" ليتني عرفتك بأول العمر بدري "

الجزء الثالث

الجزء الثالث:
بعد سبوعين طبعا نفس الجدول بوظبي والعين والعين و بوظبي.

في بيت بو هزاع الظهر :
في الصاله طبعا عندهم الحين اجازه الامتحانات لانه عقب الاجازه بيمتحنون امتحانات نهائيه عشان يخلصون
ميره منسدحه في الصاله
شوي حد يدق الباب عيازه مانشت خلت البشكاره تفج
فجأة دخل منصور وجي كان ويه ميره 🫢
وشردت فوق على طول منصور كان ياي عشان يشل سيف ويحوطون

سيف نزل : خبله هاي بلاها تربع
منصور : بصارحك دخلت الصاله وهي منسدحه شافتني شردت
سيف : هههههه خبله المهم يلا نروح
وحركوا وميره فحجرتها محتشره عند روضه تخبرها السالفه و روضه ناقعه ضحك عليهم
روضه عقب ماسكروا السالفه : ميروه؟
ميره : هلا
روضه : ابا اقولج شي بس مستحيه
ميره : وابوي عليج قولي
روضه : بس ماتزعلين
ميره : اكيد
روضه : مادري ليش بس احس انتي ومنصور اخوي تليقون على بعض
ميره وهي مصدومه : شو !! سيري انتي واخوج اتحرى عندج سالفه
روضه : والله صدق يعني لو ياج منصور وخطبج بتوافقين ولا
ميره : لا
روضه : افا ، وانا افكر فيج عشان جي نكون في نفس البيت
ميره : مشكوره اختي ركزي على عمرج
روضه : هههههههه
ميره : المهم متى بتون بوظبي؟
روضه : باجر
ميره : تمام
وسكرت نزلت عند امها
ام هزاع : ميروه جوفي حرمه اخوج تبا غدا
ميره : تمام
سارت ميره حجره اخوها ولقت ولدهم
ميره : وايهههه باكلك وين ماما
علي : داهل ( داخل )
ميره : هههه حلوه هاي داهل
ودخلت
ميره : مريوم
مريم : هلا ميروه
ميره : اقولج امايه تقول تبين غدا
مريم : لا ماشتهي
ميره : زين
وراحت خبرت امها وردت حجرتها دقتلها ربيعتها وديمه
ميره : هلا ودوم
وديمه : اهلين ميروه ها شو تسوين
ميره : ماشي يالسه
وديمه : شو رايج نظهر
ميره : وين بنسير
وديمه : مول ولا كوفي
ميره : مول احسن
وديمه : زين يلا
راحت ميره تتجهز لبست توب بني و بنطلون ابيض وعباه بنيه و شلت شنطه lv و لبست كعب جينا البني
نزلت

ام هزاع : ماشاءالله على وين
ميره : وييي نسيت أخبرج بسير المول ويا ودوم
ام هزاع: عن تبطين
ميره : انشالله
وسارت
تلاقت ويا وديمه وسارن يتشرن خذن من سيفورا ، زارا ، بيرشكا ، ديور ، كارتير ، نيكولي
وعقب سارن كوفي تيلسن هناك
وبعدها ردت البيت وهي نازله جافت سياره عمها وقالت في خاطرها شو السالفه ماحيد عمي بي اليوم
دخلت ولقت عمها وعياله وحرمته ويدتها و يدها
ميره : السلام عليكم
كلهم : وعليكم السلام
ميره يلست تجوف روضه بنضرات وتسويلها بويها انه ماعليه ههههه يت روضه عدالها جان تقرصها ميره
روضه : ايييييييي
اليده : ليش تباغمين ماتستحين
روضه : قرصتني
اليده خزتهن
ميره : احسن عيل تقولين باجر يا الخايسه
روضه : حرام عليج كنت ابا أسويها مفاجأة
ميره : أحلى مفاجأة
وشوي دخلو سيف و منصور
سيف و منصور : السلام عليكم
كلهم : وعليكم السلام
سيفوه انتبه على ميروه اخته
سيف : ميروه
ميره : ها
سيف : تعالي شوي
سارت صوبه ووداها شوي بعيد عنهم
سيف : شو جي لابسه جدامهم وولد عمج توا ياي عيب جي لابسه جدامه ( شنسوي الرجل القيور)
ميره : بسمالله شوي شوي علي توني كنت راده من المول الحين بغير لا تخاف
وسارت فوق لبست مخور ونزلت عندهم وردت عند روضه
روضه : وايييي ميروه اشتقتلج واخيرا في إيجازه بنحوط ( طبعا أجازتهم مال اسبوعين تقريبا عشان يدرسون حق الامتحانات بس البنات اسبوع بيخلنه حق حواطه وأسبوع حق الدراسه بيدرسن معا بعض وتراهم نفس المدرسه بس فيها فرعين بوظبي و العين و قوم روضه بيباتون عند قوم ميره )