مساء الورد على أحلى ورود
لتقصرون بالتفاعل ولا التعليق
تحياتي
الكاتب مرتضى الهاشمي
الحضرية2
أحزان همسه
بارت 27
سالم يتصوب بإيده ويگول لمحمد
ليش طگيتني محمد ما تصورتها منك
محمد يركض على سالم ويحاول يشيله ويگله
السويته لمصلحتك يا غبي
سالم هو تعبان ومتأذي بسبب الطلقة بس يدفع محمد و ميخلي يلزمه
ولد الديرة يهجمون بالكلام على محمد والحجي والأستاذ ويريدون يكتلون عمار
واحد من الديرة
إحنا ما عدنا شي وياكم بس هاذ عمار حصتنه باعنا وباع ديرتنا اليوم ثارنا ما نعوفه
الحجي بعصبية
إذا عمار إنخدش أمحي هاي الديرة كلها وتشوفون القوة إلي عندي تمحي أي واحد گبالها
واحد من أهل الديرة
لا تتگربون لگاعنا ويعود الماي لكل گيعانه
الإسعاف تاخذ عمار وسالم بالسيارة تصعدهم
و سيارة إسعاف ثانية تشيل الي ماتو من الديرة وحمايه عمار ومرت عمار إلي ماتت بسبب الإشتباك
سرمد يحچي ويا الضابط
سيدي هذا چوقي وهذا إعترافه وصورته
چوقي سيدي خلوني أعترف بالگوة وحفظوني وگلولي هيچي گول
الضابط شغل عصابات تشتغلون حتى تريد إطلع أختك
سرمد يا شغل عصابات سيدي أني رحت أجيب حق أختي
الضابط وإحنا شنو شغلنا
سرمد إنتو ما لقيتو القبض عليه شتنتظرون لحد ما بنية بريئة تضيع عمرها بالسجن مو خياسات چوقي مو شوية
الضابط أني مجبور اليوم أوقفك
سرمد الظاهر متجون الا بواحد چبير وأني أعرف هسه إلمن اخابر
سرمد يتصل على محمد
محمد تفضل سرمد
سرمد محمد إنت وين أني بالمركز وميقبلون يطلعون همسه
محمد أني بس أحصل برائتها أطلعها
سرمد جبت اليثبت هي ممتورطة و چوقي عندي هو وإعترافاته
محمد يصير عصبي
إنت منو گالك تصرف لوحدك لا تصير مثل سالم تصرف بخبال أني هسه اجيك للمركز لتتحرك لا منا ولا منا
سرمد متعجب شبيك تنرفزت
محمد أني أجي أفهمك
بعد ساعتين وصل محمد المركز وعرف عن نفسه للضابط
بعد ما إستقبله گعده وجاب سرمد وچوقي و فرح وهمسه
(فرح و سرمد وچوقي ) هم وقفوهم
محمد من رخصتك سيادة الضابط أريد أگعد وياهم شوية على إنفراد
الضابط تدلل أخذ وقتك سيادة النائب أني أعوف الغرفة و من تخلصون كلامكم ارجع
بعد ما طلع الضابط
همسه هذا إلي دعمته وهو تهمني وما اعرف شلون حط المخدرات بالسيارة
محمد كلشي أعرف بس طلعتچ بشروط
همسه إنت التشرط
محمد أني وسيط بينكم أحسن ما تگضين حياتچ بالسجن يطلعوچ بس بشرط
همسه يعني برائتي موجودة وأطلع بشروط
محمد هذا الموجود مو بكيفي هاي الشروط من جهات عليا إنتي ورطتي نفسچ وياهم
سرمد و شنو الشرط
محمد الوثائق كلها تسلموها التتعلق بالتلوث وحتى نگدر نرجعچ لدائرتچ
همسه تبچي
أني موافقة على كل شروطكم بس اريد اطلع
محمد يباوع على چوقي إنت تعترف تشتغل بالمخدرات بس مو ويه عمار ناس غير عمار مقشمريك
