مادريت أن اللي يحبني يبي حزني

عطيتك دمي

نروح الحين عند سند اللي وصل للمستشفى وقلبه يدق بطريقة غريبه خايف ومتوتر دخلوا المستشفى وقاسم زي المجنون ركض يدور على حمد وراح علي وعز يركضون وراه اما عن سند اللي يمشي مع فيصل وهو يهوجس وشماغه على كتفه ومو في العالم مسك سند يدك فيصل وقال
-فيصل فيصل
طالع فيه فيصل مصدوم
-هاه؟
-شفيك خلينا نروح لأبوي
كان على وجهه الخوف بلع ريقه وحرك راسه بأيه ومشى مع سند لأبوه كان قاسم وعلي يتكلمون مع دكتور وعز وراهم الا يطالع فيهم عز ووجه مخطوف وقاسم يردد
-لا اله الا الله
قرب فيصل منه وقال
-وش وش قال الدكتور؟
تنهد قرب سند وهو يسمع
-قال أن عمي حمد انفقعت عينه وجاته ضربه قويه في الجمجمه وعمتي غاليه صار عندها كسر في الرجل وماعاد رجعت عظامها لوضعها الطبيعي يعني بتكون تعرج وعناد انكسر انفه وسن من اسنانه ورجيله انكسرت بس هو بخير وبهاح بس حروق في يده وشوي في صدره
قال فيصل وهو منزل راسه
-الله يعطيهم العافيه
انصدم سند وقال لا شعورياً
-وجود؟
قال عز بتذكر
-ايه صح اما جود ياعمري جاها نزيف حاد من راسه
خاف سند وراح وجلس على كرسي وهو يهوجس في جود وخايف وفيصل جلس جمب سند ويفكر بعناد لأنه يعتبره اخ من احد اخوانه وعز تكى راسه على الجدار وهو يفكر ببهاح الي كل ماضاقت فيه الدنيا راح عنده وقاسم اللي مغطي وجهه ويحاول مايبين انه يبكي وهو يفكر بأخوه اللي لو عليه يعطيه عمره ومايبخل وعلي الي يشوفهم وهم بذا الوضع ومهو عارف من يواسي ومن يخلي تنهد وهو يستغفر جات ممرضه وقالت
-فين عز؟
طالع فيها عز وعينه واضح فيها الحزن
-انا عز
-تفضل الغرفة بهاج يبيك
ماحس بنفسه وفرح دخل بسرعه للغرفه اللي فيها بهاج ويده كامله وأرجيله ملفوفه بشاش ومنسدح على سرير ابيض قرب منه عز وقال
-سلامات يابهاج
لكن رد عليه بهاج بالدموع كان يبكي قرب منه عز وهو منهبل
-بسم الله عليك هلك بخير والله بخير
رد عليه وهو يشاهق وكلامه مو مرتب
-ابوي ابوي راسه مات؟
-لا مامات محد مات الحمد لله
-وينهم وينهم ابي اشوفهم
-ماتقدر الحين كلهم في غرف زيك
-خلاص انا بروح اشوفهم
-يابن الحلال حنا مادخلنا عليهم تبي تدخل انت خلاص بتشوفهم ابشر بس مو الحين
طالع فوق وهو يقول
-الله لا يوفقك ياعناد حسبي الله عليك
-استغفر ربك هذا اخوك
والغصه بصوته
-عز منت فاهم خلاص
دخل فيصل الي كان يسمع صوت بهاج قال بخوف
-بهاج شفيك انادي الدكتور؟
مارد عليه بهاج وبكى بحرقه
قال عز وهو يغمز لفيصل بصوت منخفض
-بس معصب الحين
-على ايش معصب؟
-خلاص بعدين اقولك
قرب عز من بهاج وصار يقراء عليه وفيصل يطمنه انه بخير وهله كلهم بخير جاء قاسم ولحيته امتلت بدموعه وقال وهو يبوس راس بهاج
-الحمد لله على سلامتك
وهو يشهق من البكي
-الله يسلمك ياعم
فكانوا علي وسند واقفين بعيد عنهم طالع قاسم وهو يدور لسند وقال
-ياولد تعال سلم على ولد عمك
قرب سند من بهاج ومهو مع العالم يفكر ومهموم سلم على بهاج فقال بهاج لعز بصوت منخفض
-من هذا الي معكم؟
-هذا خالي علي
بستغراب
-اول مره ادري ان عندكم خال
بضحك
-اي عندنا خوال وخالات
-والله ماعرف الا خالتكم نوف
وهو منزعج من طاريها
-اي خلها ذي
قاطعهم قاسم وهو يسأل بهاج عن اللي صار في الحادث
-كيف صار الحادث ياولدي؟
ماكان عارف وش يرد عليه ماكان يبي يعرفون وش سوى عناد تنهد وماتكلم اصر قاسم على سؤاله بس ماكان فيه رد من بهاج الين دخل دكتور وقال
-مين منكم يقرب ل جود؟
فز قلب سند وتوتر وخاف قال قاسم
-انا عمها وهذول عيالي امر وش فيها جود؟
كان في يده ملف حركه وهو متردد وقال بستعجال
-خلاص حد يجي منكم
جلس بهاج وهو يقول بخوف
-وش فيها اختي؟ علمني
وفيصل يرجع يسدحه على السرير
-خلاص انا بروح اشوف وش فيها وبعلمك انت بس ريح
