان ! أرجوان فييك شي ؟ تحسين بشي ؟
أرجوان : سِراج وش صايرر ؟ وين احنا فيه سِراج
سِراج : لاتخافين لاتخافين صحي وداد
أبتسم بداخله من سمعها ، ألتفت أرجوان لوداد : وداد قومي وداد!
يزيد : تفقدو حولكم وحواليكم ناسين شي او شي
ناظره سِراج بتفكير وراسه يدور مو راضي يخليه يفكر : انت أنطم ياكلب
انتبهت أرجوان وهي تلف يمين وشمال تدورها بنظرها بس مالقتها ! صرخت بأعلى صوتها : سِرراج جورررري جوووررررري !
فز سِراج لها وألتفت بكل خوف وهو توه يتذكر ان جوري كانت معاهم ، سب نفسه مليون سبّه كيف نساها كيف بينجلط فوق غضبه ، نطق بكل غضب فيه الين حمّر وجهه : ويين جورررررري ياكلبببب ؟؟؟
ضحك يزيد باستفزاز : صباح الخير توك تلاحظ !
وسع عيونه بغضب وهو يتنفس بقوه يحس قلبه بيخترق صدره ويطلع ، منظره صار يخوف بالنسبه لأرجوان وهي دموعها تنزل وماتدري وش نهاية الموضوع ذا ، نطقت ببحه : تكلم انطق جوري ويين
ألتفت يزيد لها يناظرها ، يناظر مظهرها وعيونها ودموعها وكل شي فيها وسهىٰ ، نطق سِراج : غض بصررك يا ييزيييد ولا تلعب بأعصابي أكثر جوري ويين ؟
نطق يزيد بهدوء : جوري بالحفظ والصون
سِراج : لاتنطق اسمهااا لاتنطق
يزيد : اهدأ ! توكم ماشفتم شي لحد الأن كلكم بخير واحمد ربك
سِراج : لاخر مره أسالك ! جوري وين ؟
يزيد : موجوده كنت شفقان عليك وبجيبها لك قدام عيونك بس عاجبني وضعك كذا وكثير
-
بعد مرور الوقت على نفس الحال / في الصاله الساعه 9 بالليل ~
فهده : يوييلي قلبي قام ينغزني!
دُرر : بسم الله عليك لييه؟
فهده : تأخروو تأخرو العيال
سارة : اي والله تأخرو وكثير من العصر دقيت على وداد أكثر من ثلاث مرات ولا ترد!
دُرر : لاتخافون نسيتو أرجوان معاهم ؟ بتخلي سِراج يفر المولات والكافيهات كلها
سارة : والله انا مو قادره أصبر أكثر لهم من الحين لساعة قدام لو ما اجو بدق على خالد
فهده : وانا بدق على أيهم
دُرر : أهدو وان شاءالله مافيهم الا العافية بقوم اسوي لكم قهوة
-
فوق الجبّل ، فالسيـاره ~
جلست ببتسأمه عريضه تتأمل البيوت والأنوار وكيف ان الدنيا فعلاً حلوه من فوق ، نطقت بدلع : هياف
ألتفت لها يشوف حلاوّتها وإبتسامتها ومن حركاتها واضح تبي تطلب شي : عيونه وقلبّه !
استحت تضرب كتفه بحياء : اه اموت انا اموووت
هياف : بسم الله على روحك ، آمريني
وريف : شوف المناظر تهبل تهبببل ! ودي أنزل
هياف : أنتي تهبلين
مدت إيدها بخفه تمسك خدوده : وانت تهبل بس لاتسحب على كلامي
هياف : بجيبك مره ثانيه وتنزلين
وريف : لييه؟
هياف : وين تنزلين هنا اجيبك مره ثانيه العصر او الصباح وتشوفين زين
وريف بدلع : طييب انت تنزل معييي
مسك فكها يقرب منها يبوس خدّها بحُب وذوبان من دلعها الي لايّق عليها وجايبه من أقصاه قدامها ، وبتغيير للموضوع نطق : قربي ّ!
أبتسمت بحياء تقوم تنط بحضنه وترد البوسه بخده ، غمض عيونه وحرفياً يحس الدنيا مو شايلته ، حبيبته وبحضنه ، وش يبي أكثر ؟ ، مسك خصرها يشدّها له ، يحس بتسارع نبضاتها بصدره ، قرب وجهه منها يحط جبينه بجبينها ، وعيونه تنزل لشفايفها ، يشوف عضاتها عليها ويذوب بداخله ألف مره ، غمضت عيونها بتوتر من قرّبه وبهمس لأجل توعيه : هياف يلا نرجع!
نطق بهدوء : تو !
وريف : ترا لو مارجعتني الحين مابرجع بعدين وانت حر ّ
أبتسم بخُبث : ومين قال برجعك الحين والا بعدين؟
كشرت بوجهها تضرب كتفه : هيااف!
