سلاسل متشابگة

السلسلة الواحدة والعشرون

سلاسل_متشابگة

بقلم : اية الـ عبد

حبايب لا تنسون التصويت من النجمه + التعليق بين الفقرات + متابعه حسابي 🤎.

أثق بحبك، ولكن أغار عليك من كل شيء.

......................................................

علا :

طلعت نزلت الدرج توني كملته وحسيت على شخص سحبني وصرنه جوه الدرج باوعت عليه بصدمه وهمست
علا : شنو دا تسوي
أمين : اريد احجي وياج
علا : هو هيج وكعتلي كلبي
أمين : كون بكلبي مو بكلبج
علا : اسم الله عليك وعلى كلبك
أمين : اروح فدوه لهل حنيه

حسيت وجهي شبت بي نار حمحمت وكلت
علا : شنو ردت تحجي؟
أمين : ها علمود قبل شويه من كتلج روحي يم البنات
علا : اي؟
أمين : اعتذر عن الكلام الي كلته بس جنت اريد احجي ويا ايلي بشغله

علا : عادي ميحتاج تعتذر
أمين : ما زعلتي؟
علا : لا ليش؟
أمين : ما يهون عليه زعلج خلي العالم كله يزعل ولا انتي

ابتسمت بهدوء على كلامه زين سيطرت على نفسي والضحكه ما شكت حلكي
علا : لا تخاف ما زعلانه
أمين : متأكده؟
علا : اي والله متأكده
رجع شعري ورا اذني وكال
أمين : روحي جيبي مي لـ ايلي وروحي يمنهن حتى ما يشكن

ابتسمت بوجه وكلت
علا : ميخالف هسه اروح بس انتضر يعني انت وايلي متفقين؟
ضحك بهدوء وكال
أمين : اي متفقين
بقيت اباوع عليه واجتني صفنه صحاني منها من كال
أمين : راح تبقين يمي؟
توترت من سؤاله كلت
علا : ها لا رايحه

عفته ورحت بدون ما اسمع كلامه دخلت للمطبخ اخذت بطل مي ورجعت صعدت ركض للغرفه فتحت الباب ودخلت لكيتهن دا يحجن شمرت البطل على ايلي وكلت
علا : طاح حضج يولي
البنات باوعن عليه باستغرب وهي حصرت ضحكتها كلت
علا : شبيجن
سڤانه : احنه لو انتي اول ما اجيتي حجيتي على ايلي
علا : ها مو هو هيج اجتي الكلمه ابالي وكلتها
لين : احس وراج شي
علا : اي ورايه الباب ما تسكتين

ضحكت ايلي وكالت
ايلي : صايره تحششين يولي
علا : غير نغير شويه
باوعت عليه وكالت
ايلي : تعالي احبج اني

ضحكت ورحت عليها حضنتني همست بأذني
ايلي : اني اعلمج على الغلطه اذا ما سويت شي اكبر
ابتعدت عن حضنها بوستها بخدودها وكلت
علا : اسفه اسفه والله بعد ما اعيدها
هزت راسها بنفي وكالت
ايلي : لا لاا عيني بعد هاهيه اني قرتت وخلص
علا : زين شنو الي تسوينه الله عليج شي خفيف
ايلي : يا شسالفه مو تدللين

باوعت عليها بعدم تصديق لأن ادري بيها ما تفوتها بشغله خفيفه بستها من خدها وكلت
علا : تدرين احبج اني
ايلي : ما تكولينها اله وتريحين كلبه
باوعت عليه بنضرات استغراب وكلت
علا : شنو؟
ايلي : لا تسوين نفسج ثوله ادري بيج فهمتي
ضحكت وكلت
علا : لا شبيج ما فهمت
رادت تحجي بس صاحو علينه من جوه