👧كرونيك يقتل :لعنة -أنثى 💗💓❤️‍🔥

60

#الحلقة_60❤❤
#لعنة_أنثى 🔥🔥
#خولة_عزيز 🌶🌶
_طلع لغرفتها مالقاهاش ... لوج عليها في شبر من الدار مافماش ....
ايهم : بش تجلطني هذي الفرخة وينك ياجيلان .. على شنوا ناوية ... هز تلفون وعيطلها ... كانت تسوق توقفت قدام بلاصتها المعتادة غزرت لتلفونها لقاتوا يعيطلها ماعينهاش تحكي مع حد توا طفاتوا ونزلت .... عرفها انها مش حابة تحكي معاه خلاها راحتها .... تعدا لرائد
أيهم : رائد قوم
رائد : تي شبيه #### ماتخلوش الواحد يرتاح حتى في نوموا
أيهم : ماتقلبليش ### انت زادا قوم عندي مانحكي معاك
تقعد رائد يحك في عيونوا وتركز على المخدة مزال فيه النوم ... هات شنوا عندك
أيهم : خوذ هذي للمركز خليهم يحللوهم ... وبلا مانوصيك ... مانحب حتى حد يعرف ... غزر رائد للأدلة لي جابتهم جيلان ... وللكيس الثاني
رائد : هذوا عرفتهم اما لي في يدك شنوا ...
ايهم : هذوا متاع جيلان وميرنا ....
رائد : شنواااااا .... كيفاش نجمت تجيب متاع ميرنا ...
ايهم : بفففف قصة طويلة تتذكر ليلة لي مشات فيها جيلان للبار ... انا كنت نتجسس على فهد وقتها عرفت انوا في البار مع اختوا انا كنت حاب نجيب الادلة منوا اما تصدمت وقت لقيت جيلان معاه ....
رائد : طبعا وانت ستغليت العركة لي صارت ومشيت لميرنا خذيت لي تحب عليه ...
أيهم : مزيا لي فهمت نعرفش كيفاش دخلتك تخدم معايا ... توا امشي اعمل لي قلتلك عليه ... ودور راجع لبيروه توقف على سؤال رائد لي خلا عيونوا تقطر سم
رائد : كان طلعت نتائج الحمض النووي متاع جيلان وميرنا وطلعت جيلان زادة بنت حاتم شنوا بش يصير .... خلا سؤالوا معلق وكمل مشيتوا هو بروحوا مايعرفش جواب لهذا السؤال ...
_ليان قامت وخذا قرار انها تحط حد لكل شي ... ماهيش بش تخلي حد يحدد مصيرها ... لبست دبشها ونزلت لقاتهم كلهم مجمعين على طاولة الفطور ...غزرتلهم بنظرة مش مفهومة ... خلاتهم يستغربوا شبيها ... وخرجت ركبت سيارتها مشات للمشفى
صفية : تي شبيها قالبة منظرها على صباح ربي
فهد : يمكن تاعبة من الخدمة
حاتم : (ڨحرلهم ) وقام مالا عيلة عندي الله ياخذكم كلكم ... فهد خنس خاطروا يعرف بوه وقت يتغشش ... اما صفية بقات تڨحرلوا ...
_نازل على الارض يلبس في سباطوا بش يمشي للشركة يغزرلها كيفاش تتململ ...
ميرنا : قداشها الساعة
لؤي : علاش تسأل على الساعة هاك لا شغلة لا مشغلة جايبتها كان رقاد وماكلة وسهرات .... نبزها بكلاموا خنست جبدت علبة الدواء من الدرج خذات منها حبة شربتها صحصحت ...
ايهم : تاعش هذا الدواء
ميرنا : وجع راس ... كيلها وخرج مشى للشركة ... تلاقى هو وجيلان عند الباب .... دخلوا لنفس الاسونسور وقف هو لورا وهي لقدام عاطياتوا بظهرها يغزرلها على غير العادة هادية وملامحها باردة نظرتها البارزة لي متعود يشوفها ختفات ...ماحسش على روحوا وقت قرب منها وغمض عيونوا جبد نفس قوي من ريحتها خلاه يسكر من ريحتوا ... يحسها كيف الجمرة لي يعفس فوقها يتكوا هكاكا هو توا قاعد يتكوا من قربها ومن الكره لي زرعاتوا داخلوا ... فاق على روحوا وقت ضرباتوا نسمة باردة فتح عيونوا لقاها مشات ... حك انفوا وتبسم على جنب مشى لبيروه ...
السكرتيرة : ميسيو لؤي لحقك هذا الطرد والعلبة  ... يغزرلها ويغزر للطرد ... كأنوا يسأل فيها ... قرب لبيروها وهز الطرد لقاه من مجهول حملوا ودخل ... قعد على كرسيه وفتح العلبة لقى فيها صباط تاع صغير وعليه قطرات دم ... تفجع ... هز الطرد فتحوا برجفة ... يقرا فيه "" مابقاش ياسر وتخلاص اللعبة "" صرخ بأعلى صوتوا على السكرتيرة دخلت مخلوعة ... ترجف بكلها
لؤي : شكون جاب هذي العلبة هوني
السكرتيرة : نعرفففش ميسيو انا طلعت لقيتها هوني ... تعداها ومشى لغرفة الكاميرا خربق مالقى حتى حاجة ... مسك راسوا بش يهبل ... حاول يهدي عصابوا ماهوش بش يخليهم يلعبولوا بعقلوا اكيد هدفهم انهم يتلفولوا اعصابوا ...
_فلاش باك :
واقفة تغزر للبحر كأنها تاخذ قوتها منوا تنهدت وبعدها مشات لاول محل لدبش الصغار شرات صباط تاع بيبي وحطاتوا في علبة وأمبريمات في ورقة الميساج وحطتها في طرد ... بعدها ركبت سيارتها ومشات للشركة قبل لا يجي حد طلعت لغرفة لؤي حطت العلبة في بيرو السكرتيرة وتوقفت وقت تذكرت الكاميرا راحت تجري لغرفة الكاميرا فسخت كل  المقاطع لي ظهرتها وقت دخلت للشركة ووقت كانت في بيروا لؤي ووقفت الكاميرا لمدة ربع ساعة بش تنجم تخرج من غير ماتعاود تصورها  ... وخرجت ركبت سيارتها وركنت في بلاصة بعيدة شوي لين شافت لؤي جاي بسيارتوا خدمت سيارتها ونزلت معاه مطفياتوا
💥 جام ورأيكم في الريبوند 💥