چوقي وأضل طول عمري بالسجن
محمد راح يحاولون يطلعوك بس اذا ما إعترفت متطلع تموت وإنت تعرف بربع عمار ما اوضحلك أكثر
فرح وأني
محمد حسابچ ثگل وياهم ويعتبروچ خنتيهم
فرح يعني يرديون يصفوني
محمد هاي إنتي وياهم
فرح بلغهم أذا فكرو يصفوني فعندي اوراق توديهم لجهنم طول ما أني عايشة الاوراق يمي بس يفكرون يلعبون ويايه تنكشف حتى لو أني ميته
سرمد يصير عصبي ويگللها
ليش متنطيني هاي الاوراق
فرح إتفاقي وياك لخروج همسه أما الباقي ما عندي إتفاق وياك
سرمد و إتفاقي وياچ ملغي إعتبري
فرح تنصدم وتضربه على صدره
ليش تخلي بوعدك إليه وإبنك إلي بطني نسيته
سرمد أني واعدتچ مجبور حتى أطلع همسه
محمد الأوراق والأدلة كلها متطلع لا بيدك ولا بيدها تبقى هي محتفظها بيها
همسه اوگفوووووو
شتحچون وشنو هاي المؤامرات التصير أحس روحي بنص عصابة تذكروني من إنصدمت بسالم من عرفت بي يشتغل بالمخدرات والتهريب شنو إنتو هم تشتغلون مثله
سرمد أني ما اشتغل وياهم بس أتفقت وياهم وساومتهم حتى أطلعچ
همسه يا طفل التحچون بي
فرح أني حامل من اخوچ
همسه تحط إيدها على راسها
ما گاعدة استوعب إلي أسمعه يعني إنتو ناس تعرف ناس و الحرام عايشين بي ومؤامرات بينكم شنو هاي الوصاخة العايشين بيها إنتو ياريتني مجيت من الخارج ياريتني مجيت سرمد ويايه اشوفه صار وصخ مثلكم وإنت محمد شنو گمت تشتغل ويه منو وهيچي صرت تساوم وتگول دازيني اتفاوض هاي مساومة مو تفاوض
سرمد إنتي مفتهه غلط أني معليه بشغلهم
محمد ليش نسيت شغلك إنت و سالم
سرمد يصير عصبي
اني اشتغل ويه سالم حتى اثبت برائته من التهم الخليتوها عليه واولهم تهمة فرح ومن غير التهم الباقية بسبب المخدرات سالم يريد يصير نظيف بس وصختو إنتو
همسه متعجبة ومصدومة
إنت تعرف بسالم برئ يعني سالم يريد يصير نظيف ومحمد ميخلي
سرمد سالم مجبور يكمل اللعب وياهم وأني دخلت حتى اساعده
محمد إحچي عدل سرمد سالم هو الورطني وبعد ما تورطت يريد يتوب
همسه تبچي وتضرب سرمد على صدره
ليش مگتلي ليش خليتني اظلمه كل هاي الفترة لسالم
سرمد يخاف عليچ وميريد احد يعرف
همسه يعني أني والدنيا عليه صرنا حتى البنيه إلي گالت إغتصبني هو ماله دخل بيها
فرح سالم ملمسني ولا سوالي شي اني الدفعني عليه عمار
همسه تضربها راشدي
وجايه تكملين على أخوية وتضحكين عليه عوفينا وعوفي اخوية
فرح مقبولة منچ الضربة ما ارجعها تعرفين ليش لأن أحبه لسرمد وأني من صدگ حبيته وتعلقت بي إنتي حبيتي سالم وكلشي تحملتي لأجله وأني وگعت بحب سرمد المفروض إنتي اول وحدة تفهميني أني عرضت روحي للخطر بسببه
سرمد بس أني بعد ما اريدچ إذا تريدين اكمل وياچ مقابل الاوراق التثبت برائة سالم واتزوجچ
