" ليتني عرفتك بأول العمر بدري "

الجزء الثاني عشر

الجزء الثاني عشر :
يوم يديد في بيت بو سعيد
الصبح
عند ميره و منصور
ميره : منصور ؟ منصور ؟
منصور : همم
ميره : قوم الطياره بطير عنا
منصور : يلا اوكيه
وخلص منصور وركبوا السياره
منصور : ميروه مانسيتي الجواز
ميره : لا
منصور : تمام
ووصلوا المطار بس ميروه دقت على امها قبل
ام هزاع : هلا والله الغاليه
ميره : اهلين امايه نحن وصلنا المطار والحين راكبين الطياره
ام هزاع : صدق زين عيل استودعتكم الله سلمي على منصور
ميره : يوصل وسلمي على اخواني وأبويه
ام هزاع : يوصل بنتي
وندت
ميره : امايه تسلم عليك
منصور : الله يسلمها و امايه بعد تسلم عليج
ميره : الله يسلمها من الشر
طبعا وين سايرين بقولكم الحين طبعا ميره اختارت شهر العسل يكون في بولندا
وطبعا الحين ركبوا الطياره وكانو في البزنس وميره فصوب و منصور في صوب يعني كل واحد في عالم ثاني ميره حاطه فلم ومنصور راقد
ميره : حشى ها كلى راقد الله يعيني
منصور سمعها وكانت في ضحكه بس مسكها وكمل رقاده الكلام ما اثر فيه هههههه المهم عقب يت المضيفه
المضيفه : hello do you want some food
ميره : what do you have today
المضيفه : we have pasta and yellow rise
ميره : I will get pasta
المضيفه : and for you drink
ميره : coke
المضيفه : and for the man beside you
ميره : منصوررررر
منصور : دفشه عنبوه عبالي الطياره طاحت
ميره نقعت ضحك على ويهه
منصور : خلاص فضحتينا
ميره : بموت يضحككك المهم تبا اكل
منصور : شو عندهم
ميره : عيش اصفر على قولتها و معكرونه
منصور : ابا معكرونه
ميره : وشو تبا تشرب
منصور : انتي شو طلبتي
ميره : ( تعرف انه بيهزبها بس غايضته ) طلبت ريد بول
منصور : شوهههههه تستهبلين كم مره اقول مب زين حقج لاتشربينه أنا اخاف عليج فهمي يا بنت
ميره : هههههه طع ويهك اقص عليك طلبت كولا
منصور : اتحسب بعد طلبي نفسج
ميره : for him pasta and coke
المضيفه : okay
وراحت
منصور : يوم بتي وعيني
ميره فجت عينها : ليش ناوي تكمل رقادك عنبوه ماتحس
منصور : حشى شو تبيني
ميره : ملل سولف وياي عيل حق شو معرسه أنا
منصور : فديت حرمتيه والله
ميره : لا والله توك تستوعب إنيه حرمتك
منصور : ههههه فديتج
ميره : مايضحك ارقد تصدق احسلك مافيه على حشرتك
وتخيلوا انه رد يرقد صدق مافيه احساس ههههه
المهم وصل الاكل وعته وكل بس مارد يرقد أنجاز ههههه حط له فلم ويلس يجوف لين ما وصلوا المهم عقب مانزلوا من الطياره ركبوا السياره طبعا اجرؤ سياره حقهم مرسدس ووصلوا الشقه
منصور : اقولج يلا حطي الاغراض وبنسير نحوط
ميره : نعم شو فديتك عيد الغالي ماسمعت حبيبي أنا مارقدت نفسك شبعان رقاد برقد أنا
منصور : ههههه كلتني عنبوه زين رقدي بروح احوط
ميره : تستهبل شو تحوط تخليني اروحيه هنيه في بلاد الغرب
منصور : محد بيج وبعدين انتي بترقدين
ميره : زين فكنا
منصور : قفلي على عمرج الباب وانا بشل البطاقه
ميره : اوكيه
ورتبت ميره الاغراض وراحت ترقد ومنصور ضهر يحوط
نرد صوب دار زايد
في بيت بو سعيد :
روضه في الصاله : افففف مللل ياخي ابا ميروه
ام سعيد : حليلها خليها تستانس
روضه : امايه عادي ادقلها
ام سعيد : لا شو تبينها خليها البنت ويا ريلها وين تبين رازه بويهج
