الرياض"
ابتسمت بهدوء من جلس عساف بجانبها يسحبها من خصرها يدخلها بفروته تسند راسها وريد على كتفه
نطق عساف يشد على كتوفها:برد؟
هزت راسها تحاوط بطنه تنطق:شوي!
تنهد بهدوء يشدها له يلفها بفروته ينطق:تدفي ما يهاب البرد من عنده..قاطعته من رفعت راسها تبتسم تتذكر موقفهم تنطق تناظر عيونه:من عنده حبيب.. عساف
ضحك بهدوء من شكلها ولطافتها بالوقت ذا ينطق يتنهد:عيونك ما سوت فيني خير يا وريد قلبي جبتيني من أقصاي وانا اللي كنت أظن ان قلبي تايب عن الحب
ابتسمت بهدوء تنطق بغرور:حَرم عساف
ابتسم بوسع على كلمتها ينطق ينزل نظره لها:فيك يضيع الوصف يا حلو الملامح
توردت ملامحها من كلامه تنزل راسها تعض شفتها يبتسم عساف بهدوء يتنهد يضمها يناظرون الشارع الطويل تحتهم جالسين على الحجرة الكبيرة على ضوء القمر من فوقهم اللي واضح شوي منه بسبب الغيوم حوله والسيارة من خلفهم تغطيهم جالسين ب حضن بعض براحه تملي صدورهم يبتسمون بهدوء،مد يده عساف لجيبة الفروة يطلع بكت دخانه والولاعة،عقدت حجاجها وريد ترفع نظرها له تناظره بذهول من ثبت السيقارة بين شفايفه يرفع يده يولع طرفها
نطقت بذهول تعتدل بجلستها تبعد عنه:عساف
ناظره ينفث الدخان من ثغره ينطق بهدوء:سمّي
ناظرته تنطق:متى؟
ابتسم يناظرها:من قبل اعرفك وريد قلبي
نطقت تناظره:طيب مهو زين لصحتك عساف
نطقت يسحبها من يدها يرجعها لحضنه يلفها بفروته معه:اهدي
نطقت بغيض تحاوط بطنه:طيب خطر عليك عساف شفيك؟
نزل نظره لها ينطق ينحني براسه يلمس ارنبه انفها ب ارنبه انفه يحركه بلطف:يا ساكن القلب لا تبرح نواحيه فأنتِ من نبضه بالقرب تحييه،لا تتدخلين بدخاني وريد
تنهدت تناظره ينفث الدخان بوجهها تميل شفايفها رغم جمال شكله الا انها متضايقة وكثير،صدت عنه تعقد حجاجه من غيمة الدخان اللي تشكلت فوقهم تهمس:حيوان
فتح عيونه يضحك بذهول يبعد السيقاره عن ثغره من سمعها ينطق:ايش؟
عضت شفتها ترفع نظرها له ترفع اكتافها ينطق عساف بابتسامة:حيوان؟انا؟
هزت راسها بالنفي تعتدل بجلسته تبعد عنه لكنها للحين بفروته تنطق تحاوط وجهه:احبك عساف
ضحك بصوت مرتفع تضحك وريد من ضحكه ينطق عساف:احبها يا عرب احبها
ضحكت بهدوء تسكت من قاطعتها قبّله من عساف بقوة تبادله وريد بهدوء،بعد عنها بعد دقائق تشتت نظرها وريد عنه يناظر عساف تورد ملامحها يضحك بهدوء يمد يده يضم ظهرها له للحين تخجل منه:يا كبر ذنبك يبنت سعود طيحتي عساف لك
ضحكت من غير رد تدعي لسعود وغزال بالرحمة ناظرته تنطق تمسك يده اللي ماسكة السيقارة ومرتفعه لثغره:عساف!
ناظرها يهمهم لها ينطق ينفث الدخان بوجهها:سمّي
ابتسمت بهدوء تاخذ السيقارة من بين يدينه تنطق تثبتها بين يدينها:بجرب!
هز راسه بالنفي يناظر حجم السيقارة بين يدينها يرفع حجاجه بمعنى لا ينطق:اكسر فمك لو تحطينها وريد
رفعت حجاجه تحرك السيقاره بين يدينها تنطق:ليه؟
اخذ السيقاره من بين يدينها ينطق بسخرية:نذالة!
