سلاسل متشابگة

السلسلة الحادية عشر

سلاسل_متشابگة

بقلم : اية الـ عبد

حبايب لا تنسون التصويت من النجمه + التعليق بين الفقرات + متابعه حسابي 🤎.

أنت الأمان المطمئن لقلبي دائماً💙.

********************************

قبل الدوام بأسبوع جنت رايحه للمحل حتى اشتري تعلوله وصلت للمحل اشتريت ورجعت وما حسيت اله انجريت من ايدي ودخلت بفرع ضيك والزكت بالحايط ردت اعيط صارت ايد على حلكي رفعت عيني باوعت عليه بصدمه جان مبقي ايده على حلكي وكال
أسـمـرانـي : راح انزل ايدي بس لا تصيحين تمام؟
هزيت براسي بايجابيه بعد ايده عن حلكي دفعته من صدره وكلت
ايلي : شدسوي؟ شنو معنى تصرفك؟
أسـمـرانـي : بس اهدي خلي احجي
ايلي : يلا تفضل احجي

أسـمـرانـي : شنو هل تغير والبرود الي صايبج شجاج؟ انتضرج يوم يوم حتى اشوفج وانتي ولا همج قبل لا تبدي الامتحانات وهاي راح تخلص عطله نهايه السنه واني ولا شفتج اكو واحد يسوي هيج؟

ايلي : ليش تريد تشوفني؟ منو اني حتى تشوفني؟ يهمك اذا شفتني لو لا؟ ما اعتقد ابد
أسـمـرانـي : ولج شنو ما تعتقدين لعد منو الي متانيج بالحديقه حتى تجين وانتي ماكو انوب ما اعرف احد يعودلج حتى اسأله ولا اندل بيتكم

ايلي : ميهم واعرف ولا شي بالنسبه الك
أسـمـرانـي : ولج بس فهميني ليش هيج تحجين؟
ايلي : تذكر كلامك وبعدين تعال واسأل

أسـمـرانـي : بعلي مجان قصدي شي جنت توني متعارك وجاي وضايج وما اعرف شلون طلع مني هيج كلام
ايلي : انسى اصلاً مو مهم ولا تسوي هيج تصرفات بعد

أسـمـرانـي : اسوي اي شي حتى احجي وياج غير هذيج الفتره كلها انتضرج تجين للحديقه حتى بس احجي وياج وافهمج
ايلي : وهسه فهمتني السالفه مو؟ هاهيه يعني خلصنه؟

أسـمـرانـي : لا طبعاً
ايلي : شكو انوب
أسـمـرانـي : صار هواي ما شايف البن الي بعيونج ولا خُـيُوطٌ الـذَهـب

بقيت صافنه على كلامه ليش هيج يحجي
ايلي : شبيك؟
أسـمـرانـي : شبيه غير مشتاقلج
ايلي : لازم اروح هسه اهلي يضل بالهم

عفته ومشيت بسرعه مدري ليش كلامه وترني وصلت للبيت وصعدت كبل لغرفتي لكيت رشا وعلا ينتضرني انطيتهن العلاكه رادن يحجن بس بسرعه رحت للحمام غسلت وجهي ورجعت للغرفه باوعن عليه ومترددات يسألن باوعت عليهن وكلت
ايلي : احجن
رشا وعلا :شبيج؟
ايلي : مبيه شي بس شفت شخص جنت متعاركه ويا

علا : ابو الحديقه؟
هزيت راسي بايجابيه
رشا :شبي؟

ايلي :مبي شي بس حجه وياي
علا : بخصوص؟
ايلي :الكلام الي كاله اخير مره