معذورة لو تكبرت مغرورة يا بخت الغرور

الجزء47

جالسة على الكنبة بالبلكونة تناظر ظلام الليل و الغيوم البيضاء تغمض عيونها من لفحتها نسمة هواء باردة جداً
ترفع رجولها لها تضمهم بهدوء تفتح عيونها تناظر المطر الخفيف اللي يهطل تبتسم بخفة تشد اللحاف عليها تثبت دقنها على رجولها تسرّح بتفكيرها بكل شي،بلعت ريقها تتذكر عساف واللي صار بينهم قبل شوي لكنه نام وظلت وريد صاحيه تسرّح بملامحه وبالنهاية وقفت تدخل الحمام تتروش وتلبس بجامة ثقيلة تجلس على البلكونة بعد ما عملت لها قهوة سوداء،غمضت عيونها بهدوء تسمع نبض قلبها تحاوط بطنها بهدوء~
فتح عيونه عساف يناظر الغرفة خالية يعقد حجاجه يرفع نفسه يجلس على السرير يمسح وجهه يلتفت براسه يناظر باب البلكونة فاتح من لفحه هواء بارد وتنهد يوقف يمشي للحمام يتروش وطلع بعد مدة وهو لابس بجامة ثقيلة وينشف شعره بالمنشفة اللي على عنقه رفع يده يشيل المنشفة يرميها ب إهمال على الأرض وتوجه للبلكونه تلين ملامحه من شكلها كيف ساندة راسها على رجولها و مشى لها يجلس بجانبها تفتح عيونها وريد من شمت ريحة عطره تلتفت براسه عليه وللحين راسها على رجولها يبتسم عساف لها وعقدت حجاجها وريد تناظر شعره المبلول تنطق ترفع ظهرها:عساف
ناظرها ينطق بهدوء يرجع ظهره لظهر الكنبة يناظر المطر:سمّي
تنهدت تنطق تفتح اللحاف اللي محاوط جسده تنطق تناظره:تعال
ابتسم من مراوغتها يقرب منها يرفع يده على كتوفها يغطيهم اثنينهم باللحاف تبتسم وريد تقرب منه تسند راسها على كتفه يبتسم عساف بهدوء يحاوطها ورفعت راسها وريد تناظره تعقد حجاجها ترفع يدها لشعره المبلول تخلل اصابعها فيه من قدام تحركه بعشوائية و ناظرها عساف يرمش بهدوء ونطقت وريد تحرك شعره بيدها:بتمرض عساف
ما رد عليها يرفع يده يمسك يدها ينزلها لثغره يقبّلها بهدوء تناظره وريد تبتسم بخفة
نطق عساف يناظر شعرها المبلول لكنها مغطيته باللحاف:ليه طالعة وجالسة و شعرك مبلول؟
ابتسمت بعبط تنطق ترفع اكتافها:بس انا مغطيته
ناظرها بمكر وتوسعت عيون وريد من انحنى بظهره يسند راسه على صدرها و بحضنها تحاوط وريد ظهره بهدوء تسمعه ينطق:وانتِ تدفيني وريد قلبي
ابتسمت بهدوء ترجع ظهرها للخلف يرفع راسه عساف لكتفها تاخذ نفس وريد بهدوء ورفعت اللحاف على راسه يضحك عساف بهدوء ونطقت وريد تضمه:مابيك تروح
ميل شفايفه يناظرها وكملت وريد ترتشف من كوب قهوتها:مابي تبعد عني عساف
ضحك بهدوء ياخذ الكوب من يدها ينطق وهو يرتشف من جهتها:طيب قولي اشتقت لك!
