بسم الله
الحمدلله
سبحان الله
رجع لداخل يتوجهه للمقلط
محمد بخوف يضرب على كتف سلمان بسرعه : ولد سلمان قوم
سلمان : يليللل انفك من جواهر يجيني زوجها اخلص وش تبغى
محمد : جواهر طلعت من البيت عارف وين تروح بذا الوقت
سلمان رفع جواله انصدم من الساعه : جواهر ماتطلع الحين
محمد يتحرك ويفكر بعصبيه : وين راحت اجل لو صار لها شي
سلمان رجع ينام : جواهر مو صغيره عارفه وين تروح وين تجي تعال نام
محمد عصب : بارد بطلع انتظرها بالحوش الين تجي
طلع معصب يجلس ينتظرها بالحوش. يفكر بخوف عليها
عند جواهر كانت بالسياره تتصل على عبدالله ومايرد : رد رد تكفى
كانت تسوق بجنون وخوف على عبدالله من عايض : ياربييي ليه مايردددد
وصلت المطار نزلت بسرعه وشافت امن المطار طلعت بطاقتها : جواهر عزيز لازم ادخل داخل
هز راسه بموافقه : تفضلي
ركضت تدور عليه شافت واحد يشابه من وراء ركضت : عمي عمي عبدالله
التفت عبدالله حضنته : الحمدلله مافيك شي ليه ماترد علي ليه
عبدالله انصدم من خوفها ودموعها : جوال طفي شحن وش فيك يابنتي
مسح دموعها ردت : خفت عليك بالغصب طلعت من عند محمد
سألها : محمد صاحي
هزت راسها : اي صاحي
عبدالله : خايف من ردة فعله جواهر ساعديني انه يتقبل
ابتسمت : موديي طيب وحنون ترا اكيد بيتقبل الموضوع
ضحك عبدالله : مودي اجل سقى الله زمن ابو حميده
ضحكت : الحين اختلف صار نظر عيني
عبدالله ابتسم : واضح تحبينه
تنهدت : مو بس احبه اعشقه وصلت لمرحله الهيام معه ولدك سرق قلبي من صغرنا كنت بكل صلاه ادعي ربي يجمعنا وتجمعنا اول مرا وافترقنا والحين رجعنا ولله لايجيب طاري فراق
شاف عيونها مليانه حب ودموع : تبين نروح البيت ولا نخمج هنا
ضحكت وسحبت يده تبوسها : يلا
طلعت من المطار معه مبسوطه ومتحمسه لردة فعل محمد
ركبو السياره شغلتها ناظرته : تقدر ترجع المقعده وترتاح
هز راسه برفض : لا مرتاح كذا يابنتي
ابتسمت رن جوالها برقم محمد ردت بحب : هلا عيوني
محمد بعصبيه : وينك
جواهر : شوي نكون عندك
ردي بأستغراب : نكون
ابتسمت : اي عندي لك مفاجأه تونس واتمنى ردة فعلك تكون حلوه
محمد : تكلمي وش مسويه مصيبه
ضحكت : موديي تتوقعني اسوي مصيبه حرام عليك
ابتسم وهو يسمع ضحكتها : فديت الضحكه الحلوه وصاحبتها
استحت من عبدالله تنحنحت : محمددد خلاص مع سلامه شوي اكون عندك
ضحك : توصلين لي بالسلامه وتنامين بحضني
قفلت وناظرت عبدالله وهو يضحك تكلمت : ولدك قليل ادب
ضحك زياده : احد قالك وافقي عليه
جواهر : طيب كان محترم مو كذا
عبدالله ابتسم : كان زمن ماضي قبل لا يخطبك ويملك عليك
سكتت وصلت لفت الحاره كانت متوتره وقفت السياره : وصلنا
عبدالله مسك يدها : احتاج وقفتك
سحبت يده تبوسها : معليك ان شاءالله يتفهمون الوضع
نزلو تقدمت للباب تفتحه فز محمد وركض لجهتها انصدم لوجود عبدالله حضن ابوه : انت حي يبه تكفى لا يكون حلم
عبدالله دمع : اسف يامحمد كنت بحميك منهم
محمد يشد على ابوه : طالبك ما تعتذر بس قول انك بواقعي مو بأحلامي الي أحلمها كل ليل