ضحك يميل رأسه بخفه على خوفها منه ونطق : خلص بنروح نأكل وبعدها برجعك
أبتسمت بخفوت : اذا كذا تم موافقة
باس خدها بخفه تقوم تنط ترجع مكانها بوناسه ويحرك متوجه للمطعم..
-
فالمجلس ~
آسر : وين العيال مختفين ؟
مهند : سِراج مو مبين من العصر وهياف دق جواله وراح وأيّهم مع جدي وانت مقابل وجهي
آسر : أمحق وجه
مهند : اهجد وتعال اكسرك فيفا
آسر : خل ذا وخلنا نغير جو انا مليت
مهند : وش تبي؟
آسر : مادري دق على جدي قله بنرجع الديره الصباح خلاص
مهند : ياخي انت فاضي الله يزوجك وتنشغل بزوجتك
آسر بصوت عالي : امييييينننن
استغرب يعدل جلسته : امين طالعه من قلب! الظاهر فيه حبيبه
أبتسم آسر ونطق : اسكت مالك دخل هات عطني اليد اكسرك انا
مهند : هيا تعال تعال
بعد دقايق طويله من لعبهم والأصوات العاليه والحماس اللي طالع منهم يدخل سلطان وخالد وأيهم للمجلس يكملون السوالف تحت الفوضى اللي هم فيها ..
-
نرجع ليزيد وسراج ~
سراج : فكني
يزيد : تو الناس ماشبعت منك!
سراج : فك وانا بخليك تشبع
ضحك يزيد يوترهم وقاطعت ضحكته أرجوان من نطقت بخفوت : سراج انا تعبت!
لف بنظره لها يشوف ملامح وجهها وآثار دموعها ، يشوف وجهها الذبلان وعيونها اللي مو قادره تفتحها من تعبها ، آلمه قلبه من مظهرها بس لازم يصمد قدامهم ويضيع الوقت لأجل يجيب سلطان ، لأجل تكمل الخطه اللي راسمها برأسه ، سراج : تحملي! مارح نطول تحملي
وداد وهي تهل دموعها بصمت : سراج وانا تعبتت متى بنرجع
غمض عينه بغضب مو قادر يسوي شي بسبب الحبال اللي حوله ، داهمه صداع قوي ينزل رأسه بأرهاق وحقد على يزيد كل ماله يزيد ،
يزيد : شفييكم تعبتو! تو الناس صدق لسى محد شبع من الثاني هذا وانا توي مابديت ولا سويت فيكم شي
سراج : فكر تلمس وحده منهم وشوف وش بيجيك
ضحك باستفزاز : اء.. قاطعته أرجوان من نطقت بصوت عالي بكل قهر فيها : انتتت اسسسكتتتت اسكتتت حقييرر وش تبي مننا؟؟؟ وش سويناا لك ؟؟ خلنااا نروح الله يأخذك
أبتسم بهدوء يعكس النار اللي بداخله من مظهرها بهالحاله ، لاكنه ماينكر انه يبي وجودها قدامه وماوده يفكهم ابد ، يحبّها من أيام أبوه وأبوها ومتكلم مع أبوه عشانها بس بعد الأحداث اللي صارت قسىٰ قلبه..
سراج : أرجوان أهدي!
نزلت دموعها تحاول ماتضعف وهو موجود : نبي نرجع خلاص!
سراج : بنرجع بنرررجع وبندفن ذا الخسيس أهدو بس!
يزيد : انت ضامن حياتك؟
سراج : ضامن حياتهم  " يقصد البنات " ولو فيك خير تعرض لهم
يزيد : نشوف
مشى يتوجه للخارج..
-
سارة : خلاص ويين جوالي لازم ادق على خالد يشووفهم ما أقدر اصبر
فهده : دُرر قومي نادي جدك قوومي
خافت دُرر لان منجد طولو ومرت ساعه وأكثر ومالهم حس ّ دقت عليهم بس مافي أستجابة !
قامت تتوجه للمجلس تنادي بتوتر : جددي
سلطان : سمي يبه دُرر جايّك!
فز أيّهم والعيال من جيتها لباب المجلس ، وجه نظره للباب بخوف صار لها شي!
قام خالد يلحق سلطان يتوجهون لها : وش فييه؟
دُرر : سِراج مأخذ البنات من العصر مالهم حس وندق عليهم محد يرد جدتي وعمتي ساره خايفين مره!
توجهو يستعجلون بخطواتهم للداخل و وراهم دُرر تركض..
سلطان : وينهم فيه؟
سارة ببكي : مادري مادري والله ياعمي طلعو العصر على أساس المول وندق عليهم محد يرد للحين
خالد : مين معاه؟
فهده : أرجوان و وداد وجوري
سلطان : أهدو! بشوفهم الحين خالد الحقني
دخلو المجلس وفز آسر : وش صاير؟
سلطان : أيهم انت تدري وينه سراج؟؟
أيهم بأستغراب : لا ! ليه؟
سلطان : سِراج اخذ البنات وطلع من العصر للحين الساعه بتصك العشره ومارجعو ولا يردون على جوالاتهم!
