" ليتني عرفتك بأول العمر بدري "

الجزء الرابع عشر

البارت الرابع عشر :
طبعا وصلت روضه الجامعه وسيف راح دوامه
سيف دق لروضه : الو
روضه : هلا
سيف : اقولج انتي بتردين وياي ولا
روضه : لا
سيف : زين الله يحفظج
وبند
روضه : خيبه توني برد عليه سكر
دخلت كلاسها
نرد البيت
ميره نشت بس مالقت منصور عدالها ولا فلحمام فا دقت
منصور : هلا
ميره : هلا حبيبي وينك ؟
منصور : حبي رحت الدوام
ميره : مب عساس اليوم مابتروح
منصور : نسيت اقولج طلبوني
ميره : تمام درب السلامه
منصور : هالله هالله في عمرج بجوفج في الويكند انشاءالله
ميره: انشاءالله الله يحفظك
وبندت طبعا بيروح بوظبي وحتى سيف كان مابيروح عشان يرد روضه بس يوم قالتله انها مابتروح وياه فا قبض الخط
المهم
ميره نزلت تحت عند عمتها تساعدها
ام سعيد : هلا والله بالعروس
ميره : هههه خالو خلاص الحين أنا هب عروس
ام سعيد : بعدج بتضلين عروس ههه
ميره : ههههه
ام سعيد : انزين ليش نازله
ميره : قلت بساعدج خالو
ام سعيد : وحق شو العباله
ميره : اي عباله فديتج
ام سعيد : عيل انتي قلي السمج يلا
ميره : من عيوني
ام سعيد : فديت عيونج
ميره ابتسمت
وقعدت تقلي
وبعدين يتها لوعه من ريحه الزفره وراحت تربع الحمام عشان تزو٠ع
ام سعيد ربعتلها على طول : شو فيج بنتي
ميره : ماعرف خالو يتني لوعه من ريحه الزفره
ام سعيد ابتسمت : ليكون الي في بالي
ميره : شو في بالج خالو
ام سعيد : صبري بيج
ويابتلها فحص الحمل بس ماقالت حق ميره هاذا شو و ميره خبله ماتعرف شو ها
ام سعيد تشرحلها كيف تستعمله ههههههه المهم
وطلعت وراوته ام سعيد وام سعيد يبتتت وحضنتها وميره لين الحين مب مستوعبه السالفه
ميره : شو فيج خالو ليش فرحانه
ام سعيد : مبروك حبيبتي انتي حامل
ميره : شوووو؟؟؟؟؟ حامل؟؟؟؟؟
ام سعيد : هيه ؟
ميره : الحمدالله ويلست تصيح من الفرحه ، خالو بسير اخبر امي
ام سعيد : روحي بس انتبهي على عمرج
وراحت ميره
ام هزاع : فيج شي ؟
ميره  : لا
ام هزاع : عيل غريبه يايه الحين
ميره : يايه اقولج خبر بتستانسين عليه
ام هزاع : فرحيني
ميره : أنا حامل
ام هزاع : هااااا الف مبروككككك حبيبتي
ويلست اتييب وحضنتها
وميره ردت بيتهم وخالتها حلفت عليها ترد غرفتها تنسدح هههههه
وردت روضه من الجامعه 
روضه : افففف السلام عليكم
ام سعيد : بلاج
روضه : تعبت من الجامعه خلاص
ام سعيد : احسن صح روحي عند ميروه الحجره بتقولج خبر حلو
روضه : اونا
وراحت وصلت عندها
ميره : يتي ويابج الله
روضه : الشيخه ليش مب يالسه عند امي منسدحه هني
ميره : حبيبتي امج الي راغتني
روضه : هههههه ليش
ميره : لاني حامل وماتبا تعبني
روضه : شووووووووو حامل ويالسه تناقز وفرحانه وانا ليش آخر من يعلم
ميره : لانه توني اعرف
روضه : بنت ولا ولد
ميره : خبله مب الحين
روضه : إذا بنت سميها علي فاهمه
ميره : يصير خير
ورويض من الحماس دقت على سيفوه ماتدري ليش دقت بس دقت ههههه
سيف : اهلين قلبي
روضه : سيفوه تخيل
سيف : تخيلت
روضه : ميروه حامل بستوي عمه واخيرااااا
سيف : صدق عطيني اياها
ميره : أسمعك
سيف : بعد حاطه سبيكر المهم مبروك يا قلبييي
ميره : الله يبارك فيك حبيبي سيفوه بليز منصور لا يدري
سيف : ليش انشاءالله ريلج
ميره : أنا ابا اخبره عقب يوم بي ابا اجوف ردة فعله
سيف : متوهجه
ميره : ههههه
روضه شلت الفون وطلعت
روضه : المهم ها حبي علومك
سيف : شليتي السبيكر
روضه : شليته وطلعت من الحجره بكبرها