عبدالله يطبطب على ظهره : أنا هنا محمد انتهى كل شي رجعت اصلح كل الي صار
جواهر قربت لهم ميلت راسها : مالي مكان
عبدالله سحبها لحضنه حضنها عبدالله ومحمد تكلم : كل المكان لك اشتقت لعنادك مع محمد بطفولتكم صوركم كلها معي كل يوم اشوفها اتمنى اكون معكم والحمدلله الامنيه تحققت
محمد ابعد عن ابوه : تعال باخد علومك
عبدالله سكب لمحمد ناظر جواهر : وين هدير
ضحكت جواهر : افاااا ياذا العلممم طيب زوجي يبي علومك
عبدالله بشوق واضح : خلي زوجك اشتقت لهدير شوفي إذا صاحيه تجي
اشرت جواهر على عيونها : من عيونيييي كم عبدالله هنا
ابتسم وهي تطلع للدور الموجوده فيه هدير ومهره دخلت شافتهم : اوووهه صاحيننن
ضحك هدير : اي وش فيك جايه ركض محمد يلحقك
هزت راسها : لا بس الحقييي تحت في موضوع مهممم
ناطرتها مهره : وش الموضوع
جواهر : مفاجأه لهدير
مهره سحبت هدير : قومي بسرعهههه
مسكت جواهر يد هدير : جواهر اصبري اها طرحه على الاقل
جواهر تضحك : ما يحتاججج
وصلت للحوش توقف هدير قدام عبدالله انصدمت تناظر ملامحه حضنها عبدالله : ما اشتقتيلي
هدير مصدومه : بسم الله كيف
بادلته الحضن : عبدالله كيف
كان يشد عليها : موضوع انتهى جيت ابني حياتنا من جديد
عبدالله ابتعد يحاوط ظهرها يركز نظره على عيونها : اشتقتلك
هدير دموعها نزلت بغزاره : عذابي كان كبير ببعدك تركت لي 4 عيال ماكنت عارفه أربيهم كنت اعافر عشان أربيهم كنت اشتاق لك اشتاق لايامنا ابكي ليل نهار من شوقي الحين تكفى خلك جنبيي لا تبعد
عبدالله ابتسم : ماراح ابعد خلاص رجعت انتهى عذابك
رجعت تحضنه : احبك
ناظر محمد لجواهر الي كانت مبتسمه بدموع قرب حاوط خصرها يسحبها له ضربته :محمد
ابتسم : شفتك مبسوطه بمنظرهم قلت اقلدهم فيه مشكله
حطت يدها على يده الي محاوطه خصرها سندت راسها على كتفه باس خدها ابتسمت التفت عبدالله لهم وكلم هدير : هم كذا دايم
هزت هدير راسها : اي والله يعين تبي تروح ترتاح
عبدالله : من بعد شوفتك ما احس بتعب
ابتسمت : بكلم مهره تعطيني مفتاح الدور حق الضيوف ترتاح فيه هناك
هز راسه : تمام براحتك
محمد همس لجواهر : نروح ننام
جواهر : تمام بس اصبر اشوف عمي وش يحتاج وأوديه يرتاح
محمد لفها عليه : انتظرك
ابتسمت : ثواني بس انت روح غرفتي ارتاح الين اجي
كان يناظره بحب : روحي مع امي وانا بقعد مع ابوي
قربت وباست خده : اعطيتك مكافأتين اليوم تكفيك
ضحك : لا ما تكفيني
ابتعدت ومدت لسانها : تكفيك وزياده
سحبت هدير من جنب عبدالله وركضت لعند مهره ضحكت هدير مهره ناظرتهم : وش فيكم
هدير حضنت مهره بقوه : عبدالله رجععع
مهره انصدمت : بسم الله عليك اقري معوذاتك
جواهر ابتسمت : ماما من جد عمو عبدالله طلع عايش
ناظرتهم : كيف عايش
جواهر : كل شي مزيف والحمدلله انتهى وعمي رجع
حضنت مهره هدير تشد عليها : ياجعل فرحتك دايمه ياعيوني الف مبروك رجعته
جواهر : ماما اعطيني مفتاح الدور الي فوق بفتحه أشوف نضيف ولا