روضه : افففف زين
بو سعيد : لا تتأففين ويا ويهج
روضه : هههه اوك ، بروح عند يديه
ام سعيد : احسلج
وراحت
روضه : السلام عليكم
كلهم : وعليكم السلام
روضه : فديت يدوه أنا ليش يالسه بروحج جان يتي صوبنا
اليده : فديتج يدج ظهر السوق و عاد يلست هنيه امبونه سيفوه عنديه راح الحمام
روضه : ايوا
وطلع سيف
سيف : اوه روضه هنيه
روضه : هيه نعم
سيف : والله زين شفناج
اليده : على طاري صح ها شو ستوى في المعرس ؟
روضه : ماعرف الصراحه
اليده : ويديه كيف ماتعرفين
روضه : والله ماعرف بس الي اعرفه انه امايه ردت عليهم
اليده : هيه
سيف : قوم بن منوه هم
اليده : قوم بن ***** الفلاني
سيف : والخيبتين
اليده : بلاك
سيف : روضه اخوج منصور يعرف عن الريال
روضه : لا بس الي اعرفه انه يعرف اسمه
سيف : يعلكم الجنه جانكم وافقوا عليه
وطلع وهو محرج
اليده : وابوي بلاه ظهر محرج
روضه تروعت لانه اول مره تشوف سيف جي معصب
وطلعت وراحت غرفتها تصيح وشوي فونها يدق وطلع سيف وردت
سيف : الو
روضه : هلا
سيف : رويض مب قصدي افتن عليج اليوم بس لو تعرفين عن الريال ماضني بتوافقين انتو لو شاورتوا منصور خوج مابيوافق لانه يعرف الولد كيف
روضه : انزين خبرنيه شو فيه
سيف : مايخصنيه خلي منصور خوج يقولج أنا بس كنت بستسمح منج
وبند
روضه ياربيه الحين صدق الريال فيه شي ولا لانه يباني يالس يقول جي خلني ادق على منصور خويه
ودقت
منصور : حي ها الصوت في ذمتيه
روضه : حي عينك
منصور : امرينيه
روضه : منصور بتخبرك عن شي و أباك تقولي جان الموضوع صح ولا
منصور : قولي
روضه : تعرف قوم بن **** الفلاني
منصور : والخيبتين وانتي شعرفج فيهم
روضه : ترا ولدهم الي خاطبني
منصور حرج : اشوههههههههههه
روضه : بلاكم انته وسيف حرجتو من سمعتو طاريه
منصور : يخسي ياخذج وانا موجود الخسيس
روضه : ليش شو فيه الريال
منصور : شو مافيه حبيبتي هاذا راعي بنات و عنده سوالف
روضه : اشوههههه ليتني ميته ولا اني أوافق عليه
منصور : بسرعه تروحين عند امايه وتقولين انج ماتبينه
روضه : وان سئلتني ليش
منصور : قوليلها دقي لمنصور
روضه : اوكيه
وراحت روضه بسرعه غرفة امها
روضه : امايه
ام سعيد : ليش عيونج حمر
روضه : امايه خلي عيوني الحين سمعيني أنا ماباه المعرس
ام سعيد : شوه تستهبلين جيه العرس مب لعبه ونحن ردينه على العرب
روضه : امايه ماباه ما حس اني مرتاحه له
ام سعيد : وشو سبب ليش رفضتيه
روضه : هنيه عاد دقي على منصور وهو بيقولج
ام سعيد : و منصور شو يخصه
روضه : انتي دقي وبتعرفين
ودقت ام سعيد وانصدمت وعلى طول من بندت راحت تدق وتعتذر ورفضت الولد
ام سعيد : الحمدالله انه سيف قالج ولا جان الحين انتي متوهقه وياه
روضه : هيه والله
وراحت حجرتها ودقت على سيف
سيف : هلا
روضه : سيفوه مشكوررر وايد الصراحه بدونك كنت بتوهق
سيف : افا عليج بنت العم ، روضه عادي ارمسج في موضوع
روضه : هيه
سيف : روضه الصراحه اول ما قالولي انج رفضتيه استانست وايد تعرفين ليش مب لانج بنت عمي ولا لاني ساعدتج لاني احبج يابنت فهمي احبج ياخي روضه ماروم اصبر برمس امايه تخطبج من امج
روضه استحت الف : تبا ردي أنا اقولك خل الموضوع يعدي عليه اسبوع على الاقل وبعدين رمس امك
سيف : صدق رويض بتوافقين
روضه : هيه

يتبع.......