❣️အချစ်ကွန်ချာ❣️{Part--82}
*******❣️*******
Moonshine group...
ကုမ္ပဏီရောက်လာပေမယ့် ရိုင်းစိတ်တွေ လေးလံထိုင်းမှိုင်းနေခဲ့သည်။
ဘာကဘယ်လို အစရှာရမယ်မှန်းမသိအောင်ထိ အိမ်မှာကျန်ခဲ့သည့် သားလေးဆီကိုသာ စိတ်ကရောက်နေတာဖြစ်သည်။
" ဥက္ကဌ...!
meeting ချိန် 5 မိနစ်ပဲလိုတော့တယ် "
Meeting room ထဲဝင်ဖို့ နန္ဒလာသတိပေးမှ ငူငူငိုင်ငိုင် ထိုင်နေသည့် ရိုင်းမှာ သတိဝင်တော့သည်။
အစည်းအဝေးလုပ်နေချိန် တောက်လျှောက်လည်း ရိုင်း စိတ်နှင့်လူက လမိုင်းမကပ်ပါ။
မနည်းအာရုံစူးစိုက်နေရပြီး စိတ်တွေက ရှုပ်ထွေး နောက်ကျိနေခဲ့၏။
သက်ပြင်းကြိတ်ချရလွန်းလို့လည်း လူက အသက်တိုတော့မလားမသိ။
အစည်းအဝေးပြီးတာနဲ့ ရုံးခန်းထဲ ပြန်ဝင်လာကာ ထိုင်ငိုင်နေသည့် ရိုင်းအတွက် နန္ဒကပဲ မနေနိုင်စွာ ကော်ဖီယူလာပေးရသည်အထိ။
" ဥက္ကဌ...ကော်ဖီပါ "
အလိုက်တသိ နန္ဒ ကမ်းပေးလာသည့် ကော်ဖီခွက်ကို တစ်ချက်ကြည့်ကာ
" အင်း...ထားခဲ့လိုက် ၊ ဒီနေ့အတွက် အရေး
ကြီး စစ်ရမယ့်ဟာတွေရှိရင် ပေး "
" ဟုတ်ကဲ့...ဥက္ကဌ ၊
ဒီမှာပါ...လက်မှတ်ထိုးရမယ့် ဖိုင်တွေပါ ၊
ဒီနေ့ ချိန်းထားတဲ့ အလုပ်ကိစ္စတွေက..."
" ငါ အဲ့လောက် အချိန်မပေးနိုင်တော့ဘူး
မင်းဘာသာပဲ ကြည့်လုပ်လိုက်တော့ နန္ဒ "
" ဟုတ်ကဲ့ပါ "
အစည်းအဝေးချိန်က ကြာသွားခဲ့၍ မနက် ဆယ်နာရီထိုးလုနေပြီ။
မျက်စိရှေ့မှ ဖိုင်တွေကတော့ ရိုင်း လျစ်လျူရှုလို့မရပြန်သေး။
ဟူးးးးးးးး
သက်ပြင်းမောကြီးကို ခပ်ကြမ်းကြမ်းမှုတ်ထုတ်ရင်း ဖိုင်တွေကို ကောက်ကိုင်လိုက်ရ၏။
" ဒေါက် ဒေါက် "
" ဝင်ခဲ့ "
အလုပ်ထဲအာရုံရောက်နေတုန်း တံခါးခေါက်သံကြောင့် ခပ်ဆတ်ဆတ် ခွင့်ပေးလိုက်တော့
အခန်းထဲဝင်လာသည့် နန္ဒက ရိုင်း လက်ထဲ ဖိုင်တစ်ခု ထည့်ပေးလာရင်း...
YOU ARE READING
အချစ်ကွန်ချာ
Romanceမာယာများတဲ့အချစ်ကြောင့် နောက်ထပ်မချစ်မိအောင်မာယာေတွနဲ့ကာကွယ်တတ်ခဲ့ပေမယ့် မင်းရဲ့ ဖြူစင်ရိုးရှင်းတဲ့ချစ်ခြင်းကတော့ ကိုယ့်နှလုံးသားရဲ့အကာအကွယ်နံရံတွေကို ပြိုပျက်စေတဲ့အထိ နူးညံ့စွာအင်အားပြင်းလွန်းခဲ့တယ် ( လရိပ်မြှား ) ကျွန်တော့် အပြုအမူတိုင်းက ရင်ထဲကလ...
