سق ركبك على درب السّنين العوج

١٥

...
شد على الدركسون يقرا بـ اللوحه ~ خريص ترحب بكم ~ اخذ نفس يبحث عن مزرعة المهناء بعيونه وفعلا بعد دقايق من البحث بين المزاوع تقدم امام بوابه كبيره وبجانبه اسم ~ مزرعه المهناء ~ تنهد يطق بوري لجل ينفتح الباب ولكن تقدم له عامل : انتا هتان سياف؟
هز راسه هتان لانه سبق وعلم بندر دخل بسيارته بعد ما انفتح الباب يدخل على مزرعه بندر الي كانت كبيره مابين قسم النساء والرجال ومابين المحاصيل الي كانت على اليمين واليسار وممر السيارات من وسطهم محاصيل التمر والخضراوات والفوكه والورد بـ اشكاله و الوانه بسبب شغل بندر الي له اكثر من محل بـ الديره محلات مختلفه عن بعضها
وقف سيارته بجناب سيارة بندر والي كانت ~ جيب لكزس 2020 وبجانبه سياره اخرى يجهل هتان هويته
نزل متوجهه لـ مجلس الرجال
تقدم يسلم على بندر والتفت يسلم على شخص اخرى يبين بانه بعمر هتان لابس ثوب ابيض والعمامه على راسه ومكانه كان امام النار يسوي القهوه ورافع اكمام ثوبه
ابتسم مشعل ل هتان : ي مرحبا بـ النسيب حياك الله اجلس اقهويك
ابتسم له هتان بخفه : الله يحيك
مشى يجلس بجانب بندر ومد يده ياخذ فنجال القهوه من مشعل : تسلم
مشعل بهدوء : الله يسلمك
نطق بندر: اعرفك على مشعل ولد اختي
هز راسه هتان بـ الايجاب: تشرفنا
جلس مشعل امام موقد النار يشوف شكل هتان بـ الثوب الابيض دون شماغ او طاقيه فقط ثوب وصدريه سوداء نطق: الشرف لي والله ماحصل لي فرصه اقابلك يوم الملكه لكن سلم الله مجلس خالي الي جمعنا وأن شاء الله الايام بيننا اكثر
ابتسم له هتان : باذن الله تنزل انت الدمام ؟
مشعل : لا والله ماهو واجد يعني مرات ان حصل لي شغل نزلت هناك لكن كان قصدك ترفيه وتمشيه لا والله ماحصل له
هز راسه هتان بـ الايجاب يشرب فنجال القهوه ويسمع سوالفهم من حوله
لف هتان على بندر: تدلني دورة المياه؟
هز راسه بندر : اطلع منا وامش على يسار المجلس تلاقيه قدامك بـ المغاسل
هز راسه هتان بـ الايجاب ومشى يخرج يمشي على وصف بندر الي كان مستثقل الجلسه معه
تقدم يشوف دوره المياه بـ تصميم مرتب مشى هتان يدخل دوره المياه وبعد ثواني خرج يوقف امام المغلسه لجل يتغسل ولكن قفل لايسمع صوت الماء يسمع صوت بكاء صوت شخص يبكي وكان جزء من جسده يحترق
بلع ريقه يمشي خلف الصوت والي كان مصدره من خلف دورة المياه تقدم يشوف المكان متواجد فيه قليل من الزرع ولكنه امامه جبال من بينهم جبل صغير تتوسطه نفسها ام شامه ذات الشعر الاسود الطويل تجلس على الجبل حافية الاقدام عيونها مغرقه من الامواج وبجانبها هاتفها مرميه على وجهه
تقدم هتان دون شعور يصعد لها بسبب قصر مسافه الجبل على الارض و لـ اول مره يختار بانه يعاملها وكانه هيام او شيماء ماكانها بنت بندر
تقدم يسحبها لحضنه تحت خوف مهره الي لمحت وجهه من لمن سحبها ما اهتمت لكونه ولد سياف اهتمت انه يكون سند معها بـ اللحظه الي انفجرت فيها تبكي من الم كتمانها تبكي فيها من محاولة اظهار كيدها طوال الفتره الي فاتت
همس هتان بهدوء: وجودي بحياتك يبكيك لهذي الدرجه؟
مهره كانت دون جواب فقط تظهر صوت بكاها صعب تحكي بانها وهي بين يديه تتعرض لـ طعنات من ايادي ثانيه تمسها يمين ويسار
