[ Unicode ]
သူ့လက်ဖ၀ါးထက်က ရတနာ
အပိုင်း-၅။
----------------
ဝမ်ယွီက ဘတ်စ်ကားအနောက် တစ်မှတ်တိုင်အလိုမှ ကပ်လိုက်နေစဉ် ရုန်းရင်းဆန်ခက်ဖြစ်သွားသည်။
သိပ်မကြာခင်တွင် လူတစ်ယောက်က အပြေးအလွှားထွက်လာကာ အဝေးသို့ထွက်ပြေးလေသည်။ကျိအန်းနဉ်က ကားပေါ်မှဆင်းကာ သူ့နောက်သို့ လိုက်သွားသည်။ သူမက ထိုလူနောက်ကို လိုက်နေပေမဲ့ သူ့ကိုမဖမ်းနိုင်ခဲ့မှန်း သိသာလေသည်။
ဝမ်ယွီကားစတီယာရင်ကိုကိုင်ကာ မျက်မှောင်ကြုံလိုက်မိ၏။
ဘာဖြစ်လို့လဲ
ဝမ်ယွီသည်ကားပေါ်ကဆင်းကာ ကျိအန်းနဉ်အား ခေါ်ရန်စဉ်းစားမိသည်။ သို့ပေမဲ့ သူမက ရုတ်တရက် ခေါင်းလှည့်ကာ သူရှိနေသောနေရာကို ကြည့်လာသည်။
ဝမ်ယွီက သူမသူ့ကိုမြင်လိုက်သလားဆိုတာ မသိသော်လည်း သူမကရုတ်တရက်တစ်ဖက်ပြန်လှည့်ကာ ကားပေါ်သို့ပြန်တက်သွား၏။
ဝမ်ယွီရဲ့ကားတံခါးကိုဖွင့်ရန် လုပ်နေသောလက်မှာ လေထဲတွင်ရပ်တန့်သွားရသည်။
ထို့အပြင် ဝမ်ယွီက ဘတ်စ်ကားအနောက်မှလိုက်နေသဖြင့် ရုပ်ချည်းဆိုသလိုကားရပ်ပြီးမကြာ ရုမ်းရင်ဆန်ခတ်ဖြစ်သွားသဖြင့် ကားပေါ်မှာ တစ်ခုခုဖြစ်လာမှန်း သူခန့်မှန်းလို့ရသည်။
ဘတ်စ်ကားက အဝေးကိုထွက်သွားသည်နှင့် ဝမ်ယွီသည် ကားအား လမ်းဘေးဘက်တွင် ထိုးရပ်လိုက်၏။
"အဒေါ်...."
သူကကားပေါ်မှဆင်းကာ ယခုလေးတွင် ဘတ်စ်ပေါ်မှဆင်းလာသော မိန်းမကြီးရှေ့တွင် ရပ်လိုက်သည်။
"အခုလေးတင် ဘတ်စ်ကားပေါ် ဘာများဖြစ်ခဲ့တာလဲ"
တစ်စုံတစ်ယောက်က ရောက်လာ၍စပ်စုချိန်တွင် အဒေါ်ကြီးတွင်ကားပေါ်မှဖြစ်ပျက်သွားတာကို စဉ်းစားနေဆဲဖြစ်သည်။ သူမကချက်ချင်းဆိုသလို စိတ်အားထက်သန်လာပြီး ဇာတ်ကြောင်းတစ်ခုလုံးအား ပြောပြလာသည်။
"အခုလေးတင် လူတစ်ယောက်က ရမ်းကားပြီး ကောင်မလေးတစ်ယောက်ကို ထိပါးဖို့လုပ်တယ်လေ အဲ့ဒီလူက တကယ်ကိုပဲ ဝန်ခံဖို့ဆက်တိုက်ငြင်းနေခဲ့တာလေ ကောင်မလေးကလည်း အရမ်း သတ္တိရှိပါ့အေ အဲ့ဒီလူလက်ကို သွေးထွက်တဲ့အထိ ဘောပင်နဲ့ထိုးချပစ်လိုက်တယ်လေ သူမကရဲကိုတောင် တိုင်မယ်ပြောပြီး စောင့်ကြည့်ရေးကင်မရာကိုစစ်ဆေးခိုင်းမယ်တောင် ပြောသေးတာ အဲ့ဒါနဲ့ အဲ့လူယုတ်မာလည်း ကြောက်ပြီးထွက်ပြေးရောလေ...."
YOU ARE READING
သူ့လက်ဖဝါးထက်က ရတနာ // Rebirth // [ ဘာသာပြန် ]
Romance•Type Webnovel [ CN ] •Genre Drama Fantasy Mature Romance School Life •Author(s) Xiu Ce 袖侧 •Status in COO 102 Chapters + 13 Extras (Complete) •This Story Isn't Mine. •We're Just Translation. •All Credit To Original Author And English Translaters.