التصق عصام الطنبولى ف الحيط..كرشة بيتهز و شبك صوابعه قدام وشة فى توسل و رجاء حار
-و النبى الرحمة
يرجف زى الكتكوت المبلول فى ليلة شتوية
صوت الزمجرة
اتهز تانى فى رعب
عرف ان نهايتة دلوقتى
قال فى رجاء اخير
-توبة مش ح اتحرش بانثى تانى
و........
رقع بالصوت
****
ليلى
ااه...
قايمة من النوم جسمى كلة مكسر زى اللى داس عليا بالدوزر و تمت سفلتى بالارض
سامعه صوت دوشة و امى بتزعق " بنت الموكوسة "
صداااع رهيب
اتعدل فى رقدتى
ريقى ناشف
يتفتح باب اوضتى جامد
تدخل امى
-يا بنت الفقرية عصام الطنبولى ماات
*******
زوجة عونى عزام
تدخن بقرف سيجارة حريمى لونها وردى.. و عنين شاردة..تبص على صورة عونى عزام اللى على حرفها شريطة سودة
تصرخ:
-ياااسر ... ؟
-ايوة يا ماما
-شيل صورة الزفت دة
-لية بس كدة انتى طول عمرك بتحبية ؟
-شيل صورة الخاين دة اتجوز عليا.. الحيوان ....شيلهااااااااا
-حاضر.. حاضر... اهدى بس
تدخل بنتها سعاد:
-ما تصلى ع النبى يا امى يا حبيبتى هو خلاص اللة يرحمة بقى ف دار الحق
-بس يا بت اسكتى خالص مش عوزة اسمع سيرتة
تلقى بالسيجارة فى المطفاة :
-رن ع المحامى يا ياسر خلينا نشوف فى اية تانى مستخبى عننا
****
بهاء
فقت لنفسى..انا ف اوضة شيخون اللى مرمى على الارض قاطع النفس
قتلته غصب عنى من غير ارادتى كانت حاجة اقوى منى
اميل على جثتة
عضيتة من رقبتة و مصيت دمة لغاية ما نشف و جف ع الاخر
اتسعرت علية
عقلى رجع لى تانى
حاسس بالشبع
السحر ..الشمعه السودة..الحرامى سحرنى
