Sandro, Fingerin Mo Ko. Charot!

Una: Kalandian

"Sandro, fingerin mo ko. Charot!" ngisi ng dalaga sabay click sa kanyang touchscreen na telepono. Pagkasend ng comment niya sa bagong post ni Sandro sa Instagram ay dali-dali naman nitong binuksan ang Facebook niya. Kahit gipit sa load ay nagregister pa ito sa GoSurf10 with free Facebook para lang maistalk ang crush na crush niyang si Sandro Marcos. "Gwapo mo talaga, baby!" kilig na kilig naman siyang nagscroll sa kanyang newsfeed.

Siya si Karisma Villafonso, dise-sais anyos, nag-aaral ng isang pampublikong paaralan at nasa Grade 11 na sa darating na pasukan. Siya raw ang #1 fangirl ng panganay na anak ni BBM, si Sandro Marcos.

Tumambad naman ang headline ng isang sikat na diyaryo sa kanya. Sabi dito, nangunguna na raw si Rep. Leni Robredo sa pagkabise presidente. "Waaaah! Mga putangina! Madaya! Mga bobo! Mga dilaw! Bias!" Hala, nabeastmode ang dalaga. Kaya naman dali-dali naman itong nagtype sa comments section... "Mga putanginang dilaw! Madaya kayo! Tanga! Bobo! #BBM4VP" *click*

Matapos ang ilang minuto ay nagdagsaan ang mga naglike at nagreply sa comment niya. Taray, sikat na ang ate mo!

"Ou nga, tama! S0brang 0bveous na! Mga madadaya! Rec0unt!"

"#BBM4VP president marcos is da best!"

Tuwang-tuwa si Karisma habang binabasa ang mga replies sa comment niya. Buti naman pala at marami pang hindi nauto sa mga balita ng mga biased networks na 'to, isip niya. Marcos for the win!

Todo suporta ang #1 fangirl ni Sandro sa kanya at sa pamilya niya kahit na lagi siyang tulog kapag AP nila. '"Di bale, buti maraming matalino sa Facebook kaya alam ko ang katotohanan. Ang babait kaya ng mga Marcos! Mga bwisit na dilaw! Bakit ba nila sinisisi ang tatay ni Sandro my loves sa kasalanan ng tatay niya? Mga bobo! Ang galing kaya ni Marcos! The best talaga si Macoy! Martial Law, sus, move on!"

Magrerepost na sana ito ng isang artikulo mula sa Adobo Chronicles nang biglang nagring ang telepono niya.

Adik sayooooo...

Umalingawngaw naman sa kwarto niya sa boses ng isa pa niyang crush na si Daniel Padilla. Ilang taon na rin niyang ringtone ito. Ultimate fangirl talaga! "Hmp, DJ ko, pasalamat ka mahal pa rin kita kahit maka-dilaw ka. Hmp!"

Isang unknown number ang tumatawag sa kanya. Baka isa lang 'to sa mga katext ko sa dati kong text clan, isip niya. Kaya naman walang anu-ano ay sinagot niya ang tawag.

"Hello?" sagot ng dalaga

"Hey."

Bumilis ang tibok ng dalaga! Shet! Ang gwapo ng boses! Sino kaya ito?

"S-sino 'to?"

"Hi, Karisma..." sabi ng malamig na boses na kausap niya

"U-uhm..."

Ilang interviews and videos na ang napanuod niya. Hindi siya pwedeng magkamali. Nanlaki ang mga mata niya at bumilis ang tibok ng puso niya. Shet! Putangina! Totoo ba 'to?

"Hey, this is Sandro."