" ليتني عرفتك بأول العمر بدري "

الجزء الخامس

الجزء الخامس :
التكمله
سيف : ايه جوف اختك هاي بصفعها دوم تدافع عن عدواني
روضه : عدواني اونا
منصور : هههههههه
ونزلو وراحت روضه عند الدكتور وطلعت رضه ريلها مب مكسوره واستانست انها مب مكسوره ههه
منصور: دكتور متى بتعق الجبس ؟
الدكتور : بعد آسبوعين أنشاءالله
روضه : خيبه لا دكتور وايد
الدكتور : شو بدي ساوي
سيف : ههههه رويض خلاص
روضه : والله صدق بعد شوه ريلي ماروم اتحمل اجوفها جي
سيف : ماعليه بتتعودين معا الوقت
روضه : جب أنته جب
منصور : فصلت خلاص هههههه
المهم طلعوا وردوا البيت
وام سعيد فزت وراحت تربع عند روضه : بسمالله توها بنتي مستانسه ومافيها شي شو ياج
اليده : جوفو يوم اقولكم لا تصورون صورتوها عشان جي حسدوها
روضه : هههههه يدو شدخل
ميره : ياربيه يا يدو ربط المواضيع عندج البنت طاحت من الخيل
اليد : وانتي وين تبين متعنتره راكبه الخيل
روضه : ياليل الحين محاضره بحصل يدي جيه مب بروحي وياي ميروه و شيخه
اليد : وهايل بروحهن مخبل يعني قلتي شي
سيف : لا تخاف يدي أنا كنت وياهم و يوم طاحت روضه كان مني لانه مارصيت على السرج زين
اليد : ماعليه يا الهرم وليش متعنتر اونك رايح تسكره
سيف مارام يتحمل ويه يده وهو يهزبه راح برا وتم يضحكك ضحك عليه ونفس الشي الي داخل
اليد : ماعليه يا الهروم تضحكون على يدكم
وشيخه ميته قهر انه خله روضه تطلع من الموضوع بسهوله وهو الي توهق بدالها
طلعت برا تجوفه لقته في المطبخ
شيخه : تحبها ؟
سيف تروع يوم جاف حد وراه : بسمالله انتي من وين طلعتي
شيخه : سئلتك تحبها ؟
سيف : احب منو انتي شو تقولين ؟
شيخه : اضن معروف منو
سيف : لا تئلفين من مخج كلام
شيخه : عيل ليش يوم طحت ربعت لها هي
سيف : لانه طاحت قبلج
شيخه : هاذا مب عذر
سيف : وانتي نعم تحققين معاي منو حضرتج
شيخه : حرمتك المستقبليه ( قالتها بكل غرور)
سيف : في احلامج
وطلع عنها وانقهرت اكثرررررررر
وراح عند منصور وخبره السالفه
منصور : شو هاي ياهل والله وين اخوها عنها هاي كرامه مافي
سيف : عقولت اختك مضيعه المذهب
منصور : هههه هاي كلمه رويض الشهيره تقلد يدوه فيها
سيف : هههه
وبعد اسبوع ردوا بيتهم بسلامه

وطبعا الحين فضوا حق سعيد حليله ودقت امه على اهل مريوم وقالو بيشاورون البنت وبيردون عليهم

