ليلى
بصيت فى المرايا معجبة بملامحى المسمسة و عنية الجريئة..كنت بفكر وقتها فى مقارنه عبيطة اية الفرق بينى و بين ناهد؟؟؟
انا فى حلاوتها و يمكن احلى كمان ازاى بنت القروبة قدرت تبقى كدة فى الغنى و الفخفخة دى و العز و الجاه و السلطان؟؟؟
كانت دماغى بتلف من ساعة ما رحت بيت عندها و شفت اللى هى فية..كنت ناوية ازورها تانى و تالت لغاية ما اعرف هى بقت كدة ازاى و اقدر اعمل زيها..
كنت خلاص زهقت من المرمطة فى الشغل و معكسات الرجالة و خططت امى انى اوقع واخد مرتاح و متريش علشان ينتقنى فوق وش الفتة
مش هو دة اللى عملتة المنيلة ناهد
ااه
وجع فى زورى و ف سقف بقى
مش عارفة من اية
افتح بقى
اشوفة فى المرايا
هو الناب دة طول و الا انا بيتهيئلى
*********
![]()
Oops! This image does not follow our content guidelines. To continue publishing, please remove it or upload a different image. بهاء
لما شفتها قلت هى دى اللى ..!!
اسمها ناهد منصور
مزة السنين متجوزة عجوز قرب يموت
و معاها فيلا و عربية و رصيد ف البنك
كان سهل اوى اوقع واحدة زيها
متعرفش عن الرجالة غير الجثة اللى اسمها عونى
و هى صغيرة و حلوة
و اكيد عندها فراغ عاطفى كبير
و ملل مالوش اخر
***
ناهد
معرفش انجذبت ازاى ل بهاء
ملى عليا دنيتى كان زى الافيون ادمنته
يمكن علشان محتاجاة بيقولوا ف المثل الشباب للشباب
و انا كنت متجوزة موميا متحنطة بضمير
كنت محتاجة بهاء و هو كان محتاجنى
انا مش هبلة و لا عبيطة انا كنت عارفة انه طمعان ف فلوسى
و انا كمان طمعانة فى شبابة
![](https://img.wattpad.com/cover/367819093-288-k650285.jpg)