ناظرته تبتسم بهدوء يناظر عساف لمعة عيونها الخُضرّ
وهو يرتشف وبعد الكوب عن ثغره تقرب وريد باستعجال تشرب من يده قبل ينزله يناظرها عساف يضحك بذهول من حركتها
بعدت عنه ينطق عساف بضحك:عافيه يوريد القلب
ابتسمت له بعبط يشد عليها عساف تتنهد وريد تاخذ نفس تناظر المطر تسمع صوته من الهدوء اللي بينهم و
باس راسها عساف ياخذ نفس من ريحة عطرها ينطق يميل راسه على راسها:رحلتي على 7 الصباح
عبست ملامحها بضيق تنطق من غير ما تناظره:عساف ضروري تروح؟
ابتسم ينطق يمسح على ذراعها يحس برجفتها الخفيفة
:ضروري يا قلبي ولا انا اقدر على بعدك؟
ناظرته تتنهد و بعدت عنه توقف تمشي لحدايد البلكونة
تمسك بيدها تاخذ نفس يناظرها عساف يوقف يمشي لها يوقف بجانبها يلتفت بجسده عليها:وريد قلبي
ما ناظرته ينطق عساف:يبنتي شغل ما اقدر اتركه
تنهدت تنزل راسها تناظر يدها بسرّحان تكره البعد والوداع جداً وناظرها عساف يتنهد يمشي لها يحاوط خصرها يلفها عليه تسند وريد ظهرها على حدايد الدرج
و ناظر عساف عيونها يبلع عيونه من لمعانهم اللي ملاحظه بوسط الظلام:وريد قلبي
ناظرته تزم شفايفها تنطق:طيب مابي تروح عني مابيك تبعد و تتركني لوحدي
تنهد ينطق يبعد شعرها عن وجهها يحاوط ظهرها وخصرها يقربها منه من لفحهم الهواء البارد جداً ينطق بهدوء:ما بتركك بسافر مدة وارجع لك ما بطول عليك
ميلت شفايفها تشتت نظرها عنه يناظرها عساف وسرعان ما قرب لها تشترك انفاسهم تناظره وريد بتوتر ما تقدر تفرّ منه لانه محاوطها الحدايد وراها وهو قدامها
نطقت بهدوء:عساف
ناظرها و سرعان ما توسعت عيونها من قبّل ثغرها ترتبك،بعد عنها عساف يناظرها ينطق وهو يشدها له:اشتاق لك وانتي بحضني شلون وانا بعيد؟
بلعت ريقها تحاوط كتوفه ينطق عساف يناظر عيونها يسمع صوت الرعد:احبك
ابتسمت بهدوء تناظره تنطق:وانا اكثر عساف الوريد
هز راسه بالنفي ينطق يناظر عيونها:احكيها احكيها وريد قولي احبك قولي اشتاق لك مثل سعود و القهوة احكي وريد احكي
سمعت كلامه تلين ملامحها لانه ماخذ على خاطره منها ونطقت بهمس تحس فيه يشد عليها:احبك عساف احبك واشتاق وعساف الوريد يقول مدهاك القلب و مرباعك ضلوعي وريد قلبك تقول لك مدهاك القلب و مرباعك ضلوعي
ابتسم بوسع يسمع اعترافها اللي ما يسمعه كثير بسبب كبريائها رغم حبها وانشرح صدره من نطقت"مدهاك القلب و مرباعك ضلوعي" حكاها لها ب اول اعتراف و زعل بينهم:محدٍ ينافسك بقلبي وريد قلبي احبك يشهد الله
ابتسمت بوسه تناظر عيونه تشعر بصدق كلامه وغمضت عيونها من قبّلها ينحني ظهرها للخلف يحاوطه عساف لجل ما تتوجع من الحدايد تبادله وريد بهدوء،بعد عنها بعد دقائق من سمع صوت الرعد يناظرها و سحبها من يدها يدخلها للغرفة ينطق بابتسامه يلاحظ ارتجافها:لا تطلعين برد
هزت راسها من غير رد تناظره و بلعت ريقها من نظراته لها و سرعان ما مشت له تحاوطه يبادلها عساف بقوة يرفعها له تميل راسها من دفن راسه بعنقها ومشى فيها عساف للسرير ينسدح على ظهره و وريد بحضنه
نطقت وريد بهدوء:عساف
همهم لها و راسه بعنقها تزفر وريد بارتباك ترفع يدها تلعب بشعره تحس فيه يبتسم
