مساء الورد
تعليقاتكم الحلوة وتفاعلكم مو تنسون
الكاتب مرتضى الهاشمي
الحضرية2
أحزان همسه
بارت 20
همسه تدخل للبيت
يلاگيها كيان ويركض عليها هي تگعد وتفتح ذراعها وتشيله وتحضنه
حبيبي روح ماما إشتاقيتلك
كيان ماما عميه ماما
مروة ولك مو هسه وكلتك شنو إنت متشبع
همسه ههههه يقصد حلويات شبيچ محفظتي
مروة اي مو تنسين حصة خالاته من الحلويات
همسه ولچ تروحين تسمنين
مروة لا حبيبتي شوفيني شگد رشيقة اني ما اسمن
همسه هاچ هاي العلاگة بيها كومة حلويات لكيان ول ....
مروة إليه اكيد مو
همسه لا هم لكيان هههه
مروة اشو جيبيها لا إنتي ولا لكيان إلكم حصة هههه
همسه اليوم حضرو نفسكم
مروة ليش شكو وين رايحين
همسه اليوم اشتريلكم ملابس كافي حزن وسواد خلصت السنة مال بابا الله يرحمه باچر من نجي من المگبرة تلبسون الوان
مروة لا أني طول عمري ابقه لابسه اسود على بابا
همسه لا حبيبتي ميصلح إنتي بنيةو باجر عكبة تصيرين عروسه ميصير تبقين لابسه اسود بس خل يجي هذا الكلب اليخطبچ و انطيچ اله لو أگلج لا ما انطيچ اله اخليچ يمي أحسن
مروة ههههههههه شعندي غيركم حبيبتي ولو عندج خبالات ويانه بس هم ابقى احبچ
همسه أخاف عليكم يا روحي لتضوجون من أحاسبكم لو أضل الح عليكم بس من خوفي عليكم
مروة بس إحنا مو صغار
همسه زين اسألچ سؤال سالم صغير
مروة شجاب سالم بالنص
همسه مو هذا مربط الكلام شوفي سالم چبير ورجال يعني يطب ويطلع إنضحك عليه بالحرام شلون متريدين أخاف عليكم إنتي وساره
مروة ترى المثل مالتچ مجايبته بمكانه يعني اذا سالم إشتغل بالحرام معناها قشمرو عليه لو إحنا هم يتقشمر علينا
همسه ما أعرف شگلچ بس
مروة إنتي بحياتج وبراسچ بس سالم وكلشي تريدين تحچين بي تجيبين سالم بالنص
همسه ما أعرف شگلچ بس ما أگدر أنسى رغم السوى بيه وكل ما اشوف كيان يذكرني بي أكثر
مروة و إلمن هاي المكابرة والعذاب مترجعون سوى وتفضوها ترى هواي طولتوها لا إنتي تتنازلين ولا هو يتنازل ويعوف فلوسه وواحد معلگ گلبه للثاني لا إنتو عايفين بعض وكل واحد شايف حياته ولا إنتو راجعين سوى
همسه إلي إنكسر وكسره سالم بعد ميصلح والمصيبة إنكسر گلبي ويا وصرت لا اعرف أحب ولا اكره صرت عديمة مشاعر رغم ما شايلة بگلبي عليه بس أحبه مو بيدي
مروة أگلچ شي بس متزعلين
همسه لا حبيبتي ما ازعل شكو
مروة أني رجعت احچي ويه سالم
همسه من شوكت
مروة قبل إسبوع حوالي بصراحة صار موقف خلاني صافنة
همسه شنو صار
مروة تذكرين من وصيتيني على ملابس لكيان وإحتياجات للبيت
همسه اي
مروة رحت و أني طلعت من المول لگيت باب المول سالم وسرمد يشاقون حتى من شافوني إنحرجو أني الأدري بي ميتحاچون بس سوو نفسهم گاعد يتناكرون وعود سرمد ابد مشافني بالرغم اني گباله وبعدين سرمد دفع سالم وراح اني صحت على سرمد ما جاوب دگيت عليه هم ما رد
همسه بتعجب اي وبعدين شصار
مروة إجه سالم عليه وگالي محتاجة شي وشال كيان وباسه وگال ممكن ندخل المول مرة ثانية اريد اشتري لكيان
همسه وبعدين