مهره: لحظه خليني استانس مع اختي شوي
جواهر : طيب هاتيه على بال ما انضفه يكون خلصتو
اشرت على سجاده : شوفيه تحتها
ضحكت جواهر : ماما وش ذي الأماكن الغريبه
اخذت المفتاح تطلع تطمن من نضافته تأكدت انه نضيف نزلت ترمي المفتاح على هدير : يلا انزلي نادي عمي اطلعو ترا نضيف
هزت راسها هدير وتحضن جواهر : تمام شكراً تعبناك معنا
ابتسمت جواهر : خير ليه تشكريني وما تعبت ولا شي
نزلت هدير لهم تقدمت جواهر لامها : ماما فكرت بموضوع
مهره استفهمت : عيون ماما تعالي انسدحي على فخذي وعلميني
راحت لمهره تنسدح : وين بنسكن أنا ومحمد بعد الزواج
مهره بغصه : بتسافرين معه عند اهله
جواهر رفعت حاجبها : مين اهله غير خالاتي ما اعرف الباقي
مهره تنهدت : خواته وعماته والله يستر منهم
سألتها : خواته ؟
هزت مهره راسها : اي عمك عبدالله كان متزوج قبل خالتك وما عرفنا إلا بعد ما جابت سليمان
جواهر : تعرفين عددهم وعدد عماته
مهره : خواته كثار ما اعرف عماته 5
جواهر بخوف من مستقبلها : ماما هم طيبين ولا لا
مهره باست جبين بنتها : ما ادري ياعيني لكن استودعتك الله
جواهر بكت : ما ابي خلاص بقعد هنا معك ومع اخواني وعزيز
مسحت على راسه جواهر : بسم الله على قلبك محمد رجال بيصونك و أوعدك كل اجازه أنا عندك
جواهر : حاولي تكلمينه على الاقل اسكن بيت قريب منكم
او الدور الرابع اضبطه ونسكن فيه
مهره :ماراح يقتنع انتبهي لنفسك
جلست جواهر تحضن مهره : ما ابي مكانهم بعيد عنكم
مهره تحضن جواهر : عيون ماما بوصي عليك هدير وكل مالقيت فرصه بحجز طياره اجيك تمام
هزت راسها جواهر : تمام
دخل محمد مبتسم شاف جواهر تبكي توجه بخوف : وش فيها حبيبتي
جواهر: عادي نسكن عند اهلي
تنهد يطمنها : نسكن هناك سنه واذا ما عجبك نرجع عند مهره
جواهر مسكت يده : خايفه
حضنها : أنا معك لا تخافين بس تجنبي كلامهم لانهم نفس غزيل ما يفرقون عنها
زاد خوفها : خلاص اسمع نقدر ناخذ بيت بعيد عنهم
محمد ابعد يمسح على راسها : ما نقدر عشان جدي وجدتي طلبو مني وان ما عجبك الوضع ابشري اشتري بيت ننقل هنا عند مهرتك
ابتسمت التفت تبوس راس مهره : تصبحين على خير
مهره باست جواهر سحبها محمد ودخلو الغرفه توسطت بالسرير عشان تنام ابتسم وحضنها : عارفه اني قدمت الزواج
جواهر : يعني هدير ما تمزح معي
هز راسه : اي ما تمزح يلا كلها 7 ايام وين تبين نسافر
جواهر بتفكير : اممم مابي اسافر احس مو لازم
محمد : براحتك وقت ما تقولين يلا احجز في الدوله الي تبينها
ابتسمت ورجعت تسأله : متى بنروح عند اهلك
مسك يدها يمسح عليها بحنيه : بعد زواجنا بيومين يوم نجي عند اهلك واليوم الثاني نمشي من هنا لمدينتي
جواهر : تمام طيب مودي ملابسي الي البسها هنا عادي هناك
محمد : البسي الي تبين دامك زوجتي محد بيتكلم وان تكلمو بدخل بعينهم
جواهر غرست نفسها بحضنه : احبك
ابتسم يشد عليها : اعشقك وأعشق روحك يلا نامي وريحي بالك من التفكير تمام
هزت راسها : تمام
