بسم الله
محمد وهو يمسح دمعته : مافيها شي منعوني ادخل اتطمن عليها قالو حالتها ما تسمح عقلي موقف من التفكير مدري وش اسوي ليه ما حميتها
بدأ يبكي حضنته مهره وهي تقول : لا تسوي كذا ياعيون خاله انت ادعي لها ان شفناك تبكي عرفنا انها راحت
وقف بكاء وقال وهو يكرر : بعيد الشر بعيد الشر عنها باخذ حقها من الي سو كذااا لو على جثتي !
الكل بصدمه من كلامه بس سكتو لانه بحاله يمكن يذبح اي شخص قدامه
مرت عليهم اشهر صعبه ينتظرون متى جواهر ترجع ويرجع جو البيت الحلو رفضو يسافرون إلا ان يشوفو جواهر ويتأكدو انها بخير وصحه
بعد 6 شهور
دخل محمد على غرفتها بالمستشفى جلس جنب سريرها الي حوله أجهزه كثيره ورفع عينه عليها وجهها الي ذبل من كثر التعب
بداء يتكلم كانها تسمعه : المفروض الحين ببيتنا الخاص متى تقومين ونفرح اهلنا فينا ؟
نزلت دموعه وخانته بلحظه ضعف مسك يدها بحنيه وهو يناظر للشباك شدت على يده بقوه ونزل نظره للسريرها ولقها تفتح عينها شوي شوي دق على الجرس بأسرع وقت يردد عليه الين ما حضرت ريتان
يكلمها بحماس : جواهررر جواهرر صحيتيييي
دخلت ريتان بخوف : وشششش فيههه وش فيههه
محمد بحماس: صحتتت صحتتت مسكت يدي شدتهاااا
ريتان وهي تركض من عند الباب الين عند راس جواهر
قامت تفحصها وصرخت بحماسسسس وفرحح: صحتتت صحتتت
ركضت عند دكتوره سميره وتعلمها يتوجهون لغرفة الاستخبارات ظلام
فتحت جواهر عيونها مو مستوعبه شي آخر شي شافته وجه الي طعنها رفعت عيونها تحاول تشوف مين الي قدامها استوعبت انه هو شدت كم ثوبه عشان ينزل لمستوها
وتكلمه استغرب من حركتها فهم بسرعه ونزل راسه لها حس انها تبي تتكلم قرب لها
محمد : امريني ياعمري فيك شي
جواهر : ابي اهلي امانه جيبهم لي
محمد: تأمريني امر كم عندي جوجو عيوني وحياتي انتي
ضحكت له وتكلمت بحيره وتعب : شرايك تعلمهم ولا أفجعهم بجيتي البيت
رد وهو يحس الدنيا بعيونه حلوه من ضحكتها : قصدك نسوي لهم مفاجاءه مو نفجعهم موافق نسوي لهم احلى مفاجاءه بس قومي بخير ونطلع
ناظرت في ريتان وتكلمت جواهر : اكشخخ الممرضه ريتان تتابع حالتي
ضحكت ريتان : كم عند جواهر اهتم فيها
جواهر : لو ادري اهتمامكم كذا كان تعبت من اول
محمد : اعوذ بالله الله لا يعيدها من 6 شهور يجواهر
جواهر بصدمه : كذابببب !
ريتان بضحك : غيبوبه وعدت الحمدلله وشوفي انتي صحيتي كلها شهر تطلعين
جواهر بتعب : حاولي تطلعيني لي خروج بكرا ما راح ارتاح هنا البيت افضل
ريتان : بحاول في دكتوره سميره واشوف
محمد: ابي وقت لوحدي معها واصلاً اطلعها اليوم ان شاءالله
خرجت ريتان وهي ودها تصفق محمد بارد مستفز ما يستغني عن الشي الين يكرهه بنفسه ولا يكمل بعد الين يفقد الشي ببرود
بداء محمد كلامه : ليه خبيتي الموضوع عن اهلك ؟
جواهر بتعب : مالي خلق اتكلم راسي يوجعني بنام
رفعها بحنيه : لا لا مافي نوم حاولي تتحملين لين ما اخلص الاجراءت وبطلع لك خروج تطمني
ركت ظهرها على السرير الي رفعه لها عشان ماتنام خاف انها ترجع لغيبوبتها وما تقوم تاففت بضيق وهي تبي تطلع من المستشفى بأي طريقه اي طريقه المهم ترتاح بحضن اهلها
بيت عزيز
تجمعو الاخوات بالصاله والرجال بمجلسهم الي ينامون فيه و يتقهون فيه معزول عن البيت بالحوش عشان النساء ياخذون راحتهم
هدير : اتصلت عليه اكثر من مرا مارد علي
مهره : اكيد يزور جواهر الي منعنا من زيارتها
رويدا: خلوهم بحالهم احد قالكم زوجوهم
هدير : هو اصر عليها من صغره مع اني خفت عليها من بروده وبعض اوقات يعصب واذا عصب ولا غار يقلب الدنيا
بدت السواليف تاخذهم وجابو سالفة هوشتها مع رغد
مهره : ما توقعتها مو رغد تسوي ذي الحركات ولا حشمت نفسها
نوف : يمكن تغار منها بنتك ما مثلها احد تفكيرها غيررر وتنجز كل شي بثواني غير جمالها الي يلفت النظر
مهره : جواهر عنيده تبي كل شي بمزاجها واكيد تتكلم عن شغلها وحياتها كثير
رند : جواهر كانت تحب رغد وتعتبرها اختها بس كنت ما أطيقها وأحذر جواهر بالله وحده بعقلها تطلع كلام مو بصحبتها مجنونه خلوها بحالها المهم بكرا بحاول في محمد يدخلني عند جواهر
هدير : لا تتعبين نفسك نصيحه ولدي اعرف عناده
تأففت مهره بقهر وردت : ولدك تزوج بنتي ويمنعني منها من الحين كيف بعدين
ضحكت هدير : هذا محمد وعناده لي فتره تدق ما يرد علي الله يستر