مروة إثناء ما دخلنا إشترى لكيان واكلنا بالمطعم و إعتذر مني بكل الطرق اني سامحته وسألته عن سرمد گال تعاركنا أني ويا بعد ما تلاگينا بالصدفة ومن گتله إنت چنتو تشاقون وتضحكون نكر وگال إنتي غلطانة
همسه ما سألچ على شي ثاني
مروة مثل شنو يعني يسأل
همسه يعني يسأل على اي شي يعني على كيان مثلا
مروة كيان بحضنه هو شايله
همسه اهوووو مروة تحچين بالأقساط كملي سالچ على شي ثاني
مروة هااا تذكرت سألني على ااااا
همسه اي على شنو
مروة على رقم تلفوني وإنطيته إله لأن قبل جنت حاضرته
همسه شگد تشلعين الگلب أروح أصب غده متت جوع وإنتي بس تسولفين
مروة تضحك ههههه
سألني عليچ
همسه بلهفة إي وشگلچ عليه
مروة أروح أصب غده راح تموتون من الجوع
همسه إي اااا أصلا ميهمني
مروة لتكذبين عيونچ يلمعن من نجيب طاري سالم وميفهم الحب بس الي يحب من صدگ
همسه شتقصدين تحبين واحد
مروة مرتبكة لا الا اااا شبيچ همسه أقصد حبكم واضح وكافي تتعايرون إثنينكم لو ترجعون لو تنفصلون
همسه ياريت نگدر نرجع بس گتلچ الي إنكسر بعد ميصلح
سرمد شطلبين
فرح ممممممم شراح تطلب إنت
سرمد نفر قوزي و نفر تكه دجاج و وو الباقي على ذوقچ
فرح عزااااا صدگ تحچي شدعوة هالگد تاكل
سرمد عيني حديد وعضلات شتريديني اكل اندومي
فرح عبالي بس جسمك لافت للنظر
سرمد ليش اكو شي ثاني
فرح لسانك تگول محضر جواب قبل متسمع سؤال
سرمد وإنتي كلچ لافته للنظر
فرح يسلمو
سرمد هاي دار الايتام و دار العجزة إلج
فرح لا مأجرتها طبعا إليه
سرمد وتگلي لسانك هسه إنتي مو تصنفين
فرح من عاشر قوما
سرمد لا عيني على كيفچ ترى كلها ما صارلنا ساعتين
فرح تريد الصدگ إرتاحيتلك عبالك صارلنا عمر
سرمد هالسرعة إرتاحيتيلي
فرح أني طبيعتي دغرية وما ألف ولا أدور بالكلام وأني بصراحة إنعجبت بيك وبشخصيتك
سرمد بصراحة أني هم بس محبيت أگول هسه تكولين بهل السرعة چنت أنتظر فرصة وماشاءالله اقل من ساعتين جتي الفرصة بس مگتيلي هاي دور الأيتام شلون تصرفين عليها
فرح عن طريق ناس خيرة تتبرع
سرمد أگدر أصير خير واتبرع مثلهم
فرح تضحك لا مبين مشروعنا راح يكبر
سرمد خل يكبر من الزينات هاي
محمد سهى سهى وينج
سهى ها محمد شتريد جاي اليوم صارلك إسبوع ممگلبني لا أني ولا بتك
محمد هذا مو شرطچ ويايه لو نسيتي مو گلتي أريد ارجع للبيت مقابل تروح وتجي ما اسألك
سهى غير ردت تاخذ غزل مني و أني وافقت على كل إلي تريده إنت
محمد عموما صبي غده
سهى الغده حاضر بالمطبخ أني وغزل تغدينا
محمد ليش إلي بيناتنا بس أكل
سهى ما بيناتنا شي ثاني محمد والي تريده روح أخذه من اي وحدة أني ما انطيك شي
محمد يكفشها من شعرها
هاي حقوقي سهى
سهى ما إلك لي حق عندي الرجال الي دمر حياة صديقتي و أعز من اختي ما اسمي زوج ولا رجل إليه
محمد ولچ مو أني رجعت كيان لهمسه
سهى بعديش بعد ما البنية رادت تتخبل بسببك إنت وصاحبك
محمد أخر مرة أگلچ لتخربين بيتچ بسبب صديقتچ
سهى تضحك بإستهزاء
