عونى عزام
ركبت عربيتى المرسيدس السودة و سقتها و انا حاسس بشعور من الارتياح
كلها كام ساعه و اكون حققت انتقامى
عونى عزام مايتخنش يا ناهد انا ح اندمك ع اللى عملتية من ورا ضهرى
ح تشوفى شغلك كويس يا ناهد
تخونينى انا يا بنت الكلب
دا انا عونى عزام
هى فاكرة العز و الثروة دى جت كدة من الهوا
دى وراها تعب و شغل و شياطين..!!!
-1-
بيسوق عونى عربيتة المرسيدس السودا نازل من فوق المقطم
كان الوقت ظهر
خلص اللى كان عوز يعملة مع بهاء
مسح عرق بارد على جبينة
كان بيفتكر اللى عملة و يضحك من جنب بقة فى شماتة
انا عارف انى مش ح اعرف اخد من ناهد الفيلا و لا العربية
بس اعرف اسففها التراب
استنى انتقامى يا ناهد انتى و عشيقك
-2-
تخين..و بياكل سندوتش فول بالسجق و ماسك طارة التريلا بايدة الشمال
كان جاى من الدائرى و داخل على طريق رمسيس
لما مرة واحدة
أتدلدل السندوتش ووقع منه الفول و السجق على حجرة
-يووووووووة ع القرف
و مال يلم اللى وقع
و لفت طارة التريلا منه
و اصوات الكلاكسات من العربيات اللى حوالية
و اتعدل
-مصيبة ...مصيبة
دارت التريلا زى الغول اللى بيرقص بالية
طاااااااااااااااااخ
صوت تكسير و رنين المعدن
و بعدة
هدوء
بص سواق التريلا بعد ما فرمل اخيرا و حس بالرطمة بعد الحادثة
-يانهار السود
دخان اسود كتير مالى الدنيا
و ريحة شياط
-3-
عونى عزام...خرج نص جسمة من ازاز العربية اللى اتفرمت تحت تقل التريلا..
الدم بيدلدق من كل حتة من جسمة
و خصوصا جرح راسة و حجبة الشمال
-ااااه وسطى " قالها بصوت مكتوم "
الناس اتلمت و العربيات وقفت
و حركة المرور باظت
صوت سرينة البوليس
