سلاسل متشابگة

السلسلة الثامنة والعشرون

سلاسل_متشابگة

بقلم : اية الـ عبد

حبايب لا تنسون التصويت من النجمه + التعليق بين الفقرات + متابعه حسابي 🤎.

•جايك جيه الجناز بس تحضني اگوم بچي

________________________________

ايلي:

فتحت عيوني بثكل رفعت ايدي صار وجع بيها باوعت عليها جان بيها كانونه صفنت عليها احاول اتذكر الي صار معقوله من تخربطت بالغرفه لحد الان نزلت ايدي خليتها على بطني احسها ثكيله صفنت بالسكف بدون اي افكار شارده بذهن فارغ قطع صفنتي فتحت الباب توجهت انضاري للباب جان أمين دخل وسد الباب بهدوء ابتسمت اله جان وجه ذبلان مو على طبيعته اجه وكف يمي اديني حاوطت ايده اشرتله حتى يكعد كعد مقابيلي حجيت بصوت مبحوح
ايلي : شبيك أمينو مبيه شي والله

بعد ما كملت كلامي انتبهت على صوتي استغربت شبي باوعت على أمين وكلت
ايلي : ليش هيج صوتي؟
سحب البطل من على الميز رفع راسي شويه شربني مي ورجعني رافع المخده مسد على ايدي بحنيه كال
أمين : لأن بجيتي هواي وانقهرتي
ايلي : بس ليش حتى ابجي هواي؟

بقه صافن عليه احسه حاير شنو يكول او مستغرب كلامي كال
أمين : ما تذكرين البارحه شصار؟
ايلي : شصار قابل غير وكفت وتخربطت وانت جبتني للمستشفى
أمين : وين وكفتي؟
ايلي : بالغرفه شبيك؟
أمين : راح تخبليني والله ولج يا غرفه؟ انتي تخربطتي بالصاله
ايلي : يا صاله؟ غير جنه اني وياج بغرفتي نحجي وبعد ما كملت كلامنه وكفت وتخربطت؟

بهتت وجه بقه صافن بوجهي كال
أمين : شنو؟
ايلي :شبيك أمين؟ صاير شي؟
هز راسه بنفي كال
أمين : لا تفكرين بشي ما صاير كل شي رايح احجي ويا الطبيب علمود ادويه او شي

هزيت راسي بايجابيه بس مقتنعه بكلامه طلع ثواني ورجع ويا الطبيب بقه يفحص بعيوني ما اعرف ليش بعد مده ابتعد الطبيب كال
- الحمدلله ما بيها شي عيونها
أمين : الحمدلله
الطبيب باوع عليه سحب الكرسي وكعد مقابيلي كال
- بابا احجيلي شنو صار اخير شي قبل لا تفقدين الوعي
ايلي : جنت بحضن اخويه ابجي بعدها سكتت وهو كام ما اذكر شنو جان يريد اني هم وكفت بس ثواني ووكعت بالكاع فاقده الوعي
- تذكرين بأي مكان صار هل شي؟
ايلي : اي بالغرفه مالتي

باوع على أمين وأمين جان صافن عليه حجه الطبيب ويا أمين بهمس وأمين يهز براسه بعدها ما اعرف شنو جاوبه بس اخير شي سمعت الطبيب كال
- فرق يوم واحد مو مشكله بس لازم تبتعد عن هيج اجواء لأن يمكن يأثر عليها وتصرفاتها راح تصير غير اراديه بسبب الانفعالات
أمين : يعني شلون ابعدها وهي بنص هاي الاجواء
- حاول وياها هذا احسن شي الها والكتمان ما يفيدها خليها اطلع الي بداخلها بس مو بتصرفات متهوره لأن يمكن تأذي نفسها بدافع النسيان بأذيه اكبر من الي هي بيها