الصبح في بيت بو هزاع :
نشت روضه ووعت ميره
ميره : رويض ندرس حق شو اول
روضه : العربي لانه اول واحد
ميره : يلا انزين
ويلسن يدرسن تحت
سيف و منصور : السلام عليكم
كلهم : وعليكم السلام
منصور : عيل وين البنات
ام هزاع : فوق يدرسن
سيف : راحت عليهن كنه بنوديهم الكوفي
ام هزاع : لا ابوي خلهن هني دراستهن اهم
سيف : هههههه
وراح هو ومنصور يحومون واخر شي يلسو فوق راس عرقوب وتمو يسولفون
منصور : سيفوه
سيف : هلا
منصور : اقولك الحين سعود بيعرس وهزاع عرس و نحن الدور ياينه لاكن أنا مستعيل ابا اعرس
سيف : طع هاذا لاحق ابوي
منصور : والله ابا اعرس ياخي ابا اجوف عيالي
سيف : انته عرس وعقب لاحق على العيال
منصور : اخاف أسويها و اروح اقول حق امي تدورلي عروس
سيف : وابوي تخبل الولد اقول استريح ماشي يوم أنا بقرر اعرس انته بتعرس
منصور : الله وجي يكون عرسنا ويا بعض
سيف : عاد لازم ندور خوات عشان يعني نكون قراب من بعض
منصور : هيه خلاص عيل يوم بني بنخطب بقول حق امي شرط يكونن خوات
سيف : هههههه لاتصيدنا امايه
منصور : اف احس يومي مب حلو بدون ما اغايض البنات
سيف : والله صدقت خلهن برايهم يجابلن دراستهم عقب بيطيحن فجبودنا ومحد بياخذهن
منصور : خيبه اتخيل ريل روضه اختي ياربيه من اول يوم بيطلب الطلاق
سيف : ماضني
منصور : وانته شعرفك
سيف توهق : ماعرف احساس
منصور : هههههه طع ويهك كيف استوى ، سيفوه تراني اعرف انك تحب روضه لا تقص علي يعني اونك ويوم انته تحبها برأيك حلالك دام انها عندك فا أنا مطمن بس دخيلك لا تسوي شي وتتهور إلا جان خذتها بالحلال
سيف : خيبه لهدرجه أنا أنبان لا تخاف روضه الحين أنا معتبرنها شرات ميروه اختيه إلا عاد بعدين شي ثاني
منصور : انزين عادي أنا اعترفلك بعد
سيف : ماشاءالله اليوم يوم الاعتراف العالمي
منصور : هههه المهم تخيل حسيت اني احب شيخه
سيف : شوههههههه؟؟؟؟؟؟
منصور : اهخخخخخ طع ويهك بموتتت من الضحككككككك ههههههههههههههههههههه
سيف : لا صدق تمزح ولا ؟؟؟؟؟؟؟؟؟
منصور : اكيد امزح يابوي جفت ويها هاي دفشه وتتحرا عمرها رقيقه تقول واحد من الشباب
سيف : هههههه والله
منصور : فديتها الي احبها ماتتقارن فهاي الي احبها ملاك نازل من السما
سيف : اوب أوب الريال متخشع منو البنت
منصور : اختك المصون ميره
سيف : طععععع هاذا ههههههه اونا ملاك نازل من السما يبوي هاي شيطان
منصور : ايه لو سمحت مارضى
سيف : حو تراها اختي
منصور : بعد صح نسيت
سيف : مينون بس خلاص عيل حريمنا ربع و خوات بعد
منصور : ههههههه
ورجعو البيت
ويلسوا في الصاله وبعدهم البنات
سيف : بعدهن يدرسن شوه
منصور وهو يصاصره: ليش مشتاق حق حبيبه القلب
سيف قرصه : ماعليه يا الهرم
منصور : امزح شفيك
ام سعيد : ميري يا ميري
ميري : نعم مدام
ام سعيد : شلي هاذا غدا فوق حق بنات
ميري : جين ماما
وسارت وتغدوا و كلهم ساروا يقيلون نشوا على المغرب نزلو تحت
اليد : حشى مب دراسه هاي من الصبح لين الحين يدرسن
سيف : خلهن ابويه آخر سنه لازم يشدن حيلهم هايل الامتحانات النهائيه الي بتحدد مصيرهن
اليد : يدرسن ويتعبن واخر شي اي واحد ويتزوجهن وتروح الدراسه على الفاضي
ام سعيد : ابويه هاذا في زمانه الحين الجيل تغير الريال يبا البنت تشتغل عشان يتساعدون في البيت
اليد : عيل ليش يعرس من الاساس إذا يبا وحده تساعده
كلهم سكتو لانه كلامه صح هههههههههه
وبعد ساعتين نزلو البنات
اليد : الحمدالله على السلامه
البنات : ههههههه
اليد : عنبوه شو تدرسن كل ها
روضه : أبشرك بعدنا ماخلصنا نزلنا ناخذ بريك
اليد : شو بريكه بعد
كلهم : هههههه
ميره : ابوي يعني نرتاح
اليد : محد قالكن انتن متعبات عماركن
المهم انه ها الاسبوع كلا البنات يدرسن وردوا عائله بو سعيد بوظبي وافترقوا الحبايب ههههههه عن بعض
وامتحنوا البنات وافتكو وردوا بوظبي عند اهلهم