اخذت نفس بعد دقايق طويله ترخي راسها على صدره تلمح غروب الشمس مع احساسها بـ كف هتان على ظهرها
بقت ساكته دون اي حرف او حتى دون انينين بكاها لحظه تستشعر فيها مهره بان فعلا هي بين ايادي شخص يطبطب على ظهرها لجل يخفف من حزنها حتى لو ماكان يعرف وش السبب
رفعت راسها تناظر فيه لثواني حاول ينطق لجل يكرر سواله ولكن وقفه منظر عنقها الي كان ملئ بـ الاحمرار احمرار يبين كمية كتمانها مد يده يمسح على عنقه تحت تسارع نبضاته الي فعلا حس بانه هو السبب حس بان زواجهم سبب كل الاحمرار
سكت لثواني يشوفها تنطق : نمشي اليوم؟
هز راسه بـ الايجاب ياجل موعد التساؤلات يشوفها تصد عنه تاركه يده تسقط من عنقها اخذت جوالها ومشت لنفس المغاسل تخفي اثر ما حصل لها ومشت تعود لـ غرفتها
تاخذ نفس عميق تشد على جوالها وتتذكر لحظات انهيارها بداخل حضنه ولحظات الي ارتاحت فيهم مهره حتى وأن كانت رسايل التهديد لازالت توصل لها حتى وأن كانت نار ضلوعها لازالت تحترق لكن على الاقل فيه شخص رضى بانه يلمس هذي النار دون ادراكه
...
اخذت نفس من اقصاها ترجع لـ نفس المكان غرفتها تتذكر اللحظات الي جلست فيهم بجانب فارس لحظات الامان الي حست فيها بجانبه رغم خوفها بانها خالفت كلمه اهلها الي ماسمعتها اساس ودخلت بين عائلتهم تظن بانها بتهرب من كلام الناس وسوالفهم تجهل بان طريقتها خاطئا وبأن عائلتها هم الصواب بـ فعل حفل يعلن امام الناس
لفت من سمعت صوت سمر: وش الي سويتيه؟
تنهدت سلاف : اسكتي ماني ناقصتك
تنهدت سمر تمسح على كتف سلاف : ترا اهلي صح عليهم فكري لو احد شافكم فجاء فارس ملامحه تغيرت بيظن فيكم ظن خطا على عكس لو كانوا اهلي كان على الاقل بيكون علني حتى لو امام ناس قليلين اهم شي يعرفون
بلعت ريقها تشوف سلاف : وغير كذا انا سمعت امي تقول انكم لكم سنه مبتعدين عن بعض يمكن انكم لاتحلون لبعض
توسعت عيون سلاف تسمع سمر تكمل : بيرجعون لشيخ لجل الموضوع
سلاف هز راسه بـ النفي تحاول تنفي الحقيقه : لا حنا مافكينا العقد مستحيل
مدت يدها سمر تمسك كفوف سلاف الي بدت ترجف خوفا من انها تكون فعلا عير محله لفارس : سلاف هذا شرع الله انوه اذ هجر الزوج زوجته او حصل بينهم هجر لمده تصبح الزوجه غير محله ل الزوج
صدت سلاف دون اي رد بخوف رغم انه كانت ليله تذكار ل الماضي فقط ماحصل بينهم شي لكن لو فعلا كانت ماتحل له كيف بتكون نظره فارس واهله لهم بذيك الساعه؟ وقبل كل شي نظرات اهلها و والدها طلال
تنهدت سمر: اهدي اتوقع هاشي له شروط بنتاكد وأن شاءالله انك لازلتي على ذمته
هز راسها سلاف بـ الايجاب ولفت من وصلت لها رساله وكانت من هيام ترسل لها الدعوه والي كانت بعد اربع ايام
تنهدت سلاف ترد عليها : فالك التوفيق
هيام : لازم تجين لاتزعليني منك
سلاف : باذن الله
ابتسمت هيام تقفل الجوال ولفت تشوف الباب انفتح من دخلت مهره وخلفها هتان ماسكه الشنطه بدلا عنها
تقدمت مهره تنطق بهدوء: السلام عليكم
ابتسمت هيام توقف تسلم عليها: وعليكم السلام
تقدمت مهره تسلم على اهل هتان ومشت تجلس بجانب هتان الي نطق وهو يفتح الجوال : ها تميم البجيح مرسل لنا دعوه عازمنا على نادينا
