بهاء
نور الشمعه السودا.. بيتراقص عاكس ظلال على حيط الحمام..و تحت الشمعه بقعه من دم اكيد دى دماغى اتفتحت و حاسس بالدم المتجلط من الدرح مغطى قفايا
لهب الشمعه بينطفى مع نهايتها ساحت خلاص على سراميك الحمام
دة بينه نوع من انواع السحر
ااااااااه
راسى
دوخة جامدة مع صداااع ح يفرتك دماغى
اااااااه
اقع على الارض
الالم من دماغى جرى فى جسمى كله
ااااااه
مش قادر
مش قاااادر
اضلام
***
يحكيها شيخون
عدلت من قعدتى و دخنت سيجارة
حوالية الفرش بالوانة اللى تشبة فرش الفراشة بتاع الجنازاة و الافراح الخطوط العربى فى اللون الدهبى على ارضية زرقا و خطوط اندلسى لونها احمر
المبخرة لزوم الشغلانة
و البخور دخانة كثيف مخلى اوضى زى الضباب
دقنى طويلة بارم عليها تلت سبح كل سبحة 7 حبات
و حاطط على راسى عمه كبيرة ملونة ابيض ف اخضر ف احمر
و مغمض عينى و انا عمال اسمع للى اسمه بهاء
بهاء: و اغمى عليا بعد ما الشمعه انطفت
-امممممم " ارمى شوية بخور فى المبخرة "
اسمع يا بنى دة سحر اسود عمل و صعب انه يتفك بالساهل دة محتاج
شغل كتير و فلوس
بهاء: سحر ؟؟ انا حاسس انى متغير بس مين ح يسحرلى
-اكيد الحرامى اللى هجمك بالماسورة و ضربك على راسك
-دة مسرقش اى حاجة..و لية يسحر لى
-اكيد عملتله حاجة
بلع ريقة و كان بيفكر
و هز راسة
بهاء: كدة انا فهمت
دقت الساعه القديمة معلنة ان الوقت 12 بالليل
-طيب سيب الف جنية و.....
و قاطعنى و هو بيقف: انا حاسس انى مش كويس
-مالك؟
مردش
بس شكلة كان غريب
و حاسه طول اكتر
و جسمة بيرفع
الا.. الا.. ماله دة ؟