مهند : يمكن خلص الشحن
خالد : معقوله كلهم مافي شاااحن!
أيّهم : خلاص أهدو مانبي نوتر الي داخل أكثر نطلع الحين ونشوفهم
سلطان : وين بترووح؟
أيهم : انا طالع للمركز بخلص شغله وبشوفهم لو لقيت خبر دقيت عليكم ولو وصلكم خبر دقو علي تمام؟
مهند : تمام أجل وانا وآسر نطلع الحين وندق او نسأل نشوف نتصرف
خالد : تمام دقو على هياف يجي وينه ذا بعد
مهند : خلاص معليك
وقف سلطان بتفكير وتنهيد : ياخوفي صاير اللي ببالي
خالد : وش ؟
سلطان : يزيد
خالد بتشتت : وش يزيد هذا وش جابه لهم و وش يبي منهم؟؟
سلطان : لو صاير لهم شي بعيد الشر زي حادث او غيرو كان وصلنا علم! بس هم مختفيين لو تلاحظ انا ماني متطمن ليزيد مره بقول لأيهم يشوف لي وضعه
خالد : والله العظييم لو يطلع له يد بتكون نهايته على يدي
سلطان : الله يسستر ارجع دق عليهم
-
في بيت احمد ~
مريم : من وقت مارجعتو وحالته مو زينه!
جاسر : أكيد وبنته راحت مع غيره مو معاه
مريم : ياللي ماتستحي
جاسر : خليه يرتاح الحين وبعدين يصير خير
مريم : اسمع ياجاسر ! هالبنت لازم تجي البيت هنا وش لها ببيت سلطان وهو كله عيال!
جاسر : وش أسوي يعني ؟
مريم : انت مايبيلك احد يعلمك وش تسوي تصرف
هز رأسه يسلك والود وده تنشق الأرض وتبلعه مو قادر يتحمل شي ، وكل اللي يبيه أهله ودُرر من أهله
-
في بيت عبدالله :
ريم : يمه جوري تأخرت!
هيفاء : اي قلبيي خايف عليها والله معقوله ببيت جدك؟
ريم : لا مستحييل! لانهم لو مجتمعين هناك كانو علموني الظاهر باقي مارجعو ارسلت لها ودقيت ماترد ونفس الشي مع البنات
هيفاء : انا قلبي ناغزني والله وش ذا المشوار اللي من العصر قومي دقي على آسر هو ببيت جدك أساليه عن اخته
ريم : ابشري
-
في المركز~
دخل أيّهم يقفل جواله ويرميه بغضب شديد لو يطلع كلام جده صح ويزيد ورا الموضوع مايدري وش بيسوي فيه ، تقدم له العميد خالد بشك : وش فيك يا أيّهم !
أيهم : موضوع بسيط وبينحل ان شاءالله
العميد : تكلم!
أيهم : بأي صفه؟
العميد : اذا الموضوع شخصي بصفتي أخوك! وانت تدري ما يحتاج أعيد الكلام بكل مره !
أيهم : سراج والأهل مالهم حس من العصر ! و جدي شاك بيزيد انه ورا اختفائهم يقول لو انه حادث او شي كان وصلنا العلم ودرينا بس ..
هز رأسه بتفكير  : صادق وانا أتفق معه بس بالأول نبي نتأكد اذا يزيد ورا السالفه او لا
أيهم : انصحني وش أسوي
العميد : بنبحث قم
خرجو يتوجهون ويبدون عمليات البحث والمكالمات المُستمره ، ساعة ساعتين أكثر ،  تحت البحث لازالو مُستمرين والخوف يزيد على قلب سلطان ..
بعد مرور من الوقت الطويل ~ لقو طرف خيط وخرجو يتوجهون للمكان المشكوك ..
-
رفع جواله يتمشى قدامهم رايح جاي بأستفزاز يدق على سلطان ، بعد ثواني : هذا انت ؟
يزيد : أظن عرفت كل شي
سلطان : والله لو يجيهم شي يا يزيد مارح تشوف شمس بكره
زفر بهدوء : لو ابي يجيهم شي كان سويت من العصر بس انا أبيك انت !
سلطان : أبجيك علمني مكانك
يزيد : بجيبك انا لاتتعب نفسك وتجي
صرخت أرجوان تعلي صوتها : لاتجي لاتجييييي
تقطع قلبه من سمعها وتكلم بحده : فكهم وتعال لي !
يزيد : أفكر
سلطان : بندمك أصبر علي
قطع الأتصال بوجهه وهو يدنن منطرب يتوجه لسراج اللي الشرار تطلع من عيونه ، مايشوف من قوة قهره من كل شي صار ،
يزيد : مايصلح لك التعب
سراج : جيب جوري يايزييد
يزيد : بس! هذا طلبك افا بس أبشر
أشر بيده لاحد الحراس يجيبها وهو يتوجه للخارج يشرب شاي يفكر وش بعده ..