فرح تبچي مو مهم أني تعلمت على الخذلان وگتلك غلطت من حبيتك
همسه سالم ليش ما إجه
محمد سالم بالمستشفى
همسه بلهفة شبي سالم ليش بالمستشفى
محمد تصوب وهو يتعارك ويه عمار
همسه گول الصدگ كتله لتكذب عليه
فرح لتخافين من عمار خافي من هذا الحيه إلي يلعب بيكم هو الوسيط بينكم وبين عمار وكل شي يوصله
همسه صدك محمد إنت التلعب بينا ولك جاوب بعت العشرة علمود منصب وفلوس
محمد يصير عصبي
أني جاي حسب إتفاق كلام زايد ما اريد تريدون وقعو على هاي الاوراق واي شي تنشرو ضد عمار او شغل عمار راح تلگون شي اقوى من السجن أني علمودكم ما أريدكم تضيعون
همسه دمعتها بعينها
موافقة على كلشي الشفته أني مو قليل والإثبات بخصوص التلوث من اطلع يصير يمك
محمد وقعو على هاي الاوراق
همسه اوراق شنو
محمد بدون سؤال اقروها ووقعو وإذا معجبكم توقعون هم لتوقعون بس خلوها بالكم بعد تبقين بالسجن ومطلعين
همسه وصوري وشرفي النشرو
محمد من توصل الاوراق عندي ينزل إعتذار بالبيجات
ويگولون تلفونچ تهكر وصوت وصورة وحتى تكدرين تقاضين
همسه أكيد واحد من الفقرة تريدون أقاضي مو حتى اثبت برائتي وإنتو بره اللعبة و الولد يوگع بيها وهو لا ناقه ولا جمل بيها مقابل كم فلس يشيل الدعوة بمكانكم
محمد أني معليه أني مجرد وسيط
همسه خل نكمل الإجرائات أريد أطلع إختنگت من الكلام وياكم أكثر من گعدتي بالسجن
محمد هسه أصيح الضابط
و يگول لچوقي
تمشي مثل ما فهمتك لا يزعل عمار عليك وتعرف زعل عمار ثگيل
چوقي بس طلعوني من السجن
محمد نطلعك ويخلولك محامي
بعد ما طلعو
همسه رجعت للبيت ويه سرمد
كيان يكمز وفرحان بهمسه ويكللها
جتي ماما جتي ماما
همسه تحضنه و تبچي
ياروح و گلب ماما
كيان ماما مو عوفيني أني أحبش ماما اليد عميه
همسه يا روحي وحبيبي إنت تدلل هسه اجيبك السوك كله وشكو حلويات اجيبلك
مروة تبچي وتحضن بهمسه
حبيبتي الحمدلله على سلامتج كسرتي كلبي عليچ يا بعد اختچ
همسه الحمدلله على كل حال حبيبتي لتهتمين صح تعبت بالسجن بس هواي عرفت منو ويانه ومنو علينا
مروة حبيبتي سامحيني مكدرت ازورچ وأعوف ماما وكيان لوحدهم بالبيت
همسه أني الاعتذر منچ حبيبتي اني ظلمتچ إنتي وحامد سامحيني يا روحي أني أسفه وأني موافقة على زواجكم بعد ما أوگف بطريقكم
مروة ليهمچ حبيبتي المهم إنتي بخير يا روحي
همسه أروح أسبح أريد أروح لسالم أريد احلى ملابس ألبسها أريد احط نهاية لمشاكلي ويه سالم
مروة شعجب شنو سمعتي
همسه بعدين أني أگلچ
همسه تدخل على أمها وتحضنها وتبچي
حبيبتي ماما شوكت تصيرين زينة وتگومين تمشين وتحچين ماما محتاجتچ حبيبتي ماما گومي طولتي بكعدتچ
أم همسه تريد تحچي متگدر و تحاول مرة ثانية هم متگدر تحچي
