👧كرونيك يقتل :لعنة -أنثى 💗💓❤️‍🔥

77

شكرا لدعم حلوين
نبدأ

#الحلقة_77❤❤
#لعنة_أنثى 🔥🔥
#خولة_عزيز 🌶🌶
_عند باسل :....
ستأذن من الجماعة ومشى بش يروح لمحاتوا ليان لي كانت واقفة مع امها واختها .... سحبت روحها منهم ولحقت عليه .... كان يمشي بخطوات قصيرة واضح انو يتوجع ... قربت منوا ومسكت يدوا هز راسوا يغزرلها مستغرب في شنوا تعمل ...
ليان : ماتعاندش وخليني نسندك بش تنجم تمشي ... حط ذراعوا على كتفها قربوا منها خلا رعشة تسري في بدنها بلعت ريقها ... وغزرت قدامها خاطر كون تغزرلوا بش تضعف اكثر ... لحقوا لسيارتها فتحتلوا الباب دخلاتوا وتعدات ركبت قداموا .... ودورة السيارة مشات
ليان : لدارك مش هكا ....
باسل : ها ... شبيها داري
ليان : نقصد نوصلك لدارك ؟ ... هزلها راسوا بمعنى ايه ....
تسوق والسكوت مخيم في المكان حبت تكسر الصمت لي بينهم حكات
ليان : ياخي جان صاحبك علاش عمري ماشفتوا ... كلاموا خلا وجهوا يلخلخ ... كبس على يدوا وجاوبها ...
باسل : خاطروا كان برا البلاد على هذيكا ماتعرفوش ومش لازم تعرفوا ... غزرتلوا متعجبة من اخر كلاموا ... تبسمت على جنب ...وقت حست انوا غاير عليها ... كملوا طريقهم لين لحقوا ... نزلت وعاوناتوا يدخل ....
ليان : تحب نطلعك لغرفتك ؟؟
باسل : لا خليني هوني احسن .... ومرسي خاطرك وصلتني
ليان : لا من غير مزية ....
باسل : باز يكونوا يلوجوا عليك .... تنجم تمشي نعرف الوضع ومقدر حالة اختك مانيش حاب نثقل عليك انا زادا
ليان : ياخي علاش تحكي هكا ... وزيد ميرنا هوكا معاها امي وبابا .... اما انت هوني وحدك حتى طاطا سلمى مش هوني ... مايعطينيش قلبي نخليك ... وحدك ... ووقفت نحات الجاكيت الشي لي خلا شق من صدرها يظهر ... بلع ريقوا وعدا شفايفوا على لسانوا ...
ليان : خليني نعملك حاجة تاكلها ... عملها براسوا وتسطحت يخمم في الشي لي صار توا وكلام جان متاع صباح ... تهند من اعماق قلبوا ... خايف يظلمها ويظلم روحوا معاه ... حاس روحوا يخون في مرتي ... بالرغم انها ماتت اما مزالوا على العهد .... وقلال برشا الرجال لي يحبوا من صمصوم قلبهم في وقتنا الحالي ....
_حاتم كان يتلقى في العز من الناس وعيونوا ماتحطتش من صفية وميرنا ورجالوا زادة قايمين بالوضع ... صفية كانت شالقة عليه وتفكر كيفاش تلقى طريقة تفك روحها ... مش ممكن تخليه يرجعها للمكان لي كانت فيه ... قربت من ميرنا تهمسلها في وذنها ...
صفية : بش نمشي للحمام ونحاول نلقى طريقة نمشيو من هوني ... اقعد في بلاصتك حتى نرجع ...
ميرنا : مزالك لتوا لا حديت ... من تحت جراريك انا توا محجوزة ... الله ياخذك ونفتك منك كان انتي ام ... ماعرفتش كيفاش خممت اني نسامحك. ..
صفية : ماتخلينيش نجن ماناش في وقت بش تلومني ... توا لازم نتحدوا
ميرنا : نفضل يحجزني طول عمري ولا نمشي معاك .... ڨحرتلها صفية
صفية : الله لا يردك .... ومشات لحق وراها واحد من رجال حاتم وقفها
الراجل : مدام الميسيو حاتم امر ... ماخلاتوش يكمل وحكات
صفية : بش نمشي للحمام ياخي ولا تحبني نعملها هوني. ... نزل الراجل راسوا للارض ورافقها للحمام وقف عند الباب يعس عليها ...بالوقت وقف قدام راسوا حاتم ..
حاتم : شنوا صاير
الراجل : معلم هي داخل الحمام ...
حاتم : خلي عيونك عليها ... نعرفها ساقطة .... عملوا براسوا باهي خلاه ورجع لميرنا كبس على ردها يحكي قريب عند وذنها
حاتم : كان فكرت امك تعمل حاجة من ورا ظهري بش نخليك تدفع الثمن بدالها ... ڨحرتلوا ميرنا ونفضت يدها منوا ...
ميرنا : طول عمركم تفكروا كان في مصلحتكم ...
حاتم : ماتنساش امك هي سبب الشي لي انتي فيه توا ... كان خممت قبل ماتعمل علاقة مع راجل متزوج لا ولي كسرتني اكثر انوا هذا الراجل عشيري لي عتبرتوا كيف خويا ...
ميرنا : شذنبي انا في هذا كلوا ... وكيف تعرف الحقيقة علاش عطيتني اسمك ....
حاتم : كل شي في وقتوا حلوا ياقطوسة ... ومشى خلاها تسب وتلعن في زهرها ...
💥 جام ورأيكم في الريبوند 💥