عقدت حجاجها تضرب كتفه بقوة يضحك عساف يحاوط ظهرها يضمها
نطقت وريد تناظر الشارع:طيب بخاطري اجرب بجرب احطها بين شفايفي بس!
ناظرها ينطق بخبث:بتحطينها بين شفايفك؟لا حبيبي شفايفك ملكي مالك شغل فيهم حطي شفاي..قاطعته من ضربت ذراعه تناظره بذهول تنطق:وقح!
ضحك بقوة يرفع راسه يمسح على وجهه لجل يسكت تناظره وريد تشتت نظرها عنه تبتسم تعض شفتها بخجل منه،عدلت جلستها تجلس بجانبها تقرب منه لجل تدخل فروته من جديد تسند راسها على كتفه ينطق عساف يحس بهدوئها:تكلمي وريد
ابتسمت تنطق ترفع راسها تناظره تاخذ نفس بحُب تناظر تعامله معها وحنيته و صبره عليها تشوف حبه الواضح لها وللجميع لدرجة الهيام،نزلت راسها تناظر الشارع بصمت تملاها راحه مب طبيعية بجانبه
ابتسم عساف ينفث الدخان من فمه يحس بنظراتها عليه يشوف تغيرها الواضح معه وله،شدها له من سندت راسها على كتفه يميل راسه على راسها يمسح على ذراعها بلطف ينطق يحس بارتجافها:بردتي؟
هزت راسها ترفع راسه تناظره ينطق عساف:نرجع القصر؟
هزت راسها يوقف عساف يوقفها معه يرمي السيقاره من يده يدعس عليها يرفع راسه يناظرها:تعالي
ركبت السيارة بجانبه متوجهين للقصر تسمع وريد اغاني خالد عبد الرحمن اللي تدوي بالسياره تعقد حجاجها تزم شفايفها من جاتها رغبة بالاستفراغ تحط يدها على صدرها
ناظرها عساف ينطق باستغراب:وريد قلبي شفيك؟
ناظرته تأشر يوقف السيارة يوقفها عساف يناظرها ب استغراب يفتح الباب ينزل ب استعجال من نزلت وريد تنحني تحط يدها على صدرها تستفرغ"اكرمكم الله" يناظرها يعقد حجاجه بخوف يحط يده على ظهرها:بسم الله عليك
جلست على الأرض بتعب من انتهت يتوجه عساف للسيارة يجيب لها مناديل و موية يمدها لها تأخذها وريد تمسح وجهها ويدها تفتح الموية بيدين راجفة ترفعها ترتشف منها،جلس عساف على ركبه باستغراب ينطق يناظرها:يوجعك شي اوديك المتستشفى؟
هزت راسها تنطق تناظر عيونه:لا
نطق يوقفها معه:خلني اوديك يا وريد قلبي نتطمن
هزت راسها بالنفي تركب السيارة تناظره يجلس بجانبها
:اخذت برد بس
تنهد يشبك يده بيدها يرفعها لثغره يقبّلها بهدوء:عافية
ابتسمت بتعب تصد عنه تناظر الشارع تعقد حجاجها بخوف من اللي في بالها يدق قلبها بخوف ترتبك تبلع ريقها،ناظرها عساف بهدوء يتنهد يخاف عليها ينطق باصرار:بنروح وريد قلبي
هزت راسها بالنفي تنطق بابتسامه تناظره:قدامك دكتورة يا عساف
ضحك بهدوء ينطق:دكتورة قلبي و وريده احبك
ابتسمت بهدوء ما ترد تنزل نظرها تغمض عيونها تهدي روعها و رعبها وخوفها من الشي اللي في بالها~
YOU ARE READING
معذورة لو تكبرت مغرورة يا بخت الغرور
Randomاول رواياتي"معذورة لو تكبرت مغرورة يا بخت الغرور" أُفضل عدم التصريح عن اسمي الحقيقي"الاسم مُستعار" الانستا:p12t.s الكاتبة:الشيهان العُمر✍️
