بسم الله
سبحان الله وبحمده سبحان الله العظيم
دخل السوبر ماركت وهي بيده بدأ يمشون : وش حابه تاخذين
جواهر بحيره : امم مدري وش ابغى بس كذا
محمد اخذ عربيه ويختار سناكات معها وقف عند الثلاجات : وش تبين مشروب
اشرت على حليب شوكولاته ابتسم واخذ كرتون ناظرته : محمد واحد بس
محمد رد : تحبين الحليب
هزت راسها : اي بس مو تاخذ كرتون
محمد سحب يدها وسحب العربيه بيده الثانيه : دامك تحبينه بجيب لك فرع كامل بالبيت
ضحكت : فرع كامل مرا وحده
باس يدها : اي فرع كامل
ابتسمت : مكافأتك مو هنا بالسياره
حط الاغراض على الكاشير : انتظرها
حاسب وناظر امه وابوه الي لسى يشترون تكلم : أنا بتقدم قدامكم
عبدالله : تعرف الخط روح اصلاً باقي ساعتين نوصل
محمد شأل الاغراض أعطها المفتاح : افتحي السياره
تقدمت قدامه وفتحت السياره نزل الاغراض ركب جنبها ناظرها : المكافأه
ضحكت : ماتنسى انت
هز راسه : لا ما انسى بسرعه هاتي
قربت تبوسه خده ضحك : شطوره
رجعت للمقعد : قليل ادب
تحرك من المحطه رجعت لوضيعة النوم سألها : بتنامين
هزت راسها : اي
فتح حضنه : تعالي
ناظرته : وين
محمد : بحضني اجل وين
جواهر برفض : لا كذا مرتاحه مايحتاج
محمد وقف على جنب : تعالي ومعليك
جواهر : محمد مارح تعرف تسوق
ابتسم : معليك بعرف اسوق تعالي
فكت طرحتها ونقابها جلست بحضنه وسحبت البطانيه : كذا مرتاح
هز راسه : اي مرتاح
تحرك بالسياره نامت بحضنه قعد يلعب بشعرها بعد ساعتين وقف عند بيت العائله ابعد شعرها عن وجهها باس بين عيونها : جوجو
فتحت عيونها : ما ابي المحطه
ضحك : لا خلاص قومي وصلنا البيت
رفعت نفسها :مودي ليه ما رحنا فندق احسن ما ابي دايركت عندهم
حاوط وجهها بكفوفه : بتتعودين عليهم يلا حبيبي ننزل ولا ننتظر اهلي
جواهر : ننتظر ماما هدير
رجعها يسند راسها : تمام ارتاحي الين يوصلون
رجعت لحضنه : تتوقع أتعود بدون مهره
يمسح على راسها : ان شاءالله انتي قادره
مسكت يده تلعب فيها : ان شاءالله
كان يتأملها ما انتبه لولد عمه المتواجد تقدم ولد عمه يدق الشباك شهقت جواهر بخوف ترفع راسها رجع راسها يخبيها بالبطانيه ونزل الشباك : هلا عزوز وش بغيت
عزوز يناظر البطانيه الي فيها جواهر : ولا شي بس انزل وش بلاك بالسياره
محمد ناظر عزوز : ناظرني هنا
رفع نظره عزوز : معليش يلا انزل
هز راسه: لا بنتظر اهلي بالسياره الثانيه
عزوز ابتعد : براحتك أنا داخل عند جدي
محمد سأله : طلع من المستشفى
عزوز هز راسه : اي قبل شوي جابوه
محمد : تمام روح
انصرف عزوز سحب البطانيه عن جواهر ضحك وهو يشوف وجهها محمر تكلمت : كتمتنييي
محمد ابتسم : اسف بس عزوز جاء بوقت غلط
ابتعدت ترفع نفسها : مين عزوز ذا
محمد : ولد عمي
سحبت نقابها وتأففت : اوففف متى بندخل البيت بغير فستاني
محمد يرجع شعرها وراء اذنها : لو كنتي لابسه بجامه بتنزلين
هزت راسها : لا تخيل بس
سحبت مرايه تشوف وجهها : على ذا البكاء والمسكره ما ساحت الحمدلله بدال لا تعب نفسي
سحبت شنطتها تطلع روج حطت منه ضحك محمد : احوس روجك
ناظرتها : لا ياقليل الادب
اخذت مشط تمشط شعرها : كذا تمام
هز راسه : ايي تمام
جواهر : متاكد مو طاير
ابتسم : اي متاكد
لبست طرحتها ونقابها : دق على ماما هدير اسألها وين
حاوط خصرها : خليهم على راحتهم شوي تلقينهم هنا
رجعت تسند راسها فتحت جوالها تتفرج مر مقطع فيه اطفال ابتسم : ان شاءالله نرجع بنونو صعنون لمهره
ضربته : مابي اطفال رند تجيب لها
ضحك سألها : تبين اول بيبي بنوته ولا ولد
ابتسمت : اكيد بنوتهه
حضنها : ان شاءالله ياعيوني
وصل عبدالله وقف جنب محمد نزل الكل دق الشباك على محمد نزل الشباك
عبدالله شاف جواهر ابتسم : ليه ما نزلتو
محمد : جوجو ماتبي تنزل إلا بكم
عبدالله ضحك : يلا انزلو
ابتعد عبدالله محمد فتح الباب شألها ونزل ضربته : محمد نزلنييي
ضحك : على كذا بدخل وانا شأيلك
