سلاسل متشابگة

السلسلة الثالثة

سلاسل_متشابگة

بقلم : اية الـ عبد

حبايب لا تنسون التصويت من النجمه + التعليق بين الفقرات + متابعه حسابي 🤎.

إنْ كان في صُدَفِ الأزمانِ رائعةٌ
‏فإنّك خيرُ ما جادتْ به الصُّدَفُ"

...............................

انصدمت من شفت ماجد شنو الي رجعه بعد كل هاي الفتره وشنو يريد يسوي وشنو مقصده من اخذ ابني اذا اخذ ابني اني شنو راح يصير بيه اخذه واني بس حضنته مره وحده بعدني ما شبعانه منه ولا من حضنه بوقتها انهاريت وبقيت بالمستشفى ايام بسبب الانهيار الي صار بيه

مرت الايام وماجد فص ملح وذاب شكد دورو عليه ما لكو لا بسيطرات ولا مطارات ولا بأي مناطق كضيت هل سنوات كلها صلاه ودعاء عسى وأن يلكونه او بعده عايش وبهل فتره صديقتي فرح اتزوجت واختفت هيه وزوجها وهاي يا عمه صارلي 10 سنوات اني الوب عليه وكل ما يجون وما عدهم خبر عنه انهار

ايلي : ان شاء الله عمه نلكا زين عمه شنو اكول اسمه
علياء : الي يعجبج بنيتي
ايلي : عمه راح اسمي فُؤَادُي

عمتي بقت صافنه عليه ثواني كالت
علياء : تعرفين معنى هل اسم ؟
ايلي : اي عمه يعني القلب
علياء : منين تعرفين هل شي ؟

ايلي : قصدج معنى الاسم ؟
علياء : اي عمه
ايلي : مره بابا گلي انتي عايشه بفؤادي وكتله شنو يعني فؤادي گال هوه القلب

علياء : زين ليش سميتي فؤادج؟
ايلي : لأن هو صدك فؤادي احب ابنج بدون ما اشوفه

علياء : الله يخليج عمه وان شاء الله تشوفينه
ايلي : ان شاء الله يلا عمه اني رايحه يم علا
علياء : تمام بنيتي ديرن بالجن على نفسجن
ايلي : تدللين يا احلى عمه

طلعت من الغرفه ورحت لغرفه علا لكيتها ترسم علا اصغر مني بسنه بس احنه وحده تموت على الثانيه
ايلي : علا امشي نطلع برا مسوين حديقه جديده قريبه عليكم خلي نروحلها
علا : خاف مامي ما تقبل انروح
ايلي : لا تقبل كتلها راح نطلع امشي بسرعه

طلعنه ورحنه لبيت رشا صديقتي هيه بكدي من اول ما اجينه للدنيا احنه سوا لأن امهاتنه صديقات اخذنه رشا ورحنه للحديقه نلعب مشت الايام واني بقيت بين بيتنه وبيت عمي علي والمدرسه والحديقه الي صارت جزء من يومي حتى اذا مبيها شي

وبعد سنتين واني ورشا وعلا دخلنه مدرسه كلنا دخلنه سوا وبنفس الصف صف ثاني ابتدائي صح علا اصغر من عدنه بسنه بس هيه بشهر الاول فسجلت ويانه

بيوم جنت رايحه للحديقه الي يم بيت عمي علي كملت لعب ورجعت للبيت بالطريق شفت ايدي مبيها سواري وجانت دنيه مغرب ما اكدر ارجع ادور كلت على باجر ادوره وصلت للبيت راجعت دروسي وضميت كتبي وحضرت ملابسي ورحت كعدت بحضن بابا وكلت
ايلي : حمودي
احمد : ها يروح حموديج