هات تقلك هالحكاية
وححكيها بالعربي عشان ما تنفهمش، أنا بعرف ليش هيك.
هسا بمكان هيك صغنون كتكوت وأنا هالجماعة الحلوة، في إشي إلي بعطينا سؤال كل يوم هيك خفيف لطيف بنجاوبه عن حالنا وحيواتنا ومن هالحكي، ما عدا أيام سبشل وراندوم ألف بطلع إلنا سؤال من النوع إلي لازم تدور إجابته وإذا لقيتها أول واحد بتفوز وكذا
هسا سيبنا، اليوم عحظي طلع واحد من هدول الأيام وأنا وقتها كنت شو؟ قاعدة بأمان الله بلعب! لابتوبي قدامي ومشفتش تلفوني، فتحت بالصدفة ولقيت السؤال وانعجقت ركاض لأجيب إجابته بس وقتها كان فيه حدا الريدي جاوبه خلص، وأنا انقهرت حبتين وخلص عادي ميه
المهم اجا البيج بوس وقال خدلكم هالسؤال البونس، وجاوبته أنا
محدا رد 🫠 محدا قال لي صح أو غلط، وذي إلي جاوبت قبلي طنشت وصارت تسأل اخدت النقطة خلص؟ هيك بطمن إني فزت؟ ومن هالقبيل كلام مستفز استفزني فوق ما استفزني تطنيشهم
مدري هو موقف كتير سخيف تمام؟ بس والله تضايقت إنه ما حدا عبرني خصوصا بعد ما كنت عوشك أجيب الإجابة الأولى أسرع أعااااا
هي مش نهاية العالم، بس ديم تعرف لما تكون كنت كتييييير قريب عفرصة وتضيع منك؟
اعطوني نص ساعة وبكون هديت أظن، بس ستل معصب ›:(
طب بتعرفوا شو بضحك؟
وأنا بلعب كان واحد من الـ NPCs بحكي فيه سنايبر عالتلة! وحدا يقتل السنايبر عالتلة يا ولاد الحلال وبستنجد
أنا قضيتها اتطلع تحت عشط النهر وأدور عالسنايبر وبطخ عناس تانية وبحكي ديم هالسنايبر مش راضي يموت!
طلع فوق قدامي وبطخ علي كمان ومشفتوش 😗
باي ذا واي صح ممكن هاد أدفى شتا مر علي بس يا حبيبي لسا برد، عم برجف وأنا بكتب بصيحح
آه في كمان شغلات دحكيها
أولًا هيك خلصت أول فصل جامعة بتقدير جيد جدًا (قول ما شاء الله 🌚) ومش عاجبني كتشير لذا بنحاول نرفع الفصل الجاي ليبقى التراكمي بالامتياز عقد ما بقدر
رغم بعرفش كيف حتزبط معي لأن الناس بتحكي الكالك ٢ وفيزيا ٢ مش هينات وأنا منزلتهن الثنتين الفصل الجاي
يا حبيبيييي
ثاني شي هو إنه من فترة طلعت نتائج امتحانات التوجيهي التكميلية عنا فالي نجح احتفلوا فيه وكذا
فجارنا بعرفش قديش جاب (شكله ٥٢.٥٪) وعمل حفلة ضلت طول المسا شغالة موقفتش وصوت الأغاني... :')
المهم أخونا بالله شغل أنا البندورة الحمرا قسمًا بالله ما بمزح 😭😭
بس نفسي أعرف شو كان بفكر يعمي
مان طول عمري بحس شهر فبراير شهر إلي كل حياتي تتدهور فيه مدري ليه، صح معنديش دراسة ناو بس عيلتي ووضعي معها يهتز بعنف شديد هههه
حدا يخطفني بلز.
راسي صدّع من صوت ضرب الرصاص المستمر طول اليوم هه
سولفني عن حالك أيها القارىء، تخلينيش أبرم لحالي
نعست، نايتي، بيس أوت ✨
YOU ARE READING
Hiraeth
Non-Fictionحديثٌ أمام مرآة، وعشٌ لفكرٍ يتيم. بدأت: 061023 انتهت: * أيّ أفكار منافية للشريعة والأخلاق العامة المطروحة في هذا الكتاب لا تعني تبنيّ الكاتب لها.
