Temporary (Amorist Series #2)

Chapter 8

Chapter 8

"Gala tayo Jin!" Belle sat on the other side of the couch. 

"Pwede naman ako, kaso ang pitaka ko hindi."

Natawa sila Eira mula sa kusina. Nasa condo kami ngayon ni Mel, pawisan sila Belle dahil sa sobrang kulit; panay talon ba naman habang kumakanta.

"Hindi ka pa pagod, Belle?" Melian asked.

"Agree, kakatapos lang natin mag-ktv." Eira said. Abala sila sa pag-prepare ng snacks at juice.

"Ktv na tawag do'n?" Binuksan ni Belle ang junk food. "E wala naman tayo sa actual na ktv, dito lang tayo sa condo, nag-YouTube then may mic."

Napailing ako. "As long as kumanta ka,"

"Aba'y miyembro ata ng sikat na grupo ang pamangkin ko. . ." Melian said.

"'Di ba?! Maganda boses ko?" Lumingon siya kina Mel. Tila nabuhayan ng dugo.

"Ano'ng grupo Mel?" Ani ko.

"Sparta,"

Napanguso si Belle, natawa kami. Nilapag ni Eira ang popcorn sa table na nasa gitna habang juice ang kay Mel.

"Boses mandirigma. . ." natatawang sabi ko.

"Grabe kayo ha! Ikaw nga Mel e! Rock ang kanta pero 'yung boses mo pang-simba! Ersh't ka pala."

"Aba'y minumura mo 'ko?" Hinampas ni Mel si Belle gamit ang unan. 

"Ikaw nag-umpisa. . ." Belle pouted even more.

Tumabi sa 'kin si Eira. Napailing at sabay kaming ngumiti. Kahit kailan talaga, para silang salamin mag-tita.

"Aray Mel! By the way Jin! Sabay tayo mag-lunch sa wednesday ha?"

Kahapon lang nangyari ang pag-grocery namin ni Ash. Linggo ngayon, sarado ang shop dahil may inaayos si ninong sa likod, wala akong gagawin kaya sumama ako kay Eira para mag-bonding.

Sa susunod na linggo pa deadline ng PETA kung saan partner ko si Ches. Napag-usapan namin na sa university lang namin gagawin ang lahat para may rest kami kapag nasa bahay.

Hinatid ako ni Ash sa shop kahit hindi ko sinabi kung saan. Nagbibiro lang ako no'ng sinabi kong alam niya kung saan ako nakatira, pero hindi ko in-expect na alam niya pala talaga. She said dati pa raw simula no'ng nagkita kami sa cemetery which is naka-suot siya ng body con dress. She's one of our client din kasi, pero ngayon lang ako naging aware kasi hindi naman sinasabi sa 'kin ni ninong.

Gusto ko man itanong kung bakit gano'n ang suot niya no'n pero 'di ko ginawa, wala kasi ako sa posisyon para makialam.

She texted me last night, pero 'di ako nakasagot kasi wala akong load. It says—Finally found the right artist that'll give meaning to my bland and dark memoir. Have a blessed Sunday! <3

Hindi ko mapigilang mapangiti. Ang lakas niya maka-tita. Haha!

Umagang-umaga natawa ako dahil sa nabasa, but isa lang masasabi ko, ang gandang bungad. I feel at ease right after I read her message.