مساء الورد
أتمنى تعجبكم أحداث اليوم
لتقصرون بالتفاعل
تحياتي
الكاتب مرتضى الهاشمي
الحضرية2
أحزان همسه
محمد بعصبية قوية يجر سهى من شعرها ويگللها
ولچ تضربيني اليوم انعل والديچ
همسه تتهستر وتگوم تعيط وتركض محمد وتگله
ولك عوفها لسهى ما أخليك تأذيها عوف سهى
سهى و محمد يتفاجؤن من ردة فعل همسه
سهى تلزم الطفل من ايد همسه بعد ما همسه إنهارت وجسمها كله يرجف ويرجع يغمى عليها وچنها ميته
سهى تضرب خد همسه
ولچ همسه حبيبتي هموستي شبيچ عيني همسه جاوبي
وتگوم تعيط على محمد
عجبك هيچي البنية راح تتخبل من وراكم ولكم حرام عليكم منريدكم بعد طلعو من حياتنا خلونا نعيش بهدوء
بالصدفة يجي سرمد للبيت بعد ما چان يدور على همسه وتفاجئ همسه واگعة بداخل البيت بالباب و كيان بيد سهى وتتعارك ويه محمد ومصدومين
سرمد يجي يركض على محمد ويگله شجاب كيان هنا وشبيها همسه
محمد يسكت وميجاوب
سرمد يلزم محمد من ياخته حيل ويگله
ولك جاوبني همسه شبيها وكيان شجابه همسه وين چانت
محمد اني جبت همسه وكيان من سالم
سرمد يا نذل يعني إنت الخطفتها و كل هاي الفترة تعرف مكان سالم وين
محمد اصبر خل افهمك
محمد ما عندي وكت للتفاهم
يضربه كله على حلگه
محمد يلزم حلگه ويرجع لورى بسبب ردة فعل الضربة
سرمد يرجع يلزم محمد من ياخته ويضربه بوكسيات ويگله
گلي مكان سالم اليوم أشرب من دمه
سهى تگوم تعيط هي وساره بعد ما گامو محمد وسرمد يضاربون
ولكم كااااافي يا ناس يا عالم لحگونه واحد راح يكتل الثاني و همسه راح تموت واحد يدخل لضلون تتفرجون
السايق مال سيارة محمد يطلع مسدس ويرمي سرمد طلقة بطنه
سرمد بعد ما إنصاب بطلقة يباوع على همسه وسهى وساره وهنه يعيطن بس همسه مغمى عليها
سرمد يوگف ويرجع يوگع على الگاع
محمد يضرب السايق حيل ويگله
ولك منو گالك تضربة طلقة شكو تصرف من وحدك غبي
سهى شلون هسه تعوف الولد يموت من النزف أخذو للمستشفى
محمد و السائق ياخذون سرمد ويروحون للمستشفى
تجي سهى على همسه تشيلها وتخليها داخل البيت بمساعدة ساره
عائلة الشيخ ياخذون الشيخ من المستشفى ويشيعو بالديرة بحضور كلش ضخم من الناس
بوسط النعي والبچي والعراضات والرمي
يوصلون للبيت والنسوان ينعن ويلطمن بحرگة بسبب الشيخ واليوم اخر يوم الشيخ بالبيت
تجي السيارات وياخذون الشيخ للمگبرة لمثواه الأخير
محمد يتصل على سالم ويگله
هسه اني وصلت للمستشفى لازم تجي إنت
سالم بس گلي يا مستشفى وأنه جاي بالطريق
مروة تتصل على ساره
ساره عفيه سهى جاوبيها ما عندي عقل وتركيز حتى افهمها
سهى شگللها هسه ياربي شجاوبها
ساره جاوبيها وگليلها اي شي ترى لحت بالإتصال
سهى تفتح خط
مروة الووو ساره ليش متجاوبين ووين سرمد
سهى أني مو ساره أني سهى
مروة بضوجة تحچي وياها
وين سرمد إنطينيا
سهى مو يمي سرمد
مروة لعد إنطيني اي واحد يمچ همسه شخبارها لكيتوها لو لا
سهى اي همسه لكيناها يمي نايمه
مروة الحمدلله يارب وين چانت
