ဝါဆိုဝါခေါင်ရေဖောင်ဖောင်ဆိုသည့်စကားပုံအတိုင်း
မိုးစက်တွေဟာ အတောမသတ်နိုင်တော့။တလုံးတခဲ
မရွာရင်တော့အမြဲတမ်းလိုလို မိုးဖွဲဖွဲတွေကျနေတက်
သည်။ဝါတွင်းကာလပင်မို့ ကြင်ဖက်ကလေးတွေ့
အဆင်ပြေလို့ရှိရင်လာမဲ့လကျရင် လက်ထပ်ထိမ်း
မြားဖို့အဆင့်သင့်ရှိပြီးသား။
အခုတော့ပျောက်ချင်းမလှပျောက်သွားသောသားဖြစ်
သူ စိုင်းဧကရာဇ်ဂျွန်ကြောင့် ဒေါ်နန်းဧကရီမင်းသည်
ရှုံံ့မဲ့ကာ..မြင်းလှည်းသမားဖိုးလူကို အာပြဲလျှာကြမ်းဖြင့်
စစ်မေးနေပါတော့၏။ဒေါ်နန်းဧကရီမင်းက နယ်စားမင်း၏မိခင်ဂုဏ်ပုဒ်ကိုခံယူထားပင်မဲ့ တခြား
မိန်းမတွေနဲ့မတူဘဲ ပြောစရာရှိရင်ပွင့်ပွင့်လင်းလင်း
ပြောတတ်ပြီး လူတိုင်းနှင့်မတည့်သည့်လူ့ဂွစာမျိူး
ဖြစ်သည်။
"ဟဲ့..ကျူပ်သားရောလို့..ဖေကြီးဂျွန်..ရှင်ကတော်
တော်အိပ်ကောင်းနေတယ်ရော်..ဒီမှာ..တော့်သား
တယောက်လို့ပျောက်သွားတာမသိဘူးလား..အမလေး.."
ဒေါ်နန်းဧကရီမင်း၏အသံစာစာကြောင့် ဦးစိုင်းရာဇာ
လှုပ်လှုပ်ရွရွဖြစ်လာသည်။အမ်..ဦးစိုင်းရာဇာကတော့
ခပ်အေးအေးလူစားမျိူး..အမြဲတမ်းပုတီးစိပ်နေတတ်
ပြီးဘုရားတရားသမား။တောင်တောင်မလိုအပ်ရင်
စကားသိပ်မပြော..ရွာထဲကလူတွေကတော့ အသွင်တူ
လို့အိမ်တူဖြစ်တယ်ဆိုတဲ့စကားကို ဦးစိုင်းရာဇာတို့
လင်မယားကိုကြည့်၍ သိပ်မယုံကြည်ကြ။ဘယ်နှယ့်..
အပေါက်ဆိုးဆိုးဒေါ်နန်းဧကရီမင်းနဲ့ ဘုရားရိပ်တရား
ရိပ်သမား ဦးစိုင်းရာဇာတို့ချစ်ကြိုးသွယ်ခဲ့ကြလဲသူတို့
မသိကြ။
"အေ..အဲ့ဒါမင်းလုပ်လို့ဖြစ်တာလေ..ကျူပ်သားမှ
မိန်းမမလိုချင်တာကို..မင်းပဲအတင်းပေးစားဖို့လုပ်နေ
တာကို။အခုသားက..မလိုချင်မှတော့ထွက်ပြေးပြီ"
လူအေးကြီးဦးစိုင်းရာဇာကပါ ဒီလိုပြောလာတော့
ဒေါ်နန်းဧကရီမင်းတို့မခံစားနိုင်တော့..
"ကျူပ်ကလည်း..မသေခင်လေး အိမ်ထောင်ကျတာ
မြင်ချင်လို့ပါကွယ်.."
မျက်ရည်တစမ်းစမ်းဖြင့်ပြောလာသောဒေါ်နန်းဧကရီမင်းကိုကြည့်၍ ဦးစိုင်းရာဇာလည်းနှစ်သိမ့်လိုက်ပြီး
သတို့သားမပါတော့ ပြန်လှည့်မည်ဟုဆိုကာဖိုးလူ
ကိုပြန်လှည့်ခိုင်းလိုက်တော့သည်။
YOU ARE READING
ချယ်ရီမြေပေါ်က မောင့်ချစ်သက်သေ | KV
Fanfictionချယ်ရီတွေသာပေါများတဲ့ဒေသမို့လို့ ပိတောက်ပန်းတွေ မရှိမှာစိုးရတယ်..ထွေးငယ်။ ဒါကြောင့်..ချယ်ရီကိုသာပန်ပါကွယ်..။ Own creation
