"မြူနှင်းလွင်ကို ဘယ်လိုသိတာလဲ"
" ဘယ်လိုသိတာလဲထက် မင်းကိုမေးမှာ ဩဂတ်စ်မိုး ဘာလို့မမှတ်မိတာလဲ"
" မမှတ်မိတာလဲပြောရအောင် မင်းကမြူနှင်းလွင်လား"
" အေးလေ"
" လျှောက်မပြောစမ်းနဲ့ Josephine လွင်က နူးနူးညံ့ညံ့နေတတ်တဲ့လူ မင်းလို ရမ်းကားနေတာမဟုတ်ဘူး"
" သေချာတာတစ်ခုပြောမယ် မင်းငါ့ကို အရုပ်လေးပေးခဲ့တယ် ပြီးတော့ ငါ့အတွက်ထမင်းဘူးအမြဲယူပေးခဲ့တဲ့လူ ပြီးတော့ ငါ့ခန္ဓာကိုယ်ကိုထိဖူးတာ မင်းပဲရှိတာလေ"
နောက်ဆုံးစကားကိုကြားတော့ ဩဂတ်စ် မျက်နှာရဲသွားသည်။
" ဒါဆို တကယ်လွင်ပေါ့ မင်းက"
" ဟုတ်တယ်"
" ဘာလို့နာမည်ပြောင်းလိုက်တာလဲ"
" နာမည်ပြောင်းတာတော့မဟုတ်ပါဘူး ဒီတိုင်း ငါ့ရဲ့ တခြားနာမည်တစ်ခုကိုခေါ်ရင်း အဲဒါကိုအစွဲဖြစ်သွားတာ"
" မှတ်ပုံတင်ပြ"
ဩဂတ်စ်က လက်ဖြန့်ကာ တောင်းနေလေသည်။
" အဲ....အခုမပါဘူးလေ နေဦး စာကြည့်တိုက်ကတ်ပါတယ် ကြည့်ကြည့်"
Josephineက စာကြည့်တိုက်ကတ်ကိုထုတ်ကာ ဩဂတ်စ်ကိုပေးလိုက်သည်။
" အမည်- မြူနှင်းလွင် ၊ အဖ-ဦးငွေလွင် တကယ်ကြီး မြူနှင်းလွင်ပဲ"
" ဟုတ်တယ်လေ တကယ်ကြီး မင်းရည်းစား မြူနှင်းလွင်"
" ငါ့ရည်းစားမဟုတ်ပါဘူး"
" မဟုတ်ရင် ငါသော့ချိတ်လေးယူကြည့်တော့ ဘာလို့ပြောလဲ အဲဒီလိုကြီး"
" ဒါက ဒီတိုင်းပြောတာ ကာကွယ်တဲ့အနေနဲ့"
" မင်းအတွက် အဲ့နာမည်လေးက အကာအကွယ်ပေါ့နော်"
" ဘာတွေလာပြောနေတာလဲ"
" ဒီတိုင်းမေးတာလေ"
" ဒါနဲ့ လွင် Josephineလို့မခေါ်တော့ဘူး လွင်လို့ပြန်ခေါ်မယ်နော်"
" သဘော သဘော မိုး စိတ်ကြိုက်ခေါ်"
" အွန်း ဘာလို့ ဒီလိုမျိုးရမ်းကားနေတဲ့ ပုံဖြစ်နေရတာလဲ ငယ်ငယ်ကနဲ့တစ်စက်မှမတူဘူး"