ضحكت هيام : اي البطولات بدت الاسبوع ذا اشوف البنات يزنون علي يبوني اروح معهم
هز راسه هتان بـ الايجاب: اي هذا تميم عازمنا يقول انت وعمي وعمتي ضروري تكونون موجودين
ليلى: من غير عزيمه جدتك شيماء حافله الكل يكون موجود بس تميم مشارك بـ وش؟
هتان : مع الفروسيه يوم الجمعه الجاي
عقدت حواجبها هيام: يوههه مارح اقدر احضر بجهز لحفله البراند
سياف : ماعليه نتعذر لك من جدتك
تنهدت هيام: كان ودي احضر الفروسيه بذات بس ماعليه غيره بخيره
تنهدت مهره توقف : استاذنكم بروح ارتاح
هزت راسها ليلى بـ الايجاب: عذرك معك ي امي
مشت بتعب تصعد لـ الاعلى ودون تفكير اول مادخلت الغرفه اخذت الروب تحرر جسدها من الملابس ودخلت تحت الماء تمسح كتفها بـ الماء وتتذكر اللحظه الي شد يده هتان عليه ويدها الي تمررت على عنقها تغلسه يجي لها ذكرى هتان الي تمعن النظر فيه بـ احمراره وكتمانها
اخذت نفس تمسح شعرها وتقدمت تطفي الماء تحاول تفتح عيونها تحس وكانها مشوشه ماتعرف من ايش تماما ولكن الي تعرفه بانه ماتحس بـ الدنيا حولها
اخذت الروب تلفه بشكل سريع ومشت تخرج ظن منها بان هتان لايزال بـ الاسفل
تصنمت امام باب دوره المياه تشوفه واقف امامها يبلع ريقه من شعرها المبلول
نزل نظره على عنقها الي كان باين بشكل واضح باين بـ شماتها الي اتضح لهتان بان مو بس خدها حتى عنقها ملئ بـ الشامات مابين الواضحه والغير واضحه
بلع ريقه يحاول يستوعب مايراه امامه
صدت مهره تربط الروب بشكل مرتب ولفت تمشي لـ غرفت الملابس تحت انظار هتان الي لازال شريط منظر شاماتها مع بياضها يمر بباله
اخذ نفس يتقدم يجلس لجل يشتت باله عن الموضوع وهو عارف تماما بانه مستحيل ينساه
...
ابتسم يشوف تميم يدخل بـ الفرس الي اهداه راشد تقدم هتان يهمس لراشد : جدي تميم على الفرس الي اهديته
ابتسم راشد يلبس نظاراته وابتسمت شيماء من ابتسامته تقدمت:هذي فرس الفرس شيم؟
هز راسه راشد بـ الايجاب ابتسمت شيماء ورجعت تشوف اسم تميم يتوسط الشاشه وبدا التصفيق واصوات الحكم يرتفع
تقدم تميم ياخذ نفس من اقصاه ورفع يده يعدل خوذته وبدا استعراض بـ الفرس وقفز الحواجز بـ وقت محدد
ابتسم من انهى الحواجز قبل انتهى الوقت
رفع راسه يشوف والده والدته مع الجمهور اخذ نفس براحه يدخل مع الفرس ومشى يصعد لـ عائلته الي كانت بجانب عائلة هتان بنتاظر المتسابقين الاخرين ينتهون ويبدا الاعلان عن الفائز
تقدم يسلم على الجد راشد ببتسامه: يهلا بـ كبيرنا منور
ابتسم له الجد راشد : يهلا فيك عساه فالك التوفيق على الاداء الكويس
تميم : امين ي رب
تقدم يسلم على سياف وبقى مابينهم وبين عائلته لوقت ونزل يوقف ينتظر الاعلان بدوا بـ المركز الثالث والثاني
رفع كفوفه هتان : المركز الاول تميم بن اصيل ال مـ
ماكمل كلامه الا ونطق الحكم بـ اسم :تميم اصيل ال مبارك الفائز بـ المركز الاولى
واسمه الي انعرض على الشاشات مقابل تميم الي تقدم يستلم الميداليه والكاس
ابتسمت عائله الراشد وبدوا تصفيق وسلام على عائله المبارك ابتسمت مهره على اجوائهم الي اول مره تحضرها تشوف كيف فرحتهم كلهم بـ تميم وكانه واحد منهم خصوصنا فرحة هتان الي وكان تميم اخ له ماهو صديق
...
