الحضرية2
أحزان همسه
البارت الخامس
سالم يصير عصبي نار يمشي بيت أهله بسرعة أبو يسأله ويگله
شمالك يا سالم ليش صاير نار
سالم اليوم أشرب من دمه لعمار
الشيخ خير شبي هاذ شعامل من مصيبة ثانية
سالم هاك شوف الموبايل
الشيخ يشوف صور لسالم ويه بنيه سالم مبين عليه مثل السكران والبنية ساندته وكاتبه عليها نائبكم القادم شارب هواي
طبعا الصورة مال البنية مو نفس فوفه غير بنية
وصورة ناشرتها إله هو ويا نفس البنية بس هم مو فوفه جسمهم عاري بس نص جسمهم طالع وهو نايم وكاتبه على الصورة نائبكم القادم من هسه تعب ونام
وعلى كل منشور كاتبين سيرته الذاتية
اسمه وشغلة مواليده وشنو بشتغل و مرشح على القائمة كذا تسلسل كذا
الشيخ هاي مني يا سالم
سالم بيش أحلفلك ما اعرفها ولا عندي صلة بيها
الشيخ ما تعرفها ونايم وياها بغرفة وحدة شني إنت تغشم روحك
سالم بويه شمالك مخدريني وأنه ما ادري
الشيخ مخدرينك شني ما تحچي عدل بنت تگدر تخدرك
سالم بويه راح أسولفلك كلشي
سرمد يله كافي بچي ونوح تروحين لو لا
همسه شلون متريد أبچي وانقهر وفضايح رجلي على التواصل ماكو صفحة مناشرتها هاي تالي العشرة يخوني ويعرف بنات غيري
سرمد همسه إنتي صدگ تحچين لو تشاقين
همسه شبيك سرمد وين الشقه بالموضوع
سرمد لتضلين تعيشين دور المظلومة و عوفي الدراما الإنتي بيها
همسه شتقصد سرمد أني ظالمة أني اشكرك كل الشفته من ضيم خلال أكثر من سنتين وأني بالغربة و گدامگ شگد تعذبت بفراگ سالم هسه تگول أني ظالمة
سرمد أني مگلت إنتي ظالمة گلت طلعي من الدراما التعيشين بي إنتي مظلومة
همسه يعني أني أمثل عليكم
سرمد لا مو تمثلين بس تتوقعين سالم مرشح للإنتخابات هيچي يصور ويه البنات
همسه أكيد لا بس بدون ميدري و عايش حياة حمرة وياهن
سرمد يعيش ميعيش هاي حياته وهو حر بيها
همسه لا مو حياته أني زوجته وهاي خيانة بحقي وين صرت أني من حياته غير يحترم وجودي
سرمد أگدر اسألچ سؤال صارله شگد سالم مماخذ حقوقه الشرعية
همسه إستحي شوية هذا سؤال تسأله لأختك
سرمد ترى مجرد سؤال وماكو واحد من عدنا ميعرف الإجابة كلنا ندري إنتي عبرتي السنتين ونص بعيدة عن رجلچ و قبل متتسافرين بكم شهر هم متحچين ويه رجلچ يعني قرابة 3 سنوات إنتي عايفه رجلچ ومتنطي حقوقه الشرعية
همسه وإنت شلك بهاي المواضيع السخيفة مثلك
سرمد لا اريد اربط الأحداث من هاجرة زوجچ كل هاي الفترة ومتعرفين شي عنه ولا إنتي گاعدة و مسويه حل ويا لا انتو راجعين ولا إنتو منفصلين وكل واحد شايف حياته
ومن تشوفي عنده علاقات ويه بنات غيرچ جدا إعتيادي رجال ومن حقه وهذا الشي غريزة مو بيد واحد يريد يكتم مشاعرة لشوكت إسبوع شهر مو 3 سنين محسبتي حساب يجي يوم ويطلع الكبت ويشوف وحدة غيرچ
ولتلومين سالم وتعيشين دور الضحية ماكو ضحية بيكم إثنينكم ضلمتو نفسكم بنفسكم وواحد ظلم الثاني
همسه يعني لو أني عندي علاقة ويه رجال غيره چان هم گلتو عادي ورجلها هاجرها لو بس لان هو رجال مثلكم إدافعون عنه صدگ مجتمع ذكوري
سرمد يضربها راشدي قوي
بيومها أكسر راسچ وأذبحچ هاي عادات وقيم تربينا عليها والمرة الثانية إذا عدتيها أگص لسانچ لو اعرف انتي على حق چان من زمان إدخلت وخليت سالم يطلگچ
