مساء الورد
أريد تقييمكم للقصة
تحياتي الكاتب مرتضى الهاشمي
الحضرية2
أحزان همسه
البارت 31 والأخير
الدكتور يطرد همسه من غرفة الإنعاش
إنتي شدخلچ هنا طلعي بره
همسه زوجي راح يموت ما اريد اعوفه
الدكتور خلينا نشتغل بقه أخر فرصة
يجيب الممرض جهاز الصدمات الكهربائية ويحطه الدكتور على صدر سالم مرة ومرتين ومرة ثالثة
بس بدون نتيجة
سالم يتحلم يصعد السما لمكان كلش حلو ويشوف فاتن بملابس بيضة وكلش حلوة فاتن شكلها بالحلم و لازمة طفل كلش حلو بيدها
سالم يركض عليها
بس يسمع صوت همسه قوي تگول
لتعوفني سالم محتاجيك أني وكيان سااااالم
فاتن تبتسم لسالم وتعوفه وتروح
سالم يصيح على فاتن وينادي عليها بس ميلگاها
يرجع سالم على همسه بالحلم
بهاي الأثناء الدكتور بعد ما مل يأشر بإيده للممرضين والدكاترة إلي ويا بمعنى سالم مات وماكو نتيجة
همسه توخر الدكاترة وهي تبچي وتلزم إيد سالم وتبوسها وتگعد على ركبتها بالگاع وهي حاضنة إيده وتبچي وتصيح
سالم صير قوي حبيبي فدوة اروحلك لخاطري أني وكيان سالم حبيبي إسمعني سالم سالم إسمعني
وتصير معجزة وترجع دكات گلب سالم تنبض ويرجع يتنفس الدكاترة يتعجبون
ويطلعون همسه بره حتى يكملون شغلهم
همسه تطلع وهي تبچي من الفرح وتبشر أهل سالم
سالم ما مات رجعت الحياة بي رجع گلبه ينبض من جديد
ييچون من الفرح ويحضنوها
بعد ساعتين يطلع الدكتور من صالة الإنعاش ويگللهم
مريضكم سالم عنده كلى مريضة من زمان وهاملها وإعتماده على كله ثانية وهسه هي تصوبت نريد واحد يتبرع بالكلى مالته لو تحصلولة كلى خلال 48 ساعة
همسه أني أتبرع أخذو اعضائي كلها فدوة لسالم المهم يعيش
مرت الشيخ لا أنه تعبت وكبرت وشفت حياتي أنه انطيني كليتي
صادق لا أني أفدي روحي لأخوية
حامد أنه اولى منكم سالم اخوي ويستاهل
ام صادق مرته حبلة مو زين عليها عملية و أنه أريدن أسوي شي لأمه لأن جمعت ولدي ويا ولدها فأنه أتبرع بكليتي
الدكتور هي مو عزيمة رجاءا اليريد يتبرع يروح يسوي فحوصات لازم الدم والأنسجة تتطابق ويا
كلهم يسوون تحاليل
بس يطلع محمد يطابق ويا سالم
همسه صح أني چنت أتمنى أنطي عضو مني لسالم بس مقسم الله أني أنطي بنفس الوقت عندك طفلة وزوجة ميصير تضحي بحياتك وهمه محتاجيك إحنا نحاول نشتري و ندبر كلى لسالم
محمد سالم أخوية الما جابته امي وروحي فدوة إله
سهى أني صح اخاف على محمد بس هذا سالم وهمه متعلمين كلشي يشاركون
همسه تحضنهم إثنينهم
حبايبي متجازون إنتو أخوتي وسندي الحمدلله ربي رزقني هواي أخوة أخذ مني سرمد وعوضني بيكم
هي تباوع على حامد و بنين وفاطمة ومحمد وسهى
حامد يمد إيده أوعدكم بعد ما أعوفنكم ونضل سوه عالحلوة والمرة
همسه تحط إيديها على إيده
أحبكم أخوتي وسندي والباقين واحد ورى الثاني يحط إيده
بنين عمري لعمركم أخوتي
فاطمة الله لا يشوفني بيكم مكروه
سهى تمد إيدها أگدر أصير وياكم ما اگدر أعوف همسه هي توام روحي
همسه تحضنها يا روحي إنتي
صادق كلنا واحد وگف للثاني بهاي الأزمة ووعد أي واحد ويانه اعتبره أخوية إذا چان أخوية أو لا كلكم نفس المعزة واردها إلكم بالأفراح
محمد من رخصتكم عندي تلفون مهم
فرح تلفونها يرن
محمد مصرة على قرارچ خليچ ويانه والي إنكسر يصلح و إبن سرمد يعيش بوسطنا