مغمض عيونه يتنهد من نعومة بشرتها و ريحتها اللي جايبة راسه يحاول ما يتهور ما ينسى تفاصيل البارح ابداً و رفع راسه يناظر وجهها ياخذ نفس وانحنى لثغرها يقبّلها بقوة تُجبر وريد على مبادلته~
جالسة بحضنه بعد فوج طويل من الاحضان و القبّل بينهم تناظر بداية الفجر تميل شفايفها بضيق لانه بقى اربع ساعات و يتركها عساف،ناظر عساف ملامحها وهي تناظر قدامها يسرّح بملامحها من النور الخفيف بالغرفة يسرّح ب انفها سلة السيف و ثغرها المرسوم حواجبها المرتبة و عيونها سبب هلاكه ورمشوها كأنها عساكر تحاوطها،شدها له تناظره وريد تنطق وهي تحاوط وجهه:طيب مابي تروح عساف أجلها
ابتسم يحط يده فوق يدها اللي على وجهه:ما اقدر يا حبيبي
ميلت شفايفها بزعل تغرس راسها بعنقه يتنهد عساف يغمض عيونه يحاول ما يسمع لشعوره،ظلت وريد على وضعها و عساف ضامها بقوة يخفف شوقه لها اللي من الحين بدأ يناظر ساعة الجدار يتنهد ورفع نفسه لجل يبعد عنها لكنها شدت عليه تعض شفتها تنزل دمعتها على خدها بصمت
تنهد عساف يضمها بقوة ينطق بهدوء يمسح على شعرها:وريد قلبي لازم اروح
هزت راسها بالنفي يتنهد عساف يرفع نفسه و يرفعها معه لأنها متمسكه فيه بقوة،بعدت عنه وريد تجلس قدامه تناظره تزم شفايفها يبتسم عساف بهدوء يناظرها:راجع لك ما بتركك وريد
ميلت شفايفها تنزل دمعتها يتنهد عساف يوقف مباشرة لجل ما يهزم عند شعوره يدخل الحمام تتنهد وريد تمسح على وجهها تنزل نظرها لبطنها تبلع ريقها بهدوء
طلع عساف من الحمام يناظرها منزلة نظرها لبطنها يبلع ريقه بهدوء يتوجه للتسريحة يمشط شعره يناظر انعكاسها للحين ما ناظرته ياخذ نفس بضيق ولبس ساعته و خاتمه يرش من عطره تغمض عيونها وريد من وصلت الريحة لخشمها،وقفت تناظره يناظرها و سرعان ما مشت له ترفع يدينها تضمه بقوة يشد عليها عساف يغمض عيونه ياخذ نفس من عطرها
بعد عنها بعد مدة يناظر وجهها الاحمر ينطق يحاوط وجهها بابتسامه:مابيك تبكين الا بحضني يا وريد
هزت راسها تزم شفايفها ينطق عساف يبوس راسها:انتبهي لنفسك وريد،الحين سعود عندك يحلّ مكاني لو حسيتي بوجع احكي له اتفقنا؟
هزت راسها تغمض عيونها بهدوء يبوس جبينها وبعد عنها ينطق يمسح على وجهه من الشعور اللي يجتاحه
:بنزل لهم
ناظرته تاخذ نفس تنطق تتوجه للدولاب:بنزل معك انتظرني
هز راسه يناظرها تلبس عبياتها وتلف شالتها ب اهمال يعقد حجاجه يتنحنح يناظرها وتنهدت وريد تمشي توقف قدامه تناظر عيونه يبتسم عساف لها يسحبها له يضمها تحاوطه وريد تعض شفتها تعقد حجاجها و بعدت عنه لكن للحين محاوط ظهرها تناظر وجهه وتنهد عساف يسند جبينه على جبينها تناظره وريد بهدوء تحبس عبرتها ب داخلها وغمضت عيونها من انحى لثغرها يقبّلها بقوة تُجبر وريد على مبادلته تحس فيه يتعمق يرجع بخطواته للخلف يشدها له ترفع وريد يدينها تحاوط كتوفه تشد عليهم كأنها تنبهه وبعد عنها عساف يسند جبينه على جبينها يناظرها يبتسم بهدوء
يحس بتسارع انفاسها يبلع ريقه يرجع يضمها تنزل دمعه وريد تدفن راسها بصدره تمسح دمعتها بيدها تنطق:عساف
نطق بهدوء:سمّي يعيونه
تنهدت تشد على قميصه:لا تطوّل عليّ عساف
ابتسم يبعد عنها يناظر عيونها الحُمرّ يبتسم يحاوط وجهها:ما اقوى على بعدك الله يعينني على الايام بدونك وريد قلبي