بس إنتو إثنينكم متفقين على الحق والباطل ومقاسمي بينكم
همسه شتقصد أحسك صرت ويه سالم
سرمد أني ويه الحق وين ما اشوف سالم مثل ما غلطان إنتي هم غلطانة ومثل ما عندچ حق هو عم عنده حق ولتلومين سالم من يباوع على غيرچ إنتي هاجرته والعتب واللوم عليچ معرفتي تحافظين على بيتچ
أم همسه سرمد على كيفك ويه أختك
سرمد شنو حضرتچ خايفة عليها لو صدگ إنتي خايفة عليها چان حچيتي ويه بنتچ چان رجعتيها لعقلها مو عمرها راح يدخل 30 سنة وبعدها متعرف شنو بيت ورجال واولاد لهسه إنتي طبخيلها
همسه لا سرمد كافي جروح أني ام بيت وتعرف انت زين منو چان يطبخلك من چنت يمك بالسفر
سرمد مو بالطبخ ولا بالتنظيف بالعقل بالفهم بحبچ للبيت كلام هواي وما اعتقد تفتهمي أني طالع كم يوم وأرجع ما أريد اسمعچ كلام يجرحچ أكثر بس أني رجال وميمفهم بس الرجال لهذا السبب فهمت سالم ولتضلين عايشة ويا بسلبية أهلچ إلي ميعرفون يگلولچ رجعي لبيتچ شوفي حياتچ إلگي حل لمشاكلچ المفروض منچ هسه توگفين ويه رجلچ وتفتحين صفحة جديدة
همسه مع الأسف عليك توسلت بيك حتى ترجع ويايه وتصير سندي إنوب اشوفك ضدي صاير ضجت مني سرمد صرت ثگيلة وتضربني علمود سالم
سرمد حرامات على الكلام إلي أتكلمه وياچ ميفيد ولله والدليل اگول شي وتفتهمين شي ثاني على مزاجچ بس حتى ما أگلچ إنتي غلط شكرا وأني طالع
همسه لا متطلع من البيت إذا ضجت مني أني أطلع
سرمد يباوع عليها بعصبية
مو أگلچ ماكو فايدة ولچ أني مضايج منچ ولا إنتي حمل أني أريدچ تنتبهين لمصلحتچ وتردين عليه تگليلي أني اطلع وضجت مني ليش سمعتچ حچاية من چنتي يمي ضوجتچ بالسفر بيوم بس مع الاسف على جيتي لهنا لخاطرچ ولسببچ اسمع منچ هذا الكلام
سرمد يريد يطلع وهمسه تصير گبال الباب و تفتح إيدها على الباب وتگله وهي تبچي
متطلع سرمد محتاجتك متطلع أني اريد حل عفيه بداعة الخوة لتعوفنه بعد
تحضنه وتبچي بحضنه وتگله
تعبانة ولله تعبانة والشفته مو قليل إنت تعرف بيه أني ما أضوج بسرعة بس الشفته من سالم مو هين اوگف ويايه
سرمد يمسح دموعها ويلزمها من راسها ويخلي وجهة بوجها ويگللها
يا روح أخوچ لتبچين وإعذريني ضربتچ بس أني السويته لمصلحتچ أريد اشوفچ سعيدة فتحيلي گلبچ وإحچيلي كلشي و أني اواعدچ كل مشاكلچ ويه سالم أحلها أني شنو أريد غير أشوفچ فرحانة وسعيدة بيت رجلچ
همسه أواعدك كلشي أحچيلك وما أضم عليك شي يا روح خيتك
محمد يحاول يكابر ويمسح دموعه
ويكفشها من شعرها ويگللها
كافي الدراما العايشتها وعيشتيني بيها يله گومي خل نطلع أني وياچ وكيان يله إمشي
مروة وأني ما ألي حق بأخوية واطلع ويا
سرمد يا روحي إنتي كلكم تبدلون يله خل نطلع نغير جو كلنا كافي جو الظيم والمشاكل العايشين بي
أبو همسه وين تريد تولي بينه من الصبح لا مطعم لا مول ولا حتى حديقة هسه الصبح
سرمد عسى ما نگضيها فترة بالسيارة المهم تغيرون جو يله كلكم تبدبون
أبو همسه يجي ويطبطب على چتفه
هسه إرتاحيت وليدي ريحتني الله يريح گلبگ چنت شايل هم لبناتي شلون أعوفهن باچر عگبة إنت ريحتني وليدي