فرح اشكرك محمد على إتصالك بس أوعدني متجيب طاري لأحد أني قررت اسوي هچي لخاطر إبني ميگدر يعيش وأبو ماكو
محمد أني مستعد أعقد عليچ وأصير أبو لحد ما يجي للدنيا ويسجل بإسمي بعدها إنتي قرري شوكت متريدين اطلگچ
فرح شكرا محمد أني مچنت أتصور اكو ناس طيبة مثلكم و غلطانة معرفتكم من زمان بس هذا قراري سلملي على الكل وگللهم يسامحوني
اليوم الثاني
الدكتور يله وين بطلنا
محمد أني جاهز دكتور
الدكتور تفضل لغرفة العمليات بعد ساعة عمليتك إنت وسالم
محمد يصيح على سهى وهمسه
عندي شي أريد أگوله إلكم قبل ما ادخل لغرفة العمليات
همسه گول شنو
سهى خير حبيبي شكو
محمد يلزم همسه ويگللها
عوفي المستشفى ولحگي فرح راح تموت
همسه ليش شصار
محمد ما عندي مجال افهمچ هاچ رقمها وخابريها وحاولي تمنعيها ترى هي حامل بإبن سرمد وما أريد تخسرون إبن سرمد على الأقل ريحة من عنده
همسه تتصل بفرح وتطلع بسرعة من المستشفى
فرح الوووو
همسه هلو فرح أني همسه عفيه رجعي ولتكتلين نفسچ لخاطر سرمد أواعدچ إنتي وإبنچ تعيشون بنصنه
فرح گلچ محمد مو گتله لتحچي
همسه ما گالي بالتفاصيل أريد افتهم منچ
فرح أني اشكرچ حبيبتي على هذا شعورچ إتجاهي بس ثار سرمد لازم أني أخذه بيدي
همسه بالقانون ناخذ ثاره وأني اساعدچ لتضعين نفسچ
فرح عفيه لتوگفين بطريقي هواي عيروني بسبب شغلي وعيشتي بالحرام ما اريد إبني يتعير بسببي باچر عگبة خاصة من يعرفون أبو ميت وممزوجني ما أريد إبني يصيحوله إبن گح.. هاي الكلمة هواية عانيت منها ويصيحوها إليه
همسه وعد مني محد راح يعرف بماضيچ وهاي صفحة وأنطوت وإبنچ وعد مني أخلي سالم يتزوجچ ويصير حاله من حال كيان
فرح تضحين بزوجچ علمود إبني ما استاهل كل هذا الكرم منچ
همسه إنتي مرت الغالي و من ريحة الغالي لتحرمينه من ريحة سرمد عفيه فرح
فرح اسفة الباب يندگ ووصلو الجماعة إلي أريد اصفي حسابي وياهم بعد ما أگدر انهزم
همسه إنتي وين اجي عليچ
فرح متلحگين عليه مع السلامة حبيبتي من تسمعين وفاتي هلهلي معناها اخذت ثار اخوچ سرمد
همسه إنتي بنفس الشقة الي رحنالها أول بارحة أني وسالم
فرح إي حبيبتي بس متلحگين عليه
مع السلامة حبيبتي گولي لكل واحد أذيته يسامحني
تقفل التلفون
همسه
تتصل عليها بس متحصلها
همسه تروح على السيارة وتصعد بيها وتفكر تخابر الشرطة بس تذكر متلحگ لأن فرح گالتلها الوقت إنتهى و تروح همسه بسرعة لشقة فرح وتشوف إزدحام تدخل رونگ سايد وسيارة المرور تلحگها
فرح تفتح باب الشقة وتگول للحجي يا ألف هلا ومرحبا بحجوجتي
الحجي يلزمها من حنجها
إشتاقيتلچ هم زين رجعتي لعقلچ
فرح وقررت اسلمك كل المستندات بس اريد اكضي أحلى يوم وياك يذكرني بأيام قبل مو تتعب
الحجي تخسه أني اتعب أني اليوم اتعبچ وما اتعب
فرح روح إسبح وتحضر وأني أنتظرك بالغرفة
الحجي وإنتي متسبحين ويايه
فرح بدلع
حبيبي أني سبحت وتعطرت شوفني شگد حلوة وريحتي طيبة شنو مشتميتها
الحجي دومچ نظيفة وريحتچ تخبل
فرح تضحك بضحكة إغراء يله روح أدخل الحمام و إسبح بين ما ألبس سيت نوم أخليك تموت اليوم و احضر الگعدة حتى أرگصلك
الحجي ولچ اليوم أشعلها شعل
همسه تحاصرها سيارة مرور و دارجتين
أبو المرور لازم تنحجزين إنتي والسيارة ليش مخالفة وتمشين عكس السير
همسه عندي حالة طارئة مسألة حياة أو موت مو مال أنتظر بالإزدحام