ابتسم يدخل الشراكه بجانب هيثم ورياض وبسام ونايف وقف بسام بجانب بتال ونظرهم على الموظفين الي كانوا يباركون لهم ونصهم الي كانوا يقدمون اوراق لجل يعرفونهم على العمل وغيره من الامور
تنهد رياض: هذا قسم الموارد البشرية
ولف على بسام وبتال اشر على الشخص الي كان بدون دقن فقط شنب ونحيف وطويل القامه: هنا بتال بن اخوي هيثم مدير الموارد البشرية
ابتسم بتال ابتسامه خفيفه ولف على عمه ياشر على الشخص الاخر والي كان بنفس مواصفات بتال ولكن الفرق الدقن : وهنا بسام بن رياض نائب المدير
ابتسم بسام بخفه من تصفيق الموظفين ونطق هيثم ياشر على المكتب الكبير يتوسط المكان بـ بابه البني : ادخلو المكان وشوي ويجي لكم خالد يوضح لكم الشغل
مشى بتال وكان يعدل شاشه الطبي الي لازال مقيد فيه وخلفه بسام دخلوا المكتب وسرعان ماطاحت انظارهم على الشباك الكبير المطل على اراضي الدمام وامام الشباك طاوله كبير بـ استاند ~ المدير بتال ال سامر ~ وامام الطاوله كرسين وجسلة كنب طويله والواضح بانها لـ الاجتماعات
وبجانب مكتبه مكتب على جنب ~ نائب المدير بسام ال سامر ~ عقد حواجبه بسام : مو المفروض كل واحد له مكتب؟
هز راسه بتال يمشي يجلس على الكرسي: صح المفروض بس مابيننا حواجز ولا لا ي ولد العم؟
مشى بسام يوقف امام الطاوله يستند يده عليها و نظره على بتال: صحيح بس بسالك
ناظر فيه بتال بهدوء يسمع سواله : ليه عينتني معك؟
لف بتال يرفع الستاند الي يحمل اسمه: يمكن علشان ماعاد تحط عينك على الاسم وتكرر ماسويته
بلع ريقه بسام يعدل وقفه من وقف بتال بعد ثواني من صمتهم ونظارتهم لبعض نظرات الخذلان بعيون بتال الي صعب تنوصف وقف امام بسام مايفصل بينهم سوا مسافه قليله ينطق بتال بعد الصمت:يمكن علشاني مانسيت اللقمه الي تشاركنها مع بعض او اللحاف الي نمنا فيه سوا ولا نسيت جدتي الي ربتنا وكننا اخوان ودموعها لو كانت حيه وتعرف ان الي كاسر كتفي هو نفسه الي كنت اقول انه ذراعي اليمين
شد بسام على قبضة يده ينطق بحده على عكس هدوء بتال: ولا يمكن انك ماجربت ابوك يقارنك بـ غيرك! يمكن انك ماجربت ابوك يشوف كل شي تسويه خطاء حتى صوابك خطا بنظره بين اهلي تمشي كانك ملك دون اخطاء
رفع كتوفه بتال ينطق بنفس حدته وكان لهيب النار اشتعلت بينهم:لانك مو عارف البيوت اسرار ماتدري اني اجلس ليالي ما اكلم احد من اهلي بسبب غضبهم علي وعدم رضاهم على الشي الي اسويه يمكن تشوفني بعيون ابوك ملاك لكن مستعد احلف لك انه مايقول كذا الا علشان تثبت له العكس
سكت بسام يناظر بعيون بتال الي انفجر بـ لحظه وحده واخفت صوته يهمس : بس انا هقيت ان انا وانت اكبررر بكثير من ان يكون بيننا غيره وكلام فاضي
سكتوا اثنينهم دون اي رد كلن منهم يفكر بـ الي قاله الاخر وبسام الي عرف بان اخوة بتال انتهت من اللحظه الي عرف فيها بتال عن الحادث
صد بتال عن بسام اصبح بتال فعلا مثله مثل الشاعر الي قال ~ ‏لاصديق لارفيق ولا طريق أتبعه ~ بسام الي شعشع النور بداخل صدر بتال هو نفسه الي اطفى النور بداخله خروج بتال كل ليله بـ الدرجات ماكان حب فعلي بـ الدرجات كان لجل بسام بتال الي ما اعترف بـ الصداقه الا بـ اسم بسام ولايعرف صديق بـ هادنيا سوى بسام بدت علاقتهم تصبح دون سلام او كلام فقط ذكرى تلازمهم
خرج بسام خارج المكتب متوجهه لمـ...

ان اصبت فهو من فضل الله وان اخطأت فهو من الشيطان ✨🤎 انستا الكاتبه 27ixi1i