سهى ما أعرف جابها محمد واجه
مروة شنووو جابها محمد مو اني عرفت كل المصايب من جوى راسكم
سهى كافي مروة ترى البيه مكفيني لتضلين تسميعن كلام مثل السم
مروة هي تحچي ويه سهى وتمشي وصلت لباب المستشفى
وتحچي ويا سهى
ممجبورة تحچين ويايه إنطيني سرمد لو ساره
سهى مو كتلچ سرمد مو يمي
مروة اذا مو يمكم بالبيت وين راح سرمد بي شي
سهى هاااا ليضل بالچ
مروة تنخبص ولچ شبيچ متجاوبين ضل بالي شبي سرمد
سهى سمعي مروة سرمد اااا
مروة حاطه التلفون على إذنها و تشوف نزلو واحد من السيارة وكله دم ومغمى عليه وحطو على السدية
مروة تتهستر ويوگع التلفون منها وتصيح وتلطم على راسها
سرررررررررمد شبيك سرمد شبيك خووووويه
تنهار مروة وتوگع وهي فاقدة الوعي
يجون الناس يلتمون عليها ويشيلوها
محمد يضل حاير بيها وبسرمد ويروح للطوارئ يودي سرمد و الناس تاخذ مروة هم للطوارئ
عائلة الشيخ يدفنون الشيخ وسط النعي والبچي
بنين ولك بويه لا تعوفني يتيمة ياهو إلي من بعدك بويه كسرت ظهري يابويه وأنه صغيرة بوووويه مو تگلي أنه حبيبتك مو تگلي إنتي صغيرونة مالتك شلون تعوفني مكسورة ولك بوووووويه باسم أبوي إجاك گله ياخذني يمه لا يعوفني ولكم لا تخلونه باللحد الدنيا باردة وأبوي يستبرد حطوني أنه بمكانه جوه التراب
يجون أخوتها ويجروها گوة و همه يبچون وينعون وياها
يدفنون الشيخ ويرجعون يصعدون بالسيارات وسط البچي والنعي وأخر وداع لأبوهم
سالم يدخل للمستشفى ويسأل على محمد وسرمد يدلو على الطوارئ ويشوف محمد ويسأله
بشر شلون صار سرمد
محمد دخلو لغرفة العمليات بس مروة تخربطت
سالم مروة اخت همسه شجابها هنا
محمد غير أمها هنا
سالم ملگيت غير مستشفى
محمد ترى ما ضل عقل براسي سالم
سالم أروح أشوفها شلون صارت
محمد لا ما عندي وكت تعرف النتائج الأولية شوية وتطلع إنت ابقى هنا وأني بعيدين اجيك
سالم هسه وكتها محمد
محمد لعد شوكت وكتها لو هم تريد تضيعنا مرة ثانية
سالم وتعوفني لوحدي
محمد راجعلك ما اعوفك
سالم و مروة اذا صحت شلون
محمد إنت تصرف وياها من رخصتك
سالم تعال وين رايح و عايفني لوحدي بهل المصايب
محمد شلون يعني تريد أضيع شغل سنوات نخططله هاي المرة ما أخسر مشاريعنا ولا أخلي واحد يدوسنا لو نسيت شسوه بينا عمار ولتلزمني بعد خليني اروح
أبو همسه وين راحت مروة گالت بابا أروح اخابر واجي وصارلها فوگ النص ساعة حتى لو فاتورة چان خلصت خل أروح أشوفها
مروة تصحى وتتفاجئ سالم يمها تصيح وتگول
لزمو هذا هو و صاحبة كتلو أخوية
العالم تلتم عليهم
سالم شبيچ مروة مو أنه الكتلت اخوچ
أبو همسه وهو يدور على مروة يسمع صوت صياح بالطوارئ ياخذه الفضول ويروح على الطوارئ ويتفاجئ التصيح هي بنته مروة ويمها سالم واگف يريد يفهمها
مروة مو گتلكم لزمو هذا كتل أخوية لتخلو ينهزم
يجي أبو همسه يركض على سالم
ولك شجابك هنا وشبي سرمد ليش مروة تبچي
سالم عمي مو أنه الكتلت سرمد أنه هسه جيت
