#الحلقة_57❤❤
#لعنة_أنثى 🔥🔥
#خولة_عزيز 🌶🌶
_حاتم وصفية وفهد روحوا لدارهم ..... فهد جاء يطلع لغرفتوا وقفوا صوت بوه وقت نادى على اسموا ...وڨحر لصفية ڨحرة موت ماهوش بش يعديلها عملتها متاع قبيل ... عطات الريح لرجليها وهربت لغرفتها وغلقت الباب على روحها
فهد : حاجتك بشي بابا
حاتم : ألحقني للبيرو نسحقك ... دخل حاتم ولحق وراه فهد ينفخ ...
حاتم : شنوا صار لراسك ؟؟
فهد : (تلبك ) حتى شي جرح بسيط وميرنا ضخمت الحكاية وحطتلي شاش ... غزرلوا حاتم بإستغراب كل مرة يطلعولوا بحكاية جديدة ... ليان كانت دخلت لدار وقت سمعت صوت في مكتب بوها قربت منوا جات تدخل وقفها بوها وقت حكى ...
حاتم : لحقني بريد انوا رئيس الحلقة بش يعقد اجتماع عن قريب ولازم تعاوني في حاجة ....
فهد : يعني بش يحضر هو زادا مش هكا
حاتم : هذا لي مكتوب ...
فهد : بش تاخذني معاك وتعرفني عليه مش هكا ... ؟؟
حاتم : انت اكيد جنيت ... ؟
فهد : علاش ياخي انا من اول يوم دخلت للمنظمة نعمل بكل جهدي بش يلحق اليوم لي نتلاقاها فيه ونقرب منوا اكثر
حاتم : اذا انا ستنيت سنين بش نشوف تجي انت في عام تشوفوا
فهد : علاش تحكيلي مالا ؟
حاتم : ( تبسم بخبث ) بش تقبض روحوا
فهد : شنوااااااااا بهذي سهولة وعلاش
حاتم : اكيد مش بهذي سهولة ... وقت ندخلوا للقلعة انت ورجالك تكونوا برا مراقبين كل شي .. وهو اكيد بش يكون عامل حسابوا وجايب رجالوا ... انا نزرع قنبلة داخل القلعة وانت تخلص على كل الرجال لي برا وتسهل طريق خروجي ..
فهد : وهكا تكون خلصت على كل المنظمة وتبقى كان انت في الساحة ... تبسملوا حاتم
فهد : والله طلعت مش ساهل يابابا ... اما ماتنساش بش نكون اليد اليمنى لرئيس الحلقة الجديد .... ليان سمعت كل الكلام لي دار بين بوها مصدومة من التفكير الشيطاني لبوها وخوها طلعت بسرعة لغرفتها .... رايحة جاية اعصابها بش تطرشق ... زعما تخبروا وتكون فرصتها وفرصتوا بش يتخلصوا من المشكلة لي وقعوا فيها ... عقلها يقولها بعملتك راح تخون بوك وخوك ... وقلبها يقولها فرصة جاتك بش ترجعي لطريق الصحيحة وتبني حياتك مع الشخص لي تحبيه بالحلال بعيد على القتل والحرام ... بقات هكاكا لين رقدت
_فاق على يديها لي حاوطوه تبسم على جنب ...باسها على راسها وحاول يجبد روحوا منها ... وصل للباب دور وجهوا غزرلها بنظرة مش مفهومة ... ماعرفها حب ولا شفقة ولا اعجاب ... الشي الوحيد لي يعرفوا انوا هو بش يحميها ... نزل لقى رائد قاعد في الصالون حاط اوراق والميكروا قداموا ... ستغرب شيعمل توا
أيهم : علاش فايق لتو
رائد : مانجمتش نرقد قلت خليني نخدم شوي .... قعد بجنبوا وهز الميكروا يقلب فيه .... طلعلوا انوا فما تسجيل صوتي جديد ... ضغط عليه ... يسمع في فهد وبوه يحكيوا .... غزر لرائد وعاود ركز تفكيروا في الشي لي يسمع فيه
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
