" ليتني عرفتك بأول العمر بدري "

الجزء الرابع

بنزل الحين دام اغلبيتكم قالو يبون ها السبت قرايه ممتعه 🤍

الجزء الرابع :
في سياره سيف الكل راقد إلى روضه و سيف
روضه : سيف
سيف : هلا
روضه : عادي توقف عند الشيشه
سيف : هيه أصلا بعبي بترول
روضه : تمام
وحطت سماعتها ويلست تجوف تك توك وربيعتها طرشتلها فديو ونقعتتتتت ضحك وسيف محرج عليها يبا يعرف منو تكلم وكان يجوفها من المنظره وضحكتها خلته يهدأ شوي
سيف : روضه !
روضه استوعبت انه حد وياها: اوبس سوري نسيت انهم راقدين ربيعتي الحماره طرشتلي فديو في تك توك ونقعني ضحك
سيف : دوم الضحكه
روضه ابتسمت لانها ماعرف ترد ههههههه
سيف حس انه رتاح وعرف منو تكلم
وصلو الشيشه
سيف : روضه انتي نزلي وانا عقب ما ادفع بلحقج
روضه : تمام ونزلت ونست تتغشى
كانت واقفه صوب ثلاجه الريد بول
الريال : اوف الحلوه ليش تشرب ريد بول مب زين عليها
وروضه تغشت على طول : روح عن ويهي ماتستحي مضيع المذهب
وراحت عنه
الريال : افا وتشردين عنيه
روضه : فكني بالله مافيني حد يشوفني
الريال : عطيني رقمج و بتوكل
روضه : احلم
وشوي دخل سيف وجاف الريال الي عند روضه
سيف : خير اخوي ؟
روضه على طول سارت صوبه
الريال : انته آلي خير وبعدين نعم تتدخل بيني وبين حرمتيه
سيف : حرمتك عيل ( وبدون لا يفكر عطاه بوكس على ويه وروضه تحاول تبعده ويالله يالله خوزته عن الريال )
روضه : سيف خلاص
سيف : والله ماخليه مسود الويه
روضه : خلاص بسسسسس!!!!!!
سيف وقف يوم جاف روضه تصارخ
سيف : شو فيج
روضه : بس خلاص مب زين بتذبح الريال
سيف : متروعه عليه بعد عيل انقلعي انتي وياه
وراح عنها السياره وروضه دفعت وطلعت السياره
واستوى هدوء لين وصلو العزبه ونزلو
اليده : ماشآءالله جان مايتوا بعد
سيف و روضه ساكتين
ميره : شو السالفه أنا بروح ارقد من يزهب الغدا زقروني
وروضه لحقتها
روضه : ميروه
ميره : هممم
روضه : بسج رقاد ابا اقولج شي
ميره : شو فكينا بسرعه
وروضه خبرتها السالفه
ميره : احسن زين يسوي اخوي وانتي حماره يالسه تدافعين عن الريال
روضه : لانه اخوج لو جفتيه شوي ويذبح الريال مسكين
ميره : فوق ها كلى وتقول مسكين اقول انقلعي عن ويهي برقد ماعندي سالفه يالسه انصحج
وروضه يلست تفكر في السالفه وعقب استوعبت انه فعلا هي الغلطانه سيف كان يدافع عنها وهي يالسه تحاتي الريال والحين متلومه فيه
دخلت سناب جافت لوكيشن سيف اونلاين
روضه : سيف
سيف جافه ومارد
روضه : اوكيه برايك لا ترد بس اهم شي تقرا الي بكتبه الحين شسمه أنا فكرت بلي استوى مساعه و اعرف اني غلطانه بس حبيت اني استسمح منك ولا تشل فخاطرك عليه صدقني انته الي خليتني جي اسوي لو جفت عمرك كيف تروعت تذبح الريال ويستويبك شي أنا كنت خايفه عليك يوم كنت ابعدك عنه مب أدافع عنه وهو برايه يلتعن
سيف : عندي سؤال واحد بس
روضه : قول
سيف : الريال يوم كنت امرغه قال كلمه وهاي الكلمه خلتني اعصب صدق ( مايخصني أنا بنتكم حلوه ) كيف جاف ويهج وانتي تتغشين ؟
روضه : صدقني وانا نازله من العيله نسيت اتغشى ويوم جفته يكلمني تغشيت على طول
سيف : عقب شوه عقب ماجافج
روضه : انزين أنا شذنبي يوم هو مضيع المذهب
سيف : خلاص انزين حصل خير
روضه : سيف انته بخير اكيد؟
سيف : هيه لا تحاتين
روضه : الحمدالله ، المهم يالله أنا برقد ميروه اختك وصلت المريخ في أحلامها
سيف : عاد خليها هاي قصه ثانيه
روضه : ههههه لا تصيدك
سيف : هيه والله
حطت جي 🤣🤣
وطلعت من الجات ورقدت ونشت ومالقت ميروه عدالها لقت ضرف على الشبريه مكتوب فيه ( رويض قومي وتزهبي ولبسي شي حلو بس لا تلبسين قصير عيال عمج هني و تكشخي كشخه حلوه وتعالي الميلس )
روضه : بلاهم هايل شو السالفه المهم خلني أقوم اتزهب فجت كبتها لقت جدامها كندوره مغربيه قفطان تجننن لونها baby pink لبستها و طلعت عليها طقمها الوردي مال فان كليف و لبست سلبر هرمز الأبيض و حطت ميكب برز فيه ملامحها وطلعت حريقههههه
المهم نزلت مالقت حد فلصاله وتذكرت انهم فلميلس و ميره حست بخطوات ريل على طول سكرت أليت ودخلت روضه ولقت الميلس ضلام
وفجأه انفتح اليت و جي كل حد يغني happy birthday وروضه مستحيه الفففف بقولكم كيف الترتيب كان الثيم الفيونكه الورديه اضن عرفتوها مالت الهبه والترتيب كان يجنن و شسمه عقب تقربت صوب التعديل و صورت وطلعو الاولاد شوي و صورو روضه وبعدين ردوا يدخلون ويلسوا كلهم في الميلس