مادريت أن اللي يحبني يبي حزني

اول فرصة تقرب لسند

جلست تهاني مع الحريم ونست أصلًا من تكون نوف وتسولف ولا همها في حين نوف الي كانت تبي توري تهاني انها مهي خايفه منها وهي تدور بين البزران على سند لين لقته واقف ويطالع في البنات الي كانت بينهم جود ويبتسم امسكته من ثوبه ولأول مره تكون بكل هذي العصبيه وقالت بصراخ
-سند ليش خرجت؟
كل البزران وقفوا لعب ويطالعون فيهم سند ماتكلم بس يطالع فيها والخوف في عيونه مسكت يده وهي تقول
-امش معي يلا
لكن وقف وقال بخوف
-بس عمتي تهاني...قاطعته بصراخ
-وش علي من عمتك انا امك امش يلا
شدته تبي تمشي فيه للبيت وهو معاند لين سمعته ينادي بخوف
-نايف تعال ساعدني
وقفت وهي تطالع في نايف الي جاي ركض قال وهو يتنفس بسرعه
-شفيكم؟
طالعت فيه نوف ولسه تنتبه لهالاته وشعره الي رابطه من طوله ابتسمت وقالت
-والله عمتك تهاني جات وتبي تخرب بينا
ضحك وقال بتكبير للكلمه
-عمتي تهاني تخرب خافي الله ياخاله
عصبت من كلامه وقالت
-والله هذا الي حصل صدقت صدقت ماصدقت ماعلي منك ويلا سند امش
مسك سند بثوب نايف وهو بالقوه ماسك دمعته حس نايف بمشاعر غريبه وهو يشوفه كذا مسك يده وقال لأول مره باللطف
-سند تبي تروح ولا تجلس؟
قال بصوت خفيف ويرتجف
-ابي اجلس
قال بصوت جاد
-اجل قل لخالتي نوف
حرك راسه بلاء
فكان يبي يمشي نايف ويتركه مسكه بسرعه وقال
-فين رايح لا تروح
التفت وهو وجه ماخذه الجديه وقال بنبرة حزن
-انا ماراح ادوملك يا سند
هزت سند هذي الكلمه وماعرف ليش التفت وقال
-انا ماراح اروح معك انا ابي العب
انصدمت نوف فولا مره قد رفضلها طلب قالت بتهديد
-سند اذا مارحت معي بروح ولا عاد برجع عادي؟
عيونه تلمع ويعضض شفايفه ويده ترجف وقال بقوه
-عادي
فكت يده نوف بسرعه وراحت كان يبي يلحقها فمسكه نايف وهو حاط يده على كتفه ويقول بفخر
-كبرت أخيرا ياورع خلها تروح ماردها بيهزها الشوق لك وترجع
شهق يبي يبكي فحضنه نايف وهو يضحك
-لالا تبكي
باسه على خده وقال
-بعد العشاء بوديك البقالة بشرط انك ماتبكي ولا تروح لخالتي نوف
حرك راسه بأيه راح نايف وهو ظل يمسح دموعه حس بأحد قدامه رفع راسه فشاف جود وهي باين عليها الشفقه عليه وقالت ببتسامه
-صادق نايف ماردها بترجعلك
ابتسم بفرح ولقى انه وقت فرصته وقال
-اخوي نايف بعد العشاء بيوديني البقالة اجيبلك شيء من البقاله معي؟
ابتسمت وقالت بخجل
-طيب ابي بعد صديقتي ياسمين تجيبلها
ماكان له خلق لياسمين طالع فيها ورجع طالع في جود وقال بهزيمه
-اي عادي
ابتسمت بفرح نادت ياسمين جات وصارو يقولون وش يبون
قالت جود
-ابي كندر اثنين وبطاطس حار نار
كان بيروح فوقفته ياسمين وهي تقول
-هاي وانا؟
طالع فيها وماله خلقها وقال
-اي وش تبين؟
وهي تعدد بأصابعها وش تبي
-ابي بطاطس جبنه وحليب فراولة
-قال بضحك
-بطاطس جبن وحليب فراوله يالوعة الكبد
طالعت فيه ياسمين بحزن وراحت تركض زعلانه استغرب وشاف ان جود عصبت وقالت
-من انت؟ عشان تزعل صديقتي اذلف مابي منك شيء
وراحت تركض ورى ياسمين
حرك يده بستغراب ويقول
-انا وشقلت الله حسيبك يا الياسمينه المنتوفه
مشى الوقت سريع تعشوا خلصوا