راح ورى الدكتور جلس ربع ساعه ورجع وكان وجهه مخطوف ويهوجس دخل وهو يطالع في بهاج بس تمالك نفسه وقال بحده
-بس قال ان جاها نزيف حاد وتحتاج متبرع
قام قاسم وقال
-خلاص انا بتبرع
رد فيصل
-يايبه موعلى كيفنا لازم يكون دمنا يقدر يتبرع لدمها
-طيب وش دمها؟
-قالي الدكتور دمها A+
رد قاسم وهو متوتر
-طيب من يقدر يتبرع لها بدم
-قالي الدكتور ان الفصيله اللي تقدر تتبرعلها هي ,O وO+ وA- وA+ بس
قال علي
-انا دمي O+ بتبرع
قال فيصل
-بس ياخال انت مافي كبريت دخان الا وخذيته كيف تتبرع؟
قال قاسم
-طيب انا بتبرع مدري وش دمي
قال عز
-يبه انت مريض سكر ماتقدر
فعصب قاسم
-يوههه خلاص اجل واحد منكم يالثلاثه يتبرع
عز وهو يهديه
-ابشر يبه بنروح الحين
راحو فيصل وعز وسند لدكتور قال فيصل
-دكتور انا بتبرع ينفع
-ووش دمك يافيصل
-مدري وش دمي والله
طالع الدكتور عز
-وانت وش دمك؟
-انا دمي A+ بس عندي فقر دم ينفع
-لا ماينفع والله طيب وهذا الصغير
رد سند بسرعه
-انا دمي A- وماعندي فقر دم ولا سكر ومادخن تكفى ابي اتبرع
ضحك الدكتور وهو يطبطب على راسه
-الله يحفظك ابشر تعال معي للمختبر ناخد شوي من دمك
-ليش شوي؟ بكفيها؟
-منهي؟
-جود؟
طالعو فيصل وعز في سند قال فيصل مستغرب
-ولد اهجد شفيك
رد سند وهو يلحق الدكتور
-مالك دخل ياثور
طالع فيصل في عز وقال بعصبيه
-شفت شفت اخوك
وهو يضحك
-اي اي شفته ماعليك توه بزر
دق جوال عز خرجه من جيبه فكان نايف قال فيصل وهو عاده معصب
-ذا نايف احلفلك انه مادرى عن عمي وهله الله يقلعه
راح للغرفة الي فيها بهاج والباقين
رد عز وقال
-الو نايف
-هلا انتوا في المستشفى؟
-اي في المستشفى
-شلونهم؟
-بخير بس فيهم جروح وكذا
-الله يعينهم
-الا وين كنت الصبح ندورلك انا وفيصل مالقيناك
توتر قال
-كنت في الاسطبل
-لعنبو الكذب اللي فيك دورنا انا فيصل الاسطبل مليون مره ولا لقيناك الله بيشوفنا بيحسبنا مجانين
-يمكن جيتو يوم خرجت رعد من الاسطبل
-وفين رحت فيه؟
توتر وكان يكلج في الكلام بس قال بعصبيه
-يوه خلاص تحقيق هو
بضحك
-شفيك تنرفزت ترا بس سألتك
تنهد وقال
-الا صدق عز عند خالي علي ولد اسمه اصيل؟
ضحك عز وقال
-يوهه اصيل من جدك ماتتذكره
-وشهو عشان اقطع نفسي اتذكره
-تتذكر يوم ناقة جدي تلحقه عشانه ضرب ولدها وجلسنا نضحك عليه ذاك اليوم كامل
-لا والله ماتذكر
-اصلا ذاكرتك مضروبه مع السلامه اكلمك بعدين
عند سند اللي اخذت منه الممرضه الدم قالت له
-خلاص روح
قال وهومنصدم
-اروح! ترا ماخذيتي الا شويه زيدي خذي
ضحكت وهي تقول
-مهو انت لسه صغير و...قاطعه وهو معصب
-لالا ماني صغير خذي اكثر من دمي
-ياولد اهدى يمكن يصيرلك شيء
وهو يترجاها وعيا يسكت
-تكفين تكفين تكفين خذي اكثر ماراح يصيرلي شيء والله
-طيب باخذ شويه بس تودعني بشيء
-وعد
وهي تضحك
-انا قلت وشهو
-عادي اسوي اي شيء
-خلاص اسمع بعد ماخذ من دمك تجلس هنا لين اجيبلك عصير برتقال وشمار
بتقرف
-بس انا ماشرب الشمار
-بس انت وعدتني
-يوهه طيب
ابستمت وخذت من دمه شوي راحت نص ساعه ورجعت ومعها عصير
قالت وهي تعطيه لسند
-اشربه الحين يلا قدامي
خذه وقال
-طيب ليش لازم اشربه
-عشان الشمار يزيد الدم في الجسم
-والبرتقال
-عشاني احبه
-على كيفك
ضحكت وقال
-بسرعه اشرب يلا
شربه وهي تتأمله كان مستغرب منها بس ماعطى الموضوع وجهه
خلصه وهوريقول
-هو مو حلو بس حلو
-ههههه بالعافيه
-شكرًا لك
-عفواً بس ممكن اسألك ايش اسمك؟
-اسمي سند
-الله اسمك حلو من اللي سماك؟
-امي
-الله يحفظها لك
نزل راسه ودمعت عينه
-انا امي ميته
نطت وهي منهبله
-ماكنت اقصد والله والله اسفه
وهو يحاول يمسك دمعته
-لا عادي
مسحت على راسه وقالت
-الله يرحمها تدري تشبهه اخوي الصغير هو عنده شلل في ارجيله
-كم عمره؟
-عمره 9 سنوات
-الله يعطيه العافيه خلاص ابي اروح لأبوي
-يلا روح مع السلامه
راح وهو يفكن في جود وهل هي بتعيش ولا.