ابتسمت بخفة يناظر عساف علامه خدها ياخذ نفس يملي جوفه ينحني يبوس شامتها قريب من ثغرها تبتسم وريد بهدوء،بعد عنها يمسك يدها يطلعون من الغرفة ينطق:لو ما طلعت الحين ما بيحصل لك طيبّ
ابتسمت بخفة تشد على يده تنزل تناظر الجميع جالس
يدخل عساف ينطق:السلام عليكم
ردوا عليه يناظره راجح يبتسم له ينزل نظره ليدهم يبتسم بوسع و رفع راسه من تقدم عساف ماسك بيد وريد يرفض يتركها تعض شفتها وريد بخجل لان راجح ضمّ عساف وحاوطه عساف بيد واليد الثانية مرجعها للخلف محاوط يدها
ناظرهم سعود يبتسم بهدوء يدري بتعلق عساف بوريد
وابتسم يغمز لوريد من ناظرته يلاحظ احمرار ملامحها دليل بكاها يبتسم ياخذ نفس
ناظرتهم شادن اللي تو جلست تبتسم بهدوء تندم على كل شي،بروق لها ٣ ايام ملازمة البيت ولا تطلع منه ترفض تجي معها للقصر وتتركها شادن تتفهم وضعها،
بعد عساف عن راجح يلتفت يناظر وريد يبتسم يجلس وتجلس وريد بجانبه يرجع عساف ظهره للخلف يرفع يده خلف كتوفها تناظره وريد تبتسم بهدوء تخنقها العبرة وابتسم عساف بخفة يلتفت لراجح يسمعه ينطق:بتبطي عساف؟
هز راسه بالنفي يحط يده على حاجبه: ان شاء الله لا
ابتسم راجح يناظر وريد تناظرهم:درب السلامة
ابتسم عساف يلتفت لهالة اللي نطقت:ترجع بالسلامة
ناظر ساعة الجدار يتنهد يرفع يده عن وريد يوقف تناظره وريد تعض شفتها تحبس غصتها و وقف الجميع يسلم على عساف
ناظر سعود وريد يتنهد يشوف ملامحها قلبت للون الاحمر ما يدري وش يدور بذهنها لكنه متضايق لجلها،
ابتسم عساف يبعد عن فزاع يناظر وريد يمشي لها يدخلها تحت ذراعه يناظرهم راجح يبتسم بهدوء:الله يحميكم
نطق عساف يناظرهم:فمان الله
ابتسم راجح يناظر وريد اللي تناظر الأرض تخونها رجفة يدينها:بحفظه،خذوا راحتكم يالعضيد
ابتسم عساف له يبتسم لهالة اللي تناظرهم و مشى عساف و وريد تحت ذراعه منزلة راسها تبكي بصمت،ناظرهم سعود يتنهد يجلس يناظر راجح ينطق بهدوء:بالعادة يبطي؟
هز راسه راجح يبتسم يفهم شعور سعود:اي لكن مب دايم
ميل شفايفه سعود يهز راسه بهدوء يصد عنهم لجواله يقلب فيه،
وقف عساف مع وريد بالممر يتركها يلتفت يناظرها يعقد حجاجه يشوفها تبكي يقرب منها يحاوط وجهها يناظرها ينطق:وريد قلبي
ناظرته بدموع يبتسم عساف يمسح دموعها ينطق:وريد قلبي ليه البكي يعيوني؟
زمت شفايفها تنطق تناظره:لا تطوّل عساف
ضحك بهدوء يناظرها: من عيوني،على خشمي
ابتسمت بدموع يناظرها عساف يتنهد و ناظر الممر يميل راسه يمسك يدها يمشي معها للغرفة اللي بابها مقفل يدخل يسكر الباب يحاصر وريد على الباب تناظره وريد بهدوء ومد يده لخصرها يحاوطه و يحاوط ظهرها تناظر عيونه وريد ترفع يدينها تحاوط عنقه يبتسم عساف بهدوء قربها منه تلصق فيه وريد يرجع فيها للباب يحاصرها ينحني لثغرها يقبّلها تغمض عيونها وريد،بعد عنها بعد دقائق طويلة تلتقط وريد انفاسها يضمها عساف مباشرة لجل ما ينهزم عند شعوره يغمض عيونها يشد عليها تدفن راسها وريد بصدره و بعد عنها يناظر وريد ينطق بابتسامه:استودعتك الله
تنهدت ترفع نفسها تبوس خده بخفة تنطق:فمان الله
ابتسم بوسع ياخذ نفس لجل ما يتهور هنا يناظرها لثواني طويلة ترمش وريد بهدوء ينطق عساف يتركها
يخرج من الغرفة:استودعتك الله وريد قلبي