عبدالله و هدير يضحكون عليهم هدير تكلمت : نزلها لو شافوك كذا وش بيسون
محمد يتقدم : ماعلي من احد يسون الي يسون
حاوطت رقبته همست : مودي ذا بتصير مشكله نزلني
ابتسم : مابيصير شي
دخل البيت عند عماته ابتسم وهو يشوف جدته ترحب انصدمت جدته بجواهر الي شايلها : ياويلي ماتوقعتها منك يامحمد
محمد تكلم : زوجتي ياجده تفكيرك وين راح
همست جواهر : محمد نزلني قبل تصير مشكله وربي لازعل منك لو صار شي
باسها ينزلها على الارض يوقفها : إلا زعلك
جواهر مسكته تتوازن سحب يدها تسلم على جدته سلمت جواهر عليها بتوتر
ناظرته وحده من عماته : لو انك متزوج هند احلى
غارت جواهر عليه تكلم : وش ابي فيها جواهر تسواها وتسوى قبايلها
ابتسمت وسألته : عادي أشيل النقاب
هز راسه : اي بس الطرحه خليها على كتفك
نزلت نقابها فتحت عبايتها وحطت الطرحه على كتفها اقترب لها يسوي شعرها :كذا افضل
ابتسمت له دخل عبدالله وهدير تعالت اصوات الصراخ من الصدمه بوجود عبدالله اقترب لامه يبوس راسها : كل شي كان مزيف
احتضنته نوره بقوه : ياعين امك الحمدلله الي قر عيني بشوفتك
باس يدها : الحمدلله
ابتعد يسحب جواهر من يد محمد : هاذا بنتي وعقبال تصير ام أحفادي
ابتسمت جواهر شافت النظرات واضحه انها ماتبشر بالخير
محمد سحبها من عبدالله : زوجتي يالاخو
ضحك عبدالله : ترا بنتي بعد
حضنها محمد يمسك دقنها يرفعه له : جوجتي واضح تعبانه تبي تنامين
ميلت راسها : لا مو تعبانه انت التعبان وتحطها براسي صح
ضحك : اي تعبان ابي ارتاح
هدير تكلمت : خلاص اطلع وخلي جواهر تتعرف عليهم
محمد هز راسه : تمام انتبهي لنفسك بطلع الجناح حقنا إذا خلصتي امي توصلك عندي تمام ياعيوني
هزت راسها : تمام
طلع محمد لجناحهم سحبتها هدير تجلسها جمبها
جواهر تفرك يدها بتوتر تكلمت هدير : متوتره
ناظرت جواهر : خايفه
حاوطة هدير كتوف جواهر : أنا معك لا تخافين عارفه طينتهم عايشه معهم اكثر من سنه
جواهر سألتها : مين هند
ناظرتها هدير : وش عرفك فيها
رفعت كتوفها : ما اعرفها بس سمعت عمته تقول له لو اخذت هند احسن
تكلمت هدير : بنت عمته لا تخافين مابينهم شي
سندت راسها على كتف هدير : اتمنى مايكون بينهم شي
هدير مسحت على شعر جواهر : تطمني ولا تشكين
دخلو بنات وقفت جواهر مع هدير تسلم عليهم سلمت وجلست هدير تكلمت : الي لابسه سماوي ذيك هند
نظرت جواهر سكتت ما أعطت ردة فعل بدو يسالفون مع جواهر كلامهم كان فيه تجريح لها وكلام انه هند لمحمد كانت ساكته عشان محمد تعبت وحست بغصه : استأذنكم بطلع ارتاح
تكلمت وحده منهم : احسن فكه
شدت على يد هدير : ماما وديني على الجناح
هدير حست بغصه جواهر : تمام
طلعت معها للجناح وصلو وجلست هدير بالصاله تفتح حضنها لجواهر : تعالي
جواهر حضنت هدير تبكي : ما ابي اكمل هنا رجعوني عند ماما
هدير تمسح على راسها : اصبري معليك منهم ياماما اصبري
انهارت اكثر وهي تذكر كل كلمه صرخت بقهر : ما ابي هدير رجعوني لماما ما ابي اجلس هنا زوجيه هند تجلس معه ما ابي
طلع من الغرفه على صراخها تكلم وهو يتقدم لهم : وش فيه
وقفت جواهر تضربه بعنف وقهر على صدره : روح يامحمد تزوج هند روح ورجعني لاهلي روح لها خلهم يتذكرون طفولتكم الحلوه روححححح
أنصدم من كلامها حضنها : اهدي اهدي
كانت تحاول تبعده وتقاومه وتضربه اكثر صرخ : جواهرر خلاص
زاد بكاها : لا مو خلاص رجعني رجعني
مسك كتوفها يهزها : إلا خلاص خلاص تتعبيني وتتعبين معي خلاص
هدير بعدته : محمد البنت بعيده عن اهلها وعماتك ما استحو وتكلمو عن ماضيك مع هند
صرخ : ماضي ايشششش هنددد ما عمري كلمتها الا بحدوود مين هم عشان يكذبون ميننن
طلع من الجناح بعصبيه نزل يصرخ عليهم : من سمح لكمممم تخترعوننن كلام من راسكم اقسم بالله من يكلم جواهر اني لقص لسانه
التفت لهند : ان كان ف قلبك حبي لي امحيه أنا رجال متزوج ولا متزوج حبيبتي ومستحيل افكر فيك
