👧كرونيك يقتل :لعنة -أنثى 💗💓❤️‍🔥

90

تفاعل

#الحلقة_90❤❤
#لعنة_أنثى 🔥🔥
#خولة_عزيز 🌶🌶
_كانوا رجال حاتم يحاولوا يلقاو اشارة السيارة لي هربت فيها ميرنا ...
حاتم : شنوا صار ... عرفتوا تابعة لمن ...
الراجل : معلم السيارة تابعة لواحد اسموا جان ... وانا طلبت من معارفي يعرفلي تحركاتها توا ... تبسم حاتم بخبث وتمتم بين شفافوا
حاتم : بش طيح في يدي يا ميرنا ...
_في المشفى ...
كانت واقفة تغزرلها قلبها واجعها عليها ... وقف قدامها وحط يدوا على كتفها ...
جان : اطمن بش تكون بخير .... غزرتلوا بنظرة مش مفهومة
جيلان : مانيش خايفة ... اما ..
جان : ماكش خايفة ... تي وجهك صار اصفر من الخوف علاش تحبي تخبي مشاعرك جيلان علاش تخلي الناس تشوف كان جيلان الوحش ... عيشي على طبيعتك .... ڨحرتلوا وخرجت لقات الدكتور محمد رجع ... تنطر عندوا جان ...
جان : ها شبيها ؟؟
الدكتور محمد : تحليل الدم اظهر انوا المرضة تتعاطى ومن فترة طويلة زادة
جان : تنجم تعملها تصفية للدمها ...
الدكتور محمد : للأسف تصفية الدم ماتنفعش وحدها لازمها تاخذ جلسات زادة ...
جيلان : يعني بش تموت ؟؟؟
الدكتور محمد : للأسف حالتها خطيرة خاطرها كانت تاخذ بكميات كبيرة ... الشي لي اثر على خلايا الدماغ ... توا بش نخليها هوني ...في الوقت هذاك فاقت ميرنا اما كانت حالتها متدهورة جسمها كل ينفض ... وراسها مش منجمة تهزوا من الحرب لي صايرة داخلوا ... مشاتلها جيلان تجري تحاول تهديها أما لي صار أنوا ميرنا تهجمت على جيلان وحاولت تخنقها لولا جان ومحمد لي لحقوها في اخر دقيقة .... جبدها جان يادوب تتنفس ... حطت يدها على رقبتها .. تنهج ... والدكتور محمد مشى حط لميرنا دواء بنفس تأثير الحب لي كانت تاخذوا اما مفعولوا مايطولش ياسر .... لين هدات ....
جيلان  : علاش هاجمتهني ...
الدكتور : كل المدمنين كيف هكا وقت يحتاجو الجرعة مايعرفوش شنوا يعملوا وينجم زادا يقتلوا المهم ياخذوها لان خلايا الدماغ متوقفة على هذيك الجرعة ..جيلان كلام دكتور خلاها تتأثر .... حملت روحها وخرجت من المشفى ...راسها كان مع كلام الدكتور ... هي صحيح تغيرت  جيلان لي ماتنجمش تأذي نملة رجعت جيلان لي يديها ملطخين بالدم كيف السفاح لوجت على سيارتها مالقاتهاش تذكرت انو خلاتها قدام دار جان وجاو في سيارتوا ... وقفت طاكسي ومشات لدار جان بش تاخذ سيارتها .... في الوقت هذاكا حاتم ورجالوا كانوا يستناو وقتاه تتحرك السيارة بش يلقفوا الاشارة ويعرفوا مكانها ...
_باسل يحكي :
كلام خولة خلاني نحس أنوا فما شي بين أيهم وجيلان على هذيكا هي حبت تكسر صورة جيلان في نظر أيهم ... هي كيف الافعى تبقى تحوم على الشي حتى تخليه يتفكك ... تذكرت ليلتها جيلان كيف قالتلي انها هي لي قوصت عليك وباز تكون من رجال المنظمة ... يعني خولة ممكن تكون الخيط لي يوصل أيهم للرئيس ...يعني كان انا مشيت وعترفت لأيهم انو كلام جيلان صحيح هو ممكن يتخلص منها ... أيهم خويا الصغير وانا مستحيل نخلي وحدة كيف خولة تلعبلوا براسوا ... ولي حسيتوا زادة من نظرات ايهم لجيلان انوا يكنلها مشاعر يمكن على هذيكا خولة ظهرت ... بش تفرق بينهم ... انا لازم نخليه يعرف كل شي من غير ما نأذي جيلان اما كيفاش
_ بعد ما تأكدت انوا أيهم ورائد مشاو وماهمش بش يرجعوا ... جبدت تلفونها وكلماتوا ....
خولة : أنا عرفت مكانها .... انت كنت تلوج عليها في المكان الغالط وهي قدام عينيك .... أيهم مخبيها هوني في مكان إبليس ومايخممش فيه
البوص : جهزيها حتى يجيوا رجالي يهزوها
خولة : وأنا بش نجي معاهم مش هكا ....
البوص : لا انتي بش تبقاي هونيك حتى مايشكوش فيك ... علق عليها نفخت .... ولعناتوا مشات للكاميرات لي في الفيلا وقفتهم كلهم ورجعت نزلت لتحت وين مخبي أيهم جنان ..... في الوقت هذاكا كانت جيلان لحقت لدار جان هزت سيارتها ومشات لدار أيهم بش تغير دبشها وترجع لميرنا ....
ضغطت على البوطون لي كانت وراء الكادر تفتح الحيط ... قابلها الباب اما مسكر ... سمعت دكتورة جنان صوت حسباتوا أيهم فتحت الباب أما لي توقعاتوا كلوا طاح في الماء ... قربت منها خولة وضربتها على راسها وكركرتها دخلتها لغرفة كانت مغلوقة من مدة ربطتلها يديها ورجليها وسكرتلها فمها ....
💥 جام ورأيكم في الريبوند 💥