همسه تحضن أمها حبيبتي لتعبين روحچ ولا تضغطين على نفسچ
نفس اليوم العصر
همسه بالمستشفى حتى تشوف سالم
الدكتور
المريض زين الحمدلله بس طلقة بإيده وطلعناها اليوم يبات يمنه وباچر من الصبح يطلع
همسه أگدر اشوفه أني زوجته
الدكتور تفضلي شوفي
همسه تدخل على سالم وتركض عليه وتحضنه وتبوسه وهو نايم على السدية
الحمدلله على سلامتك زوجي وحبي وأبو بيتي
سالم برود يحچي وياها شوكت طلعتي
همسه اليوم طلعت الصبح حبيبي لتعب نفسك وتحچي هواي أني يمك وبعد ما اعوفك
سالم وين كيان
همسه لأن مستشفى خفت عليه اواعدك من تطلع نروح سوه للبيت نعيش وكيان بنصنه بعد ميعوفنه
سالم شعجب
همسه أسفة سالم سامحني هواي ظلمتك بعد ما اعوفك عرفت كلش زين إنت على حق
سالم اگلچ همسه
همسه گول عيون همسه تاخذ إيده وتبوسها مشتاقتلك عيون همسه
سالم يسحب إيدم حيل ويگللها
المره الينكشف جسمها للعالم متصير بعد مرتي
همسه تبچي الصور أخذوها من تلفوني والرگص الشفته هذا بيوم حنتي واكو واحد بيوم نيشاني حتى خواتك بي
سالم أنه ما أحچي على الصور الي لابسها بيها ملابس وراكصه بيها أنه أحچي ليش مصورة صور وإنتي مصلخة
همسه دموعها تنزل مثل المطر
أني ميحتاج أبررلك بس تدلل أثبتلك هاي مو صوري ومفبركة أني ممصوره روحي مصلخة والدليل
تروح تسد باب الغرفة و طلع قسم من جسمها وتگله
نسيت جسمي مزرف من طلقات عمار من ضربني بالمگبرة هاي اثار الطلقات شوفها بالصور ماكو يعني اني ممصورة روحي وأني مصلخة قبل والصور مركبيها و مفبركة
سالم تذكرين من چنت افهمچ وابرر متصدگين أنه هم ما ملزم أصدگ بيچ حسي بعذابي گبل من چنتي تهمني وتجرحيني
همسه تبچي
أني اشكرك ومن حقك متريدني وراح ابدي بإجرائات الطلاگ أني لهنا ولازم كلشي ينتهي وأني اسفة جيتك وشوهت سمعتك
سالم ساكت ويدير وجهة عنها
همسه ميحتاج إدير وجهك أني طالعة من حياتك كلها چنت فرحانة ونسيت عذاب السجن والتهم الباطلة لأن راح أعيش وياك بس إنت جيت هسه وكل جروحي فتحتها
تنزع حلقتها
من ٤ سنوات أول مرة انزعها تفضل أخذها إلي بيناتنا إنتهى
تطلع تبچي من الغرفة البيها سالم
تشوف أهل سالم واگفين ومتعجبين ليش تبچي
حامد وبنين وفاطمة بصوت واحد
شبيچ همسه ليش تبچين
همسه تباوع عليهم وتنهار من البچي وهي تركض تطلع من المستشفى
يتبع بارت ٢٨
أنت تقرأ
الحضرية2 أحزان همسه
General Fictionحتى لا يكون ملل وأطول عليكم القصة قسمتها إلى جزئين الجزء الأول تم سرده أما الجزء الجزء الثاني عودة قوية للمتسلطين و إشتداد المعارك من أجل المناصب وفاة الشيخ بحادثة غامضة و سالم وهمسه قصتهم بين الرفض والقبول لحين ما تنحسم لكن بعد الحسم هناك احزان و...