سيف : مش بخير
روضه : افا ليش
سيف : اشكي فراقج
روضه : علني ماخله منك
سيف : ولا منج ياروحي المهم حبي ببند برقد وراي دوام
روضه : توا الوقت
سيف : بدش أتسبح وعقب برقد
روضه : زين
وبندو
وروضه اول مابندت رقدت وتقول حق سيف تو الناس هههههه
خذلتها غفوه
اليوم الثاني الصبح
نشت روضه عسب تروح الجامعه في السياره طبعا روتينها من تركب السياره لازم تدق على سيفوه
سيف : هلا والله
روضه : اهلين
سيف : ها وين
روضه : كل عاده سايره الجامعه افففف مادري متى بفتك
سيف : رويض
روضه : لبيه
سيف : لبيتي حايه حبيبي أنا خلاص ماروم اصبر برمس امايه باجر اول ما ارد من بوظبي
روضه : خلاص الي تشوفه زين سوه
سيف : صدق
روضه : هيه
سيف : فديتججججج
روضه : فدا
وكل واحد راح شغله
نروح عند روضه
مريم ربيعتها الي فالجامعه : رويض بلاج منفسه
روضه : اقولج الحين عندي كلاس it والكلاس مكس مادانيه افففف خاصة هاذا الي اسمه سعيد ماينبلع
مريم : هههههه الحين ها كله عشان الكلاس الله يعينج يلا عيل اجوفج في البريك
روضه : اوكيه
وراحت روضه وهي مب عايبنها الوضع
دقت على سيف ماتدري ليش بس دقت
روضه وهي صوتها متوتر : سيف
سيف استغرب من صوتها وليش زقرته سيف : عيونه
روضه : فديت عيونك سيفوه بقولك شي
سيف تروع : روعتيني بلاج
روضه : لا تخاف المهم انه أنا الحين عندي كلاس وها الكلاس مكس وفي واحد اسمه سعيد دوم ايلس يرمسني وانا اعطيه طاف ستويت اكره الماده منه وكنت بطلع بس هددني قالي ان طلعتي بتجوفين شي ماجفتيه في حياتج والحين كل ما ادخل لازم اقرا ادعيا لانه مسولي رعب
سيف عصببب : وليش ماقلتيلي من قبللللل؟؟؟؟
روضه تروعت : لانه عبالي انه سوالف يهال عقب بيسكت بس طلع نذل وانا الحين متروعه ادش الكلاس
سيف : دخلي الحين الكلاس وخليني وياج على الخط فاهمهههه لاتبندين !!!
روضه حطت ال AirPods ودخلت وهاذا سعيد كان يجوفها في نضرات تخوف وخايسه وروضه تمت ترتجف وسيف يرمسها وهي ناسيه انه وياها من الخوف فا سيف عصب انها ماترد صارخ وقال روضهههه وصمخخخخ روضه فزت وسعيد استغرب قال في خاطره هبله هاي وبعدين روضه كتبت حق سيف الي ستوى وسيف معصب وده يكون موجود ويضربه ضرب المهم عقب روضه يلست عدال البنت الي دوم تيلس عدالها وحتى البنت الي عدالها تعاني من نفس الشي لانه سعيد يبا يطفر في البنات وهو شكله أصلا وراه سالفه
ميثه : يارب اليوم يعدي على خير
روضه : يارب
وسيف وياها في الخط يسمع كل شي
والمستر بعده ما وصل فا تقرب هاذا سعيد صوبهم
وقال : فديت الحلوات علومكن
البنات ماردن جان يعصب ويدق الطاوله بعصبيه ويقول : اعتقددد اني ارمسكمممم!!!!!
وسيف مقهورررررر ويالس يسبه وشاد حيله وسعيد أصلا مايسمعه
سعيد : والله ان مارمستن لا اضرب وحده فيكم
ومارمسن عبالهم يستهبل وهو عصب لانه كانو يارددونه بس مادري شو استوى وفجأه مسك رقبت ميثه ويلس يدق راسها في اليدار بس روضه ابتعدت ويلست تصيح وتسمع شو يقول والشباب يحاولون يخوزونه عنها بس مارامو تم يضاربهم ويقول حق ميثه وهو يصارخ أنا محد يراددني !!!!!! فاهمهههه يا بنت .....  وروضه تصيح وسيف على أعصابه ومحتشر ويقول حق روضه تطلع بسرعه بس روضه ماتقدر لانه خايفه على ميثه فا يوم قربت عشان تفجه من ميثه ضربها بكوعه على بطنها وتمت ماسكتنه وتصيح من العوار وسيف تروع ويلس يكلمها ويقولها شو فيج بس ما كانت ترد عليه ليش ماكانت ترد لانه .........
يتبع ......