The Criminal & Habibi

Part 6

Unicode

screen ထက်က ပုံတွေကို အရာရှိတစ်ချို့နဲ့အတူ ဝန်ကြီးချုပ်ပါ ထိုင်နေလျက်ရှိကာ ကြည့်နေတာဖြစ်သည်။ လျို့ဝှက်အင်ဂျင်စီအဖွဲ့ဟာ သူတို့ရှာဖွေထားသည့်အချက်အလက်တစ်ချို့ကို တင်ပြနေတာ။ 

"Ahmad Jeon...လို့ခေါ်တယ်..သွေးနှောတစ်ယောက်...Jeon Jungkook တဲ့...အဖေက ဟန်ဂုလူမျိုး...အမေက အာရပ်သူ...လက်ရှိ UAE နိုင်ငံသားအဖြစ် ခံယူထားတာ..."

screen ထက်ကပုံမှာ စွန်ငှက်ကို ကိုင်ထားကာ ပက္ကရီကို ဝတ်ထားပြီး မျက်နှာကိုအုပ်ထားလျက် ဂျွဗ်ဘာအဖြူရောင်ဖြင့်ရှိနေကာတစ်ဖက်တွင် ကုလားအုတ်အကြီးကြီးတစ်ကောင်ဖြင့် ပုံဖြစ်သည်။ 

"အစ္စလာမ်ဘာသာဝင်တစ်ယောက်ပါ...အာရဗီယန်းပေါ့...အဲ့တာမို့ကြောင့် သူ့ကို Ahmad Jeon လို့ဘဲသိကြတာ..."

"သူ့မျက်နှာဖော်ထားတဲ့ပုံမရှိဘူးလား...ဘယ်လိုကောင်ကများ ငါ့သားကို ပြန်ပေးဆွဲရဲသလဲဆိုတာ သိချင်လို့..."

"မရှိဘူး...ပုံတိုင်းမှာ မျက်နှာအုပ်ထားတာချည်းဘဲ...စုံစမ်းခဲ့သလောက် Ahmad Jeon..ရဲ့မျက်နှာကို မြင်ဖူးသူဆိုတာ မရှိဘူး...UAE ကရဲတွေတောင် မဖမ်းနိုင်ဘူး...ဒုစရိုက်လက်နက်ကိုင်လောကမှာ အာဏာအရှိဆုံးဘဲ...ရာဇဝတ်သားတစ်ယောက်ပါဘဲ...နိုင်ငံရဲ့အာဏာရှင်တွေတောင် မထိရဲတဲ့ ရာဇဝတ်သား...သူ့လက်ထဲမှာ ရှိနေတဲ့အဖိုးတန်တွေကိုလည်း ပြန်မယူနိုင်ရဲကြဘူး...အဲ့လောက်အထိ Ahmad Jeon ရဲ့ အာဏာက ပြင်းတယ်..."

"ငါက အဲ့စိန်တွေကို လွယ်လွယ်နဲ့ပေးလိုက်ရမှာလား...ငါ့အတွက်လည်း လွယ်လွယ်လည်း အဲ့ပစ္စည်းတွေက လေလံအောင်ခဲ့တာမဟုတ်ဘူး...အဲ့တာမို့ကြောင့် သားကို ပြန်ပေးဆွဲထားတာ...သိပ်လည်တာဘဲ.."

"ကျွန်တော်တို့နားလည်ပါတယ်...အခုမစ်ရှင်းမှာ လူကြီးမင်းရဲ့သားကိုကယ်ဖို့ပါဘဲ..."

"ဖမ်းလို့မရရင်တောင် အထိနာအောင်လုပ်ပေး..."

"ကျွန်တော်အကြံပေးနိုင်တာကို စိန်တွေကို ပေးလိုက်ပါ...လူကြီးမင်းဘက်ကပေးမယ်ဆိုတဲ့အရိပ်အယောင်ပြလိုက်ရင် Ahmad Jeon က လူကြီးမင်းရဲ့သားနဲ့အတူ ကျွန်တော်ရှေ့ပေါ်လာမှာဘဲ...ရာဇဝတ်သားကိုလည်း ဖမ်းကြရမှာပေါ့..."