المرور اي كلكم تگولون هيچي حتى تخلصون خلصتوها چذب بچذب علينا
همسه إذا متصدگ تعال ويايه وشوف بعينك
المرور اختي القانون قانون إنتي اليوم تنحجزين يمنا
همسه مو كتلك عندي حالة طارئة مو مال أنتظر بالإزدحام أخذ السيارة وخليني أروح حتى الحگ
المرور اليوم لا إنتي ولا السيارة وتبابتون يمنا إثنينكم
باب شقة فرح تندگ بصوت قوي وبسرعة
الحجي هذا منو جاي عليچ
فرح إنت كمل سبح أني أشوفه منو
تفتح فرح الباب وتدخل مرة چبيرة بس معتنية بنفسها كلش
وتگول وينه هذا الكلب
إنتي إلي يخوني وياچ
فرح إنتي منو
المرة تدفعها وتدخل للشقة
هذا وينه وين خاتل ولله اليوم افضحة فضيحة
إدور بكل الشقة وتفتح باب الحمام وتشوف الحجي يسبح ومصلخ تدخله وتضربه وتگله مستحيت على روحك چان إستحيت احفادك على باب زواج
الحجي إنتي شجابچ هنا
فرح تضحك ضحكة شماتة وبصوت عالي
ليش مگتلك صارلي يومين اخابرها واتراسل وياها و گتلها اليوم تجي يمي و هي مچذبت خبر وجتي
الحجي يلبس لباس ويطلع من الحمام
ولچ مستحيتي تريدين تهجمين بيتي
فرح خطية ينهجم بيتك ولك إنت أخر واحد يحچي على هجمان البيت ولك زوجي إنقتل بسببك اليوم ما اعوفك وراح افضحك بكلشي قبل لا أخذ روحك
الحجي يصير عصبي ويريد ياخذ المسدس ويرمي عليها
فرح لتحاول ترمي ترى من دخلت الحمام أني فتحت الغاز شنو منشول متشتم ريحة غاز بس ترمي طلقة الشقة تنفجر بينا ونحترگ اربعتنه
الحجي الرابع منو اكو واحد غيرنا هنا
فرح إبني إلي بطني إلي حرمتوني من ابو إنت وعمار وكتلتو گدامي
الحجي أني معليه هذا عمار يصرف من وحدة
فرح لا الله عليك صدگ تحچي عبالك أني ما أعرفك و أعرف عمار يمشي كله باوامرك
الحجي ولچ اليوم أشرب من دمچ
فرح متلحگ الباب مقفول والشقة إتشبعت بالغاز والجداحة بيدي فمتلحك تسوي شي بالمناسبة شوف فضايحك وشغلك بالمخدرات وحل وصاختك نشرتها على كل البيجات
الحجي ولچ إنتي شيطانة
اليوم أشرب من دمچ يگحون بسبب الغاز
الحجي الحجية راح تموت خل تطلع هي مالها ذنب
فرح و سرمد هم ماله ذنب وإنكتل شنو الفرق واحد بواحد
الحجي يحاول يفتح الباب ميگدر مقفول
مرت الحجي كل هذا يطلع من عندك يا عار چان إستحيت على شيباتك
فرح حبيبتي أسمعچ الأكثر الحجي نايم ويايه وويه بنات الملاهي أكثر ما نايم وياچ
الحجي يهجم عليها ويخنگها ولچ اليوم أشرب من دمچ
همسه شوية يوخر المرور عنها ويغفل عليها
هي تحرك سيارتها وتطلع بكل سرعتها و تمشي لحد ما وصلت للعمارة الي بيها الشقة مال فرح وهي تريد تنزل من السيارة
بنفس الوكت
فرح تختنك من ريحة الغاز بالإضافة الحجي خانگها يريد يكتلها
فرح تضربه على منطقته الحساسة وإدفعه
وتگله هذا ثار سرمد اله أعذبك و إنت تموت
تشعل الجداحة والشقة كلها غاز والشقة تنفجر
همسه نزلت من السيارة وتسمع صوت الإنفجار والعصف يشمرها
ترفع راسها تشوف الشقة تحترگ
همسه تبچي لا فرح ليش إستعجلتي لااااا
أنت تقرأ
الحضرية2 أحزان همسه
General Fictionحتى لا يكون ملل وأطول عليكم القصة قسمتها إلى جزئين الجزء الأول تم سرده أما الجزء الجزء الثاني عودة قوية للمتسلطين و إشتداد المعارك من أجل المناصب وفاة الشيخ بحادثة غامضة و سالم وهمسه قصتهم بين الرفض والقبول لحين ما تنحسم لكن بعد الحسم هناك احزان و...
