أستغفر الله♡︎..
،.
....
قاطعه صرخة غيث: اترك الكلام الفاضي عنك لا انفضك اللحين.
سكت فهد وهو يناظر غيث.
لفو على دخول سعود وبدر اللي اردف: شفيكم تصارخون؟ صاير شي؟
تنهد غيث بغضب وابتسم بسخريه: تعال شوف اخوك واللي معه وش يخططون له.
وقفو بجنبهم وعقدو حواجبهم واكمل غيث: مدري وين حاطين عقلهم، كل واحد فيهم صار قد الثور وهم عايشين حياة الافلام.
ناظرهم سعود: شمسوي انت وياه؟
لعق مشعل شفايفه بتوتر عكس فهد اللي كان مصر ينفذ خطته وشتت نظره ونطق: ماسوينا شي، كنا نبي نخلص العالم من واحد نذل وخسيس بس حضرة العميد غيث ماسمح لنا.
تنهد بدر لما فهم قصده ونطق غيث وهو يتقدم لفهد بقلة صبر: فهد ان كنت تبي لسانك فمسكه جوا حلقك لا اقصه لك.
ناظره فهد بتحدي: ماراح اسكت واللي بتسوي س........
قاطعه صرخة غيث:ورع، اقططع.
سكت فهد بعد ماشاف عصبية غيث،
ونزل بدر نظره ليد فهد وقرب منه وهو يسحب المسدس بهدوء وعينه عليه مارفعها.
ماقاوم فهد وسلمه له وتكلم بدر وهو يمد المسدس لغيث: خذ ذا.
تنهد غيث وهو يسحبه ويقرب من فهد يحط يده على كتفه: فهد، الامور ماتجي بذي الطريقه، لو كانت المواضيع تنحل بالقتل كان بيكون بلدنا بلد فوضوي، انا وعدتك بناخذ حقها، ولو كلفني ذا الشي حياتي بسويه.
لف على سعود اللي نطق بسخريه: لاتوعده وتعلمه هو بس، فيه واحد بجنبي عايش فترة مراهقه متأخره، ويبي يجرب الافلام اللي شافها.
خزه بدر عشان يسكت وشافه غيث وابتسم بصبر: اعترف بدر وش مسوي؟
شتت نظره ونطق سعود بهمس: تخيلو شفته يدخل حي مهجوور مافيه الا صوت الغربان والخفافيش، ودخل كوخ مهجور هو بعد، ولما دخلت وراه لقيته يعذب الشخص اللي وعدنا انه مايلمسه.
عقد مشعل حواجبه: وش القصه الخياليه ذي؟
اعتدل سعود بوقفته: هذي اسمها اثارة القصه، المهم انه خطف راشد.
ابتسم فهد بهدوء وغمض بدر عيونه وهو يبي يتوطى فبطن سعود وناظره غيث بصدمه: نعم!،،،،،،،،، قدامي عصابه ولا شسالفه؟
نطق سعود وهو يمثل الحزن: بالضبط ياخوي، حنا نمسك المجرمين، والمجرمين الحقيقيين فبيتنا.
ضربه بدر على راسه: لاتبالغ يادراما.
ناظره مشعل: هو صادق.
بدر بلامبالاه: اسكت انت.
مشعل: ابشر.
هز غيث راسه بيأس منهم: اللحين وقته انت وياه؟ "ناظر بدر": اخلص علي وش سويت فيه؟
شتت بدر نظره: تركته يروح، " رجع نظره لغيث اللي يناظره بهدوء" : لاتناظرني كذا، انت تعرف اني ما اقدر اسكت له.
تنهد غيث، وده يتوطى فبطونهم كلهم، مهما شرح ومهما تكلم مايفهمون عليه.
،...
..
"جود"
كانت جالسه على جوالها تقرا فيه كتابها اللي محملته، كانت تكلم هيام ومشاعل اتصال مرئي واتصلو على غمور وقضو ساعتين تقريبا وهم يسولفون.
رفعت صوتها عند الابيات اللي قرتها وابتسمت وهي تكررها مرا ثانيه:
"ولـيس خليلـــي بالـــملول ولا الـــذي"
"إذا غـــبـــت يـــرضـــاه ســـواي بديلُ"
"ولكـــن خـــليلي مـــن يـــدوم وصاله"
"ويحـــفظ ســـرّي قـــلـــبُهُ ودخـــيـــلُ"
رفعت نظرها على دخول بدر وفهد المبتسم: صح لسانك.
ضحكت بخفيف وهي تحاول جاهده تتناسى اللي صار: انا شدخلني؟
جلس بدر بنفس الكنبه اللي جالسه عليها وجلس فهد مقابلهم ونطق بدر: هذي الابيات مو هي نفسها ابيات علي بن ابي طالب رضي الله عنه؟
هزت راسها وهي تقفل جوالها وتحطه على جنب: اي، مثل ماتعرف اختك عاشقه للاشعار وخصوصًا اشعار الجيل القديم.
حرك فهد يده فوق وتحت: اووووووه اووه ذي عاشقه للتاريخ.
ابتسمت ونزلت راسها: ماكنت احبه بس امي حببتني فيه، وكمان قصصه واقعيه وحلوه.
ابتسم بدر وهو يبعثر شعرها: ماكذبنا يوم قلنا انك شبيهة جمان.
هز فهد راسه بهدوء وابتسامه وهو يناظرها، كل ما ضاق وحس بهم الدنيا عليه، كلمه وحده معها تحسسه انه جالس مع امه، وقف بسرعه يحاول يمنع مشاعره ودموعه اللي خانته وقرب من جود وهو يحضنها ويبوس راسها " كان راسها على بطنه لانها جالسه" وهزها بقوه وهي بحضنه: حبيبة اخوها اللي ابتسامتها تجييب السعااااده.
ضحكت وهي تبعده عنها: طيب حبيبتك بس جاني ارتجاج بالمخيخ.
ابتعد وهو يجلس وبعد ماسكتو من ضحكهم وطقطقتهم على بعض تنحنح بدر ومسك يد جود، عقدت حواجبها وناظرتهم: بسم الله شفيكم قلبتو جديين؟
لعق بدر شفايفه وناظر فهد اللي هز له راسه بهدوء ونطق: جودي،،، تثقين فيني؟
استغربت سؤاله ونطقت بتوتر ماتعرف سببه: اكيد.
بدر: حتى لو اتخذت قرار عنك؟
عقدت حواجبها وناظرت فهد: تكفون لاتخوفوني بجديتكم ذي شسالفه؟
ترك بدر يدها واخذ الورقه والقلم من على الطاوله: بما انك تثقين،، وقعي.
مسكتها، ووقعت من دون تردد، هي واثقه فيه لكن كلامهم وطريقتهم خوفتها ونطقت بقلق: ماراح تقولي على ايش وقعت؟
وقف وهز راسه بابتسامه: قلتي انك واثقه فيني خلاص ثقي بدون اسأله.
وطلع من البيت وعيونها تلحقه، رجعت نظرها لمكان فهد بتسأله ولقته مو موجود هرب من وقت.
،.
.....