خرجت وريد خلفه توقف على الباب تناظره ركب سيارته وحرك من القصر بعد ما دق بوري لها وتنهدت وريد تمسح وجهها تعدل شالتها و تدخل الصالة تناظر سعود تبتسم بهدوء له تتوجه تجلس بجانبه يحاوط كتوفها سعود يبوس راسها يحس بضيقتها من تنفسها السريع و رجفة يدينها:بشويش
ابتسمت وريد بخفة يناظرها راجح يبتسم يغمز لها تضحك وريد بهدوء يبتسم ذياب من ضحكتها
نطقت ملاك تلتفت لريفال:وش رأيك نطلع المول المغرب؟
ابتسمت ريفال تنطق بهدوء:اي بجيب كم غرض ناقصني
ابتسمت ملاك تنطق:بنحكي لوريد و لاما لجل يرحون معنا
نطقت ريفال بهدوء:طبعاً و نروح مع وريد نغير جوها وجهها مب عاجبني ابداً ابيها فرفوشة
ضحكت ملاك بهدوء وابتسمت نجلاء تناظرهم وصدت عنهم لوريد اللي غمضت عيونها على كتف سعود
نطقت بهدوء:وريد يما
ناظرتها وريد بهدوء تنطق نجلاء تلاحظ رجفة يدينها:برد؟
هزت راسها وريد ترفع راسها عن كتف سعود اللي ناظرها يرفع يده على جبينها يعقد حجاجه بهدوء يهز راسه بمعنى مافيها شي يبوس جبينها بخفة ويبعد عنها
نطق ذياب يناظرها بابتسامه:ما حلكّ تتعودين؟
ابتسمت له بخفة ما ترد ينطق غيث بضحك:القط اكل لسانك يحَرم عساف
ناظرته وريد تنطق تهز راسها:مالي خلق اتكلم
ضحك سعود ينطق راجح بعبط:لهدرجة غياب عساف مأثر؟للحين ما صار له ساعة غايب!
ضحكت بهدوء ما ترد عليهم يرتفع ضحكهم على  ملامحها و تشتت وريد نظرها عنهم
نطقت ملاك تناظرها:وريد
ناظرته تنطق بهدوء:هلا
ابتسمت ملاك تنطق:بنطلع السوق تطلعين معنا؟
ابتسمت من ابتسامتها تنطق:ابشري نطلع
ابتسم راجح يرفع حجاجه من طريقه كلام وريد ونطقت ريفال تناظرها وتناظر لاما:بنطلع جميع تم؟
ابتسمت وريد تميل راسها:تم
ضحكت لاما تناظرهم يناظرونها ب استغراب تنطق بضحك:تخيلت اشكالنا واحنا تمشي و يدينا على ظهورنا!
ضحكت هالة بهدوء تناظرها وغطت وجهها ريفال تضحك تناظرهم وريد تتنهد بهدوء و ناظرها سعود يبتسم بخفة
همس سعود لوريد:بقدم لمستشفى الحياة
ناظرته بصدمة تبلع ريقها تنطق بنفس الهمس:بترجع لندن؟
ابتسم ينطق بهدوء:فرع السعودية!
ناظرته بذهول تنطق:المستشفى حقنا فرعين لندن و السعودية؟
هز راسه يضحك بخفة على ملامحها:حقك،اي فرعين
بلعت ريقها بذهول"حقها" من متى و كيف وليه..وأسئلة كثيرة بعقلها مالها جواب وكانت بتنطق لكن سكتت من نطق سعود وهو يوقف:بطلع انام
ناظرته يمشي للدرج تنزل نظرها ليدها تبلع ريقها و وقفت تستأذن منهم تمشي للدرج من غير ما تسمع ردهم يناظرها راجح يبتسم مبسوط وجداً لكنه مب قادر يتكلم بشي او يتصرف لوقت ما تحكي لهم وريد،
ناظرت لاما فزاع اللي تو دخل تبتسم بهدوء لانه من البارح بالمكتب
نطق فزاع:السلام عليكم
ردو عليه السلام يناظر فزاع لاما يبتسم بتعب و مشى يجلس بجانبها تهمس له لاما:يا هلا
ابتسم بتعب يرجع ظهره لظهر الكنبة يرفع يده خلف كتوف لاما اللي ابتسمت بهدوء:هلا فيك حَرم فزاع
ناظرته تشوف التعب بعيونه تتنهد
ابتسم راجح ينطق:خير شر صقر نسرّ؟
ناظره فزاع ينطق بابتسامه:خير،صقر وانت صادق
ضحك راجح بخفة لان فزاع يفهم عليه مباشرة من غير تلميح يمسح على وجهه،ناظر فزاع لاما ينطق:ميت نعس بطلع انام
عقدت حجاجها تنطق:بسم الله عليك فزاع
ابتسم يناظرها وهز راسه يوقف يمسك يدها يستأذن يطلع الدرج تناظرهم غند تبتسم بهدوء،