أبو همسه ينصدم ويضربه راشديات كل قوته ويگله
ولك كتلت إبني ما كفاك السويته بنتي همسه
سالم عمي خل افهمك إنتو فاهمين الموضوع غلط
أبو همسه يضربه بكل قوته وبهباشة
ولك تكتل إبني أريد أبني منك أريد إبني
يعرگ أبو همسه ويوگع بالگاع
مروة توخر المغذي ما إيدها وتجي تركض على أبوها
بابا حبيبي شبيك بابا إصحى بابا مو وكتك توگع ولك بابا أبوس إيدك گووووووم باباااااااا محتاجتك بابا لتعوفني لوحدي ترى بس اني بقيت لوحدي
يجون ياخذو ويحطو على السدية ومروة تنهار بالضرب على سالم
ولك دمرتنا الله ينتقم منك دم أخوية برگبتك ما اعوفك يجون الحرس مال مستشفى وياخذو لسالم
سالم ولكم مو أنه إنتم غلطانين مو أنه الطگيت اخوووووها
ساره تتصل على مروة و متجاوب لأن تلفونها وگع و ضاع من شافت أخوها
سهى بشري حصلتي مروة
ساره لا محصلتها
همسه تصحى
كيان وين أريد كيان
سهى حبيبتي هذا كيان يمي ليضل بالچ
همسه سرمد ما إجه
سهى لا حبيبتي شوية و يجي بس نامي وإرتاحي
ساره تبچي
همسه ليش ساره تبچي صار شي
سهى لا حبيبتي تبچي عليچ مقهورة عليچ
سهى تجي يم ساره وتگللها بصوت ناصي
عفيه لزمي روحچ لتبچين گدامها حتى بعد ما ضل واحد يمنا يركض بالمستشفيات
حامد تلفونه يدگ
هذا سالم شذكره بينه
فاطمة رد عليه
حامد يفتح خط
الووووو
سالم شلونك حامد
حامد شلوني كلنا مو زينين أبوي مات بحصرتك
سالم شنيييي أبوي مات يمته
حامد اليوم مات وتونه جينه من الدفنه ما تجي إنت شتنتظر
سالم إسمع حميد وفتح إذانك وياي أنه بالسجن وسرمد اخو همسه طگو بچيله و ذبونها براسي
حامد لحظة وحدة وحدة شوداك على همسه و ياهو الطگ سرمد
سالم ما عندي مجال افهمك تجي هسه لبغداد لسجن .....
حامد چا وفاتحة أبوي سويلم
حامد أخوتك بيها لا تعوفني لوحدي حميد
حامد خلص هسه أجيك
سالم اريدنك تخابر همسه وتروحلها ضروري و تسوي مثل ما أگلك التلفون راح يسحبون مني مرلي للسجن حميد لا تعوفني لوحدي
حامد خوش
يجي واحد من الإستعلامات على مروة ويگللها
اختي هذا تلفونچ وگع منچ إنتظرتچ تجين ما جيتي
مروة اسفة مصيبتين وگعن على راسي من غير عندي بعد مصيبتين وحدة بالبيت وحدة ؤبالإنغاش ما ضل عقل براسي
أبو الإستعلامات
الله يساعدچ اخوتج وين
مروة اخو واحد وبالعمليات مضروب طلقة
أبو الإستعلامات
الله يساعدچ أختي شتحتاجين أني بالخدمة
مروة شكرا متقصر
مرت الشيخ
يا عيبة العيبة تعوف فاتحة ابوك و تروح على أخوك المات ابوك بحصرته
حامد چا أعوفن أخوي لوحده خل أروحن وأفتهم منه
حازم عفيه بحميد روح على سويلم وأنه هنا لا يضل بالك
يتبع بارت 15
أنت تقرأ
الحضرية2 أحزان همسه
General Fictionحتى لا يكون ملل وأطول عليكم القصة قسمتها إلى جزئين الجزء الأول تم سرده أما الجزء الجزء الثاني عودة قوية للمتسلطين و إشتداد المعارك من أجل المناصب وفاة الشيخ بحادثة غامضة و سالم وهمسه قصتهم بين الرفض والقبول لحين ما تنحسم لكن بعد الحسم هناك احزان و...