يا بيت تحچي عنه إلي كلشي متدري بي إلي تمرله بالإسبوع مرة لو مرتين لو أسرارك ترشح وتصير نائب وأني زوجتك وحبيبتك اخر وحدة تدري يا بيت تحچي عنه محمد خليني عايشة لخاطر هاي البنية ما اريد أحرمها من حنان الام و الا اني منتحرة ومخلصة من عيشتي من زمان
محمد إنتي متفهمين الاسوي لخاطركم و أريد اسوي مستقبل بي خير لبنتي
سهى ليش بالخفاء تسوي ليش حياتك غامضة وكلشي منعرف عليها ليش أسرارك كثرت گمت أخاف منك محمد أحس مو إنت محمد إلي اعرفه وحبيته إنت متغير وصرت شي ثاني
محمد كاااااافي لهنا وبس مللتيني مو كلشي أگدر أحچي أني أسوي الصح ولمصلحتكم ومن تشوفيني قصرت وياكم إلچ حق تحچين لحد الان أني ممقصر بشي لا وياچ ولا ويه بنتچ
سهى ياريتك تقصر وياريت نرجع مثل قبل نشتغل أني وياك الشهر كله حتى نجيب الراس للراس صح چانت حياتنا بسيطة بس حلوة واحد عينه على الثاني مو مثل هسه فلوس و ملايين وسيارات وذهب بس من تطلع ما أعرف ترجع مرة ثانية لو لا حياتك صارت الغاز بالغاز
محمد سدي الموضوع وكافي يجي يوم وتذكرين كلامي كل الأسوي علمودچ
ناس ملتمين ومسوين مظاهرة على بيت عمار
يصيحون
چذاااااب چذااااب چذاب هذا بس حچي
بعد ما ضلو نص ساعة يتظاهرون طلع عليهم عمار و حماية كلش قوية ويگللهم
هاذ ياهو الدزكم عليه
واحد من المتظاهرين
محد دازنا إحنا جيناك لأن چذبت علينا
عمار وشچذبت عليكم أنه
يرد عليه
الدواب ماتت من العطش والزرع مات والماي ماكو
عمار هاذ الماي شلون تگولون ماكو
يرد عليه واحد ثاني
چا ما تدري بي كله سم ومرض ودوابنا ماتت بسببه
عمار وأنه شسويلكم قابل أنه إلي مسمم الماي
يرد عليه چا إنت مو نايب ما تسويلنا حل
عمار راح ارفع بيكم طلب لمجلس النواب و أخلي لجنة من بغداد تعاين لموضوعكم
يرد عليه واحد ثاني
بين ما يروح لبقداد ويرجع وتطلع لجنة يمته إحنا ميتين
عمار وشسويلكم هاذ خلگ الحكومة أنه العليه ارفع وانتظر بس أگللكم على سالفة أنه صوچي لهسه ساكت و أسمعكم منا لربع ساعة إذا ما رحتو لا اخابر على الجيش. كلكم يشيلونكم يله تحركو منا أنه أعرف كلش زين هاي سوالف سويلم دازكم عليه
الساعة 2 بليل وسرمد يفتح الباب ويدخل وهو يغني
خلوها تلعب لعب بگليبي تستاهل خل تنتشر بالجسم وتحتلني بالكامل العشگ ماكو ترى ممنوع يا عالم العشگ لهل السهر منخلق للنايم گلبي گلبي
وهو يصفگ ويغني ويشغل ضوه الإستقبال يشوف همسه گاعدة عالقنفة وتگله
سلامة گلبك
سرمد خير شبيچ گاعدة لهسه شعندچ شتنتظرين
همسه أنتظرك
سرمد ليش أني صغير
همسه مگلت إنت صغير بس ممتأخر قبل هيچي
سرمد اعتقد من چنت بالخارج چنت اجي وجه الصبح وبعدين إنتي شعليچ شنو تحاسبيني
همسه لا العفو أني ما أحاسبك بس ردت اسألك
سرمد تفضلي سألي
همسه شعندك ويه سالم
يتبع بارت 21
YOU ARE READING
الحضرية2 أحزان همسه
General Fictionحتى لا يكون ملل وأطول عليكم القصة قسمتها إلى جزئين الجزء الأول تم سرده أما الجزء الجزء الثاني عودة قوية للمتسلطين و إشتداد المعارك من أجل المناصب وفاة الشيخ بحادثة غامضة و سالم وهمسه قصتهم بين الرفض والقبول لحين ما تنحسم لكن بعد الحسم هناك احزان و...
