Sweetest Lie #Wattys2016 Winner (#2)

Chapter 3

Maaga akong nagising kinabukasan, kahit na late na akong nakauwi. Kailangan ko pa kasing maghanap ng pangalawang trabaho. Kahit na ano. Basta ayos sa schedule ko. Kailangan ko ng pera para naman mabawasan na ang mga utang ko. Dalawang buwan na din akong hindi nakakabayad sa renta ng apartment. Baka palayasin na ako ni Aling Betty pag hindi ako nagbayad sa susunod na linggo.

Naghilamos na muna ako at lumabas para bumili ng almusal. Paglabas ko pa lang ay nakita ko na si Diego na palabas din sa kanilang apartment.

"Oh, Ria? Ang aga mong nagising, ah. Aalis ka?" Tanong niya habang hinahawi pataas ang kanyang buhok.

"Oo, eh." Tango ko. "Maghahanap ako ng isa pang trabaho."

Pinauna niya akong maglakad. Naamoy ko ang matapang na pabango niya nang malampasan ko siya.

"Kaya pa ba ng katawan mo? Diba, madaling araw ng natatapos yang trabaho mo? Kaya mo pa bang magtrabaho pag umaga?" Tanong niya habang naglalakad na kami.

"Oo naman, no... tsaka kailangan ko talaga ng pera dahil ang dami ko ng utang. Tapos yung bayad pa sa renta, sa kuryente, sa tubig."

Inakbayan niya ako. "Ikaw talaga! Ang sipag mo.." Ngiti niya. "Ako nga, isa lang trabaho ko pero napapagod na ako. Yung day off ko, kulang pa. Pero, ikaw? Wala ka atang kapaguran!" Natawa na lang ako sa kanyang sinabi.

Mabuti nga siya, natanggap siya sa isang call center. Sabay kaming nag apply dun pero hindi naman ako natanggap. Siya lang. Siguro ay hindi talaga para sa akin ang trabahong yun.

Paglabas namin sa maliit na eskinitang pinanggalingan namin ay may dumating ng jeep para masakyan ni Diego. Nagpaalam na siya sa akin bago tuluyang umalis.

Ako naman ay tumungo na muna sa bakery ni Mang Cesar. Bibili na lang siguro ako limang pirasong pandesal. Sampung piso lang yun, mabubusog na ako.

"Mang Cesar, pabili nga ho. Limang pandesal." Sabi ko pagdating sa bakery. Naamoy ko kaagad ang bango ng mga pandesal at iba pang tinapay. Nagutom tuloy ako dahil sa aking naamoy.

"Ang konti naman ng binili mo, Ria. Mabubusog ka ba dyan?" Tanong ni Mang Cesar habang inaabot sa akin ang supot ng pandesal. Inabot ko na din sa kanya ang bayad ko.

"Oo naman po!" Ngiti ko. "Isawsaw ko lang 'to sa kape, mabubusog na ko!"

Natawa siya sa aking sinabi. "Bakit nga pala ang aga mong nagising ngayon
May lakad ka ba?"

"Opo.." Kumuha ako ng isang pirasong pandesal at kinagat ito. "Maghahanap kasi ang ng trabaho."

"Diba, may trabaho ka na? Bat ka pa maghahanap? Natanggal ka ba sa trabaho mo?" Usisa niya.

Umilang agad ako. "Hindi po. Kailangan ko lang ng extrang mapagkakakitaan. Para naman po mabawasan ang mga utang ko.."

"Naku, ang sipag mo talagang bata ka! Sana ganyan din ang mga anak ko.." Lumingon siya sa likod para patamaan ang mga anak niya sa loob ng bakery. Natawa na lang ako sa kanyang ginawa. "Kung gusto mo ng trabaho, subukan mo sa carinderia ni Sita. Kailangan ata niya ng tindera.. pero alam mo naman yun.. baka hindi lang tindera ang kailangan. Baka all around.."

"Huh? Diba po ay kakapalit lang niya ng tindera last week?" Nagtatakang tanong ko.

"Alam mo namang yung si Sita! Masyadong inaaway ang mga tindera niya, kaya sumusuko agad.." Aniya. "Oh, sige na. Umuwi ka na para agad ka ng makaalis.."

"Sige po. Salamat.."

Habang naglalakad ako ay napaisip ako sa sinabi ni Mang Cesar. Kilalang strikta dito sa lugar namin si Aling Sita. Nakakatakot nga yun dahil sobrang bagsik naman talaga niya sa kanyang mga empleyado. Pero, kaya ko naman sigurong pagtyagaan yun? Okay na din naman, dahil part time ko lang naman yun. Tsaka malapit ito sa apartment, kung sakali. Hindi ko na kailangan pang bumyahe.