سرمد شنو بابا هم راح تعيشنا دراما مو كافي شنووو هالجو هذا
أبو همسه يضرب سرمد بالشقه
ولك متجوز من سوالفك أني ابوك
سرمد يحضن أبو ويگله
حبيبي وعمري إنت عمرك طويل ومتشوف شر وأني طول عمري أواعدك ما أعوف خواتي بس أريدكم إنت وأمي تبطلون سلبية ولا بكلشي تنطون الحق لبتكم كل هذا بسببكم
أبو همسه ما أريدها تنفر مني أريدها تحس أني وياها غلط وصح ما عدها غيري
سرمد والنتبجة بابا هاي بنتك متعرف تاخذ قرار هذا غلط بابا وحشاكم من الغلط بس هاي حقيقة
سالم عصبي ويتهادد على عمار باب بيته
ولك عمار تعال واجهني إذا إنت زلمة عيب عليك تضل إدز بالنسوان إذا انت هيچي جبان شعندك بالطلايب
عمار يصيح و يلم العالم عليه
يا ناس يا عالم گدامكم أنه ما أريدن مشاكل هذا سويلم ما ناوي يعوفني صاحبته شهرته وجاي يتعارك وياي روح على صويحبتك الصورة ماليه الدنيا مصاليخ إنت وياها جاي عليه
يجي ويحچي ويا عن قرب
مع الأسف عليك سالم ما تعرف تلزم نسوانك إنوب جاي تتعارك وياي مرة الحضرية والمرة الثانية هاي مادري منين جايبها
سالم يطلع مسدسه ويخلي بوجه عمار
تعرف كلش زين البنت ما اعرفها أنه و إنت الدزيتها
عمار شهدو يا اهل الديرة يگول ما اعرفها ونايم وياها ولك ما إستحيت إنت تريد تصير نايب بالبرلمان وتمثل هاي الناس كلها تصاحب وحدة من بنات الليل شوف أگلك سويلم إنت مادوم وياك مره أنه عرفت هسه ليش فاتن ماتت بسببك وليش الحضرية هجرتك ثاريك إنت جوك نسوان وما تعرف تحوي مرة والي مايعرف يحوي مرة شلون يحوي هاي الناس ويمثلهم يا سويلم
سالم أحسن شي أخلص من شرك وافرغ هذا براسك
عمار إي إكتلني أعرف إنت تغار مني من زمان يا إبن عمي إكتلني وخلصني من مشاكلك يوميه تسقط بيه گدام العالم فد أنه اسامحك إنت ابن عمي وأنه مجبور اسامحك حتى لو تكتلني
العالم الملتمة كلهم يصيرون ضد سالم ويه عمار واحد منهم يگله
كافي سويلم عيب مع الأسف إنت إبن الشيخ ثبتلنا كل هاي المشاكل منك ولا تخلي مشاكلك تأثر على الديرة و إسحب ترشيحك إحنا عمار يمثلنا
والثاني يگول
گطرة ماي على عمار نردها بحر دم يا سالم كافي مشاكل و روح لصويحبتك
سالم بكل عصبية
ولكم هاذ چذاب ويلعب بيكم
واحد يرد عليه
ماكو غيرك چذاب غير إنت يا سالم حتى لو چذاب إحنا نريده مالك علاقة إنت
سالم مصدوم وصاير نار ويگللهم
أنه منسحب بس سمعوني كلكم يا ولد ديرتي راح يغدر بيكم وبعدها لا تجوني إنتم تردون واحد يضحك عليكم وينصب وإنت عمار حسابي وياك ثاني و وعد مني ما اعوفنك
عمار يضحك بإستهزاء ههههههههههههههههاي
سمعتها هواي منك يا سالم فد أشوفنك إنت لوحدك إطيح
سالم لا يا عمار أنه هالمرة اشتغل بالغدر مثلك حتى أطيحنك
عمار الأيام بينه يا سويلم يا إين ..... عمي
يتبع بارت السادس
YOU ARE READING
الحضرية2 أحزان همسه
General Fictionحتى لا يكون ملل وأطول عليكم القصة قسمتها إلى جزئين الجزء الأول تم سرده أما الجزء الجزء الثاني عودة قوية للمتسلطين و إشتداد المعارك من أجل المناصب وفاة الشيخ بحادثة غامضة و سالم وهمسه قصتهم بين الرفض والقبول لحين ما تنحسم لكن بعد